ವಿವಿಧ ಗ್ರಾಮಗಳಲ್ಲಿ ಕಬ್ಬಿಗೆ ಬೆಂಕಿ

ಭೆಂಡಿಗೇರಿ ಮತ್ತು ಬಡಸದಲ್ಲೂ ಕಬ್ಬಿಗೆ ಬೆಂಕಿ: ಇದಲ್ಲದೆ, ಸಮೀಪದ ಭೆಂಡಿಗೇರಿ ಮತ್ತು ಬಡಸ ಕೆ.ಎಚ್. ಗ್ರಾಮಗಳಲ್ಲೂ ಬುಧವಾರ ವಿದ್ಯುತ್ ತಂತಿ ಸ್ಪರ್ಶದಿಂದ ಎಂಟೂವರೆ ಎಕರೆ ಕಬ್ಬಿನ ಬೆಳೆ ಸುಟ್ಟು ನಷ್ಟವಾಗಿದೆ. ಬಡಸ ಕೆ.ಎಚ್. ಗ್ರಾಮದ ದುಂಡಯ್ಯ ಬಸಲಿಂಗಯ್ಯ ಚಿಕ್ಕಮಠ 2 ಎಕರೆ 44 ಗುಂಟೆ ಮತ್ತು ಭೆಂಡಿಗೇರಿ ಗ್ರಾಮದ ಮಂಜುಳಾ ಹುಲಮನಿ 3 ಎಕರೆ ಹಾಗೂ ಹನಮಂತಪ್ಪ ಹಳ್ಳೂರಗೆ ಸೇರಿದ 3 ಎಕರೆ

ಕಬ್ಬು ನಾಶವಾಗಿದೆ. ಈ ಕುರಿತು ಹಿರೇಬಾಗೇವಾಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸ್ಥಳಕ್ಕೆ ಕಂದಾಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದರು.

ನಂದೇಶ್ವರದಲ್ಲೂ ಬೆಂಕಿ: ವಿದ್ಯುತ್ ಅವಘಡದಿಂದ ಕಬ್ಬಿನ ಗದ್ದೆಗೆ ಬೆಂಕಿ ಹೊತ್ತಿ ಶಿವಕುಮಾರ ಪಾಟೀಲ ಹಾಗೂ ವಿಜಯಕುಮಾರ ಪಾಟೀಲ ಅವರ 8 ಎಕರೆ ಕಬ್ಬು ಸುಟ್ಟ ಘಟನೆ ಸಮೀಪದ ಸತ್ತಿ ಗ್ರಾಮದಲ್ಲಿ ಬುಧವಾರ ಸಂಭವಿಸಿದೆ.

ಮಾಹಿತಿ ತಿಳಿದು ಸ್ಥಳಕ್ಕೆ ದೌಡಾಯಿಸಿದ ಅಗ್ನಿಶಾಮಕದಳ ಸಿಬ್ಬಂದಿ ಬೆಂಕಿ ನಂದಿಸಿ ಅಪಾರ ಪ್ರಮಾಣದ ಹಾನಿ ತಪ್ಪಿಸಿದ್ದಾರೆ ಎಂದು ಪ್ರಕರಣ ದಾಖಲಿಸಿಕೊಂಡ ಅಥಣಿ ಠಾಣೆ ಪೊಲೀಸರು ತಿಳಿಸಿದ್ದಾರೆ.