ಯರಡಾಲದಲ್ಲಿ ಕುಡಿವ ನೀರಿಗೆ ಪರದಾಟ

ಗ್ರಾಮಸ್ಥರು ಸುಮಾರು 3-4 ತಿಂಗಳಿಂದ ಕುಡಿಯುವ ನೀರಿನ ಸಮಸ್ಯೆ ಎದುರಿಸುತ್ತಿದ್ದು, ಶಕ್ತಿನಗರ, ಹರಿಜನ ಕೇರಿ, ಗೌಡರ ಕಾಲನಿ, ಹೊಸ ಪ್ಲಾಟ್ ಕೆಲವೆಡೆ ಅವೈಜ್ಞಾನಿಕವಾಗಿ ಜೆಜೆಎಂ ಕಾಮಗಾರಿಯಿಂದ ನೀರು ಸಮರ್ಪಕವಾಗಿ ದೊರೆಯುತ್ತಿಲ್ಲ. ಸುಮಾರು 500ಕ್ಕೂ ಹೆಚ್ಚಿನ ಮನೆ, 5,000ಕ್ಕೂ ಹೆಚ್ಚಿನ ಜನಸಂಖ್ಯೆ ಹೊಂದಿದ ಗ್ರಾಮದಲ್ಲಿ ದಿನ ಬೆಳಗಾದರೆ ಬಡಾವಣೆಗಳ ನಾಗರಿಕರು ಕೊಡ ಹಿಡಿದು ನೀರು ಅರಸುವುದೇ ಕಾಯಕವಾಗಿದೆ. ಗ್ರಾಮದಲ್ಲಿ ಕುಡಿಯುವ ನೀರಿನ ಬವಣೆ ಕುರಿತು ಈಗಾಗಲೇ ಬೈಲವಾಡ ಪಿಡಿಒಗೆ ಮನವರಿಕೆ ಮಾಡಿದ್ದರೂ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.

ಅಧಿಕಾರಿಗಳು ಇನ್ನಾದರೂ ಕುಡಿಯುವ ನೀರು ಪೂರೈಸಲಿ. ಶಕ್ತಿನಗರದಲ್ಲಿನ ಬಸ್ ಶೆಲ್ಟರ್‌ಗೆ ಬೆಳಕಿನ ವ್ಯವಸ್ಥೆ ಕಲ್ಪಿಸಲಿ, ಚರಂಡಿ ಸ್ವಚ್ಛತೆಗೆ ಆದ್ಯತೆ ನೀಡಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.

ಬೈಲವಾಡ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಯರಡಾಲ ಗ್ರಾಮದ ವಿವಿಧ ಬಡಾವಣೆಗಳಲ್ಲಿ ಕುಡಿಯುವ ನೀರಿಗೆ ನಾಗರಿಕರು ಸಮಸ್ಯೆ ಎದುರಿಸುತ್ತಿರುವುದು ಗಮನಕ್ಕೆ ಬಂದಿದೆ. ರಸ್ತೆ ರಿಪೇರಿ ಮಾಡುತ್ತಿರುವುದರಿಂದ ಅಭಿವದ್ಧಿ ಹಾಗೂ ಪರಿಹಾರ ವಿಳಂಬವಾಗಲಿದ್ದು ನಾಗರಿಕರು ಸಹಕರಿಸಬೇಕು.

— ಡಿ.ಬಿ.ರಾಯನಾಯ್ಕರ ಪಿಡಿಒ ಬೈಲವಾಡ