ಮರಾಠ ಲಘು ಪದಾತಿದಳದ ಕಮಾಂಡೆಂಟ್ ಬ್ರಿಗೇಡಿಯರ್ ಗಿರೀಶ ಉಪಾಧ್ಯೆ ಮಾತನಾಡಿ, ಚಿಕ್ಕಮಕ್ಕಳಿಂದ ಹಿಡಿದು ವೃದ್ಧರವರೆಗಿನ ಎಲ್ಲರ ಅಗತ್ಯ ಪೂರೈಸುವ ನಗರವಾಗಿ ಬೆಳಗಾವಿ ಅಭಿವೃದ್ಧಿಯಾಗಲು ಡಾ.ಕೋರೆ ಕೊಡುಗೆ ಅಪಾರ. ಎಂಎಲ್ಐಆರ್ಸಿ ಸೈನಿಕರಿಗೆ ತುರ್ತು ಚಿಕಿತ್ಸೆಗೆ ಕೆಎಲ್ಇ ತುಂಬ ಸಹಕಾರಿಯಾಗಿದೆ. ಮೊದಲು ಪುಣೆಯಲ್ಲಿನ ಸೇನಾ ಆಸ್ಪತ್ರೆಗೆ ದೌಡಾಯಿಸಬೇಕಿತ್ತು. ಆದರೆ, ಈಗ ಕೆಎಲ್ಇ ಆಸ್ಪತ್ರೆಯಲ್ಲೇ ಕೋರೆಯವರು ಸೈನಿಕರಿಗೆ ಬೇಕಾದ ಎಲ್ಲ ವ್ಯವಸ್ಥೆ ಮಾಡಿಕೊಟ್ಟಿದ್ದಾರೆ ಎಂದು ಶ್ಲಾಘಿಸಿದರು. ಸಮಾರಂಭದಲ್ಲಿ ಡಾ.ಪ್ರಭಾಕರ ಕೋರೆ ಮತ್ತು ಆಶಾ ಕೋರೆ ದಂಪತಿಯನ್ನು ಸನ್ಮಾನಿಸಲಾಯಿತು. ಶಿರೀಷ್ ಗೋಗಟೆ, ಅವಿನಾಶ ಪೋತದಾರ, ಡಾ.ಪ್ರೀತಿ ದೊಡವಾಡ, ಕರ್ನಲ್ ವಿನೋದ ಪಾಟೀಲ ಇತರರಿದ್ದರು.
