ಕಬ್ಬು ಬೆಳೆಗಾರರ ಅಭಿವೃದ್ಧಿಯೇ ಮುಖ್ಯ ಗುರಿ

ಅಥಣಿ ಕೃಷ್ಣಾ ಸಹಕಾರ ಸಕ್ಕರೆ ಕಾರ್ಖಾನೆಯಲ್ಲಿ ಜನ್ಮದಿನದ ಅಂಗವಾಗಿ ಪರಪ್ಪ ಸವದಿ ಅವರನ್ನು ಸನ್ಮಾನಿಸಲಾಯಿತು. ಸಿ.ಎಸ್.ಪಾಟೀಲ, ಎಸ್.ಎ.ಠಕ್ಕಣವರ, ವಿನಾಯಕ ಮನಗೂಳಿ, ಮಲ್ಲೇಶ ಸವದಿ, ಸಿ.ಬಿ.ಪಾಶ್ಚಾಪೂರೆ ಇತರರಿದ್ದರು.

Published on:

04 Jan 2026, 9:23 am

ಅಥಣಿ: ಕೃಷ್ಣಾ ಸಹಕಾರ ಸಕ್ಕರೆ ಕಾರ್ಖಾನೆ ರೈತರು, ಕಬ್ಬು ಬೆಳಗಾರರ ಹಿತಕಾಪಾಡುವ ಜತೆಗೆ ಕಾರ್ಖಾನೆ ಅಭಿವೃದ್ಧಿ ಪಥದಲ್ಲಿ ಕೊಂಡೊಯ್ಯುವುದು ಮುಖ್ಯ ಗುರಿಯಾಗಿದೆ. 15 ದಿನಗಳೊಳಗಾಗಿ ಕಬ್ಬು ಪೂರೈಕೆದಾರರಿಗೆ ಬಿಲ್ ಪಾವತಿಸಲು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುತ್ತಿದೆ ಎಂದು ಕೃಷ್ಣಾ ಸಹಕಾರ ಸಕ್ಕರೆ ಕಾರ್ಖಾನೆ ಅಧ್ಯಕ್ಷ ಪರಪ್ಪ ಸವದಿ ಹೇಳಿದರು.

ತಾಲೂಕಿನ ಕಾರ್ಖಾನೆ ಆವರಣದಲ್ಲಿರುವ ಕೃಷ್ಣಾ ರೈತಭವನದಲ್ಲಿ ಗುರುವಾರ 68ನೇ ಜನ್ಮದಿನದ ಅಂಗವಾಗಿ ಸನ್ಮಾನ ಸ್ವೀಕರಿಸಿ ಮಾತನಾಡಿ, 20 ವರ್ಷಗಳಿಂದ ಕಾರ್ಖಾನೆ ಕಾರ್ಯಭಾರ ಮಾಡುತ್ತಿದ್ದು, ಎಲ್ಲ ರೈತ ಸದಸ್ಯರು, ಕಬ್ಬು ಬೆಳೆಗಾರರ, ಸಿಬ್ಬಂದಿ, ಕಾರ್ಮಿಕರ ಹಿತ ಕಾಪಾಡುವ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸಿದ್ದೇನೆ. ಸಹಕಾರ ಕ್ಷೇತ್ರದ ಸಕ್ಕರೆ ಕಾರ್ಖಾನೆಗಳ ಸಾಲಿನಲ್ಲಿ ಕೃಷ್ಣಾ ಸಕ್ಕರೆ ಕಾರ್ಖಾನೆಯನ್ನು ಮೊದಲ ಸ್ಥಾನದಲ್ಲಿರಿಸಲು ಎಲ್ಲರ ಸಹಕಾರ ಮುಖ್ಯವಾಗಿದೆ ಎಂದರು.

ಕಾರ್ಖಾನೆ ಆವರಣದಲ್ಲಿರುವ ಗೋಶಾಲೆಗಳಲ್ಲಿನ ಹಸುಗಳಿಗೆ ಮೇವು, ಹಿಂಡಿ ವಿತರಿಸಲಾಯಿತು. ನೌಕರರ ಸಂಘದ ಅಧ್ಯಕ್ಷೆ ಅಂಜು ಮನಗೂಳಿ ನೇತೃತ್ವದಲ್ಲಿ ಅಂಧಮಕ್ಕಳ ಶಾಲೆಯಲ್ಲಿ ಹಣ್ಣು ವಿತರಿಸಿಸಲಾಯಿತು. ಯುವ ಮುಖಂಡ ಮಲ್ಲೇಶ ಸವದಿ, ಸಿ.ಎಸ್.ಪಾಟೀಲ, ಸಿ.ಬಿ.ಪಾಶ್ಚಾಪುರೆ, ಎಸ್.ಎ.ಠಕ್ಕಣವರ, ಶಂಕರ ಗೋಟಖಿಂಡಿ, ವಿನಾಯಕ ಮನಗೂಳಿ, ಎಸ್.ಕೆ.ಪಡಸಲಗಿ, ಡಿ.ಬಿ.ದೇಸಾಯಿ, ಎ.ಜಿ.ಕುಲಕರ್ಣಿ, ಎ.ಪಿ.ದೇಶಪಾಂಡೆ, ಎಸ್.ಎಸ್.ಪಾಟೀಲ, ಎಲ್.ಆರ್.ಮರಿಗೌಡರ, ಆರ್.ವಿ.ಪವಾರದೇಸಾಯಿ, ಆರ್.ವಿ.ನಾವಿ, ಆರ್.ಡಿ.ಚೌಗಲಾ, ಶಿವು ಬಡಿಗೇರ ಇತರರಿದ್ದರು.

ಕಬ್ಬು ಬೆಳೆಗಾರರ