ಪಾಲಿಕೆ ಆಸ್ತಿ ಪತ್ತೆಗೆ ಹರಸಾಹಸ!

ಹೌದು. ನಗರದ ಹೃದಯಭಾಗದಲ್ಲಿ ಕೋಟ್ಯಂತರ ರೂ. ಬೆಳೆಬಾಳುವ ಆಸ್ತಿಗಳು, ಗುತ್ತಿಗೆ ಅವಧಿ ಮುಗಿದಿರುವ ಆಸ್ತಿಗಳಿವೆ. ಆದರೆ, ಆಸ್ತಿಗೆ ಸಂಬಂಧಿಸಿದ ಸೂಕ್ತ ದಾಖಲೆಗಳು ಲಭ್ಯವಾಗುತ್ತಿಲ್ಲ. ಈ ಹಿನ್ನೆಲೆ 1975ರಿಂದ 2025ರ ನಡುವಿನ ಅವಧಿಯಲ್ಲಿ ಆಸ್ತಿ ರಜಿಸ್ಟರ್‌ನಲ್ಲಿ ದಾಖಲಾಗಿರುವ ಮತ್ತು ಸಾರ್ವಜನಿಕ ಆಸ್ತಿ ಗುತ್ತಿಗೆ ನೀಡಲು ಪಾಲಿಕೆ ಸಾಮಾನ್ಯ ಸಭೆಯಲ್ಲಿ ಕೈಗೊಂಡಿರುವ ಠರಾವು ಪ್ರತಿಗಳನ್ನು ಪರಿಶೀಲನೆಗೆ ನಿರ್ಧರಿಸಿದೆ. ಇದಕ್ಕಾಗಿ ಅಧಿಕಾರಿಗಳ ವಿಶೇಷ ತಂಡ ರಚನೆಗೆ ಕ್ರಮ ವಹಿಸಿದೆ.

ಈಗಾಗಲೇ ಪಾಲಿಕೆಯ ಒಡೆತನದ ಆಸ್ತಿ ಸೇರಿ ಸಾಮಾಜಿಕ ಸೇವಾ ಉದ್ದೇಶಕ್ಕೆ ಮೀಸಲಿಟ್ಟಿರುವ ಜಾಗಗಳನ್ನು ಖಾಸಗಿ ಸಂಸ್ಥೆಗಳಿಗೆ ಬೋಗ್ಯ, ಬಾಡಿಗೆ ಆಧಾರದ ಮೇಲೆ ಅಂದಾಜು 110 ಕ್ಕೂ ಅಧಿಕ ಆಸ್ತಿ ನೀಡಲಾಗಿದೆ. ಈ ಆಸ್ತಿಗಳ ಪೈಕಿ 70ಕ್ಕೂ ಅಧಿಕ ಆಸ್ತಿಗಳ ಗುತ್ತಿಗೆ ಅವಧಿ ಮುಗಿದು ಎರದು ವರ್ಷ ಕಳೆದಿವೆ. ಆದರೆ, ಇಂತಹ ಆಸ್ತಿ ವಶಕ್ಕೆ ಪಡೆದುಕೊಳ್ಳಲು ಸೂಕ್ತ ದಾಖಲೆಗಳು ಸಿಗುತ್ತಿಲ್ಲ. ಕೆಲ ಆಸ್ತಿ ಖಾಸಗಿ ವ್ಯಕ್ತಿ, ಸಂಸ್ಥೆ ಹೆಸರಿಗೆ ದಾಖಲಾಗಿವೆ.ಇದರಿಂದಾಗಿ ಪಾಲಿಕೆಗೆ ಮಾಸಿಕ ಲಕ್ಷಾಂತರ ರೂ. ಆದಾಯ ನಷ್ಟವಾಗುತ್ತಿದೆ.

2002 ರಿಂದ 2020ರ ನಡುವಿನ ಅವಧಿ ಪಾಲಿಕೆ ಸಾಕಷ್ಟು ಆಸ್ತಿಗಳನ್ನು ಮನಬಂದಂತೆ ಗುತ್ತಿಗೆ ನೀಡಲಾಗಿದೆ. ಅಂತಹ ಆಸ್ತಿಗಳನ್ನು ಕೆಲವರು ತಮ್ಮ ವೈಯಕ್ತಿ ಲಾಭಕ್ಕಾಗಿ ಬಳಕೆ ಮಾಡಿಕೊಂಡಿದ್ದಾರೆ. ಇನ್ನೂ ಕೆಲವರು ವಾಣಿಜ್ಯ ಮಳಿಗೆಗಳನ್ನು ನಿರ್ಮಿಸಿ ಮಾಸಿಕ 2 ರಿಂದ 3 ಲಕ್ಷ ರೂ. ಬಾಡಿಗೆ ಪಡೆದುಕೊಳ್ಳುತ್ತಿದ್ದಾರೆ.ಕೆಲವರು ಸಾಮಾಜಿಕ ಸೇವೆಯ ಹೆಸರಿನಲ್ಲಿ ಆಸ್ತಿ ಪಡೆದುಕೊಂಡು ಖಾಸಗಿ ವ್ಯಕ್ತಿಗಳ ಹೆಸರಿಗೆ ನೋಂದಣಿ ಮಾಡಿಕೊಂಡಿದ್ದಾರೆ. ಆದರೆ, ಇಂತಹ ಆಸ್ತಿಗಳ ಮರಳಿ ಪಡೆದುಕೊಳ್ಳಲು ಕಂದಾಯ ವಿಭಾಗ ಅಧಿಕಾರಿ ವರ್ಗ ಕ್ರಮ ವಹಿಸಿಲ್ಲ. ಅಕ್ರಮದಾರರಿಗೆ ನೋಟೀಸ್ ಕೂಡ ನೀಡಿಲ್ಲ. ಹೀಗಾಗಿ ಕೆಲವರು ಕೋರ್ಟ್ ಮುಖಾಂತರ ಆಸ್ತಿಗಳನ್ನು ತಮ್ಮಂತೆ ಮಾಡಿಕೊಂಡಿದ್ದಾರೆ.

ಈ ಹಿಂದೆ ಪಾಲಿಕೆಯ ಹಳೆಯ ಕಟ್ಟಡದಲ್ಲಿ ಆಸ್ತಿಗಳಿಗೆ ಸಂಬಂಧಿಸಿದ ಮಹತ್ವದ ದಾಖಲೆ ಸಂಗ್ರಹಿಸಿಡಲಾಗಿತ್ತು. ಆದರೆ, ವಿದ್ಯುತ್ ಅವಘಡ ಇತರೆ ಕಾರಣಗಳಿಂದ ಬೆಂಕಿ ತಗುಲಿ ದಾಖಲೆ ಸುಟ್ಟು ಭಸ್ಮವಾಗಿದ್ದವು. ಎರಡು ಬಾರಿ ಕಚೇರಿಗಳಲ್ಲಿ ದಾಖಲೆ ಕಳ್ಳತನವಾಗಿದ್ದವು. ಹೀಗಾಗಿ ಆಸ್ತಿಗಳಿಗೆ ಸಂಬಂಧಿಸಿದ ಮೂಲ ದಾಖಲೆಗಳು ಪತ್ತೆಯಾಗುತ್ತಿಲ್ಲ. ಯಾವ್ಯಾವ ಆಸ್ತಿಗಳನ್ನು ಗತ್ತಿಗೆ ನೀಡಲಾಗಿದೆ, ಯಾವ ಆಸ್ತಿ ಗುತ್ತಿಗೆ ಮುಗಿದಿದೆ ಮತ್ತು ಆಸ್ತಿಗಳು ಎಲ್ಲೇಲ್ಲಿವೇ ಎಂಬುದು ಸ್ಪಷ್ಟವಾದ ಮಾಹಿತಿ ಇಲ್ಲ ಎಂದು ಸದಸ್ಯರು ದೂರಿದ್ದಾರೆ.

......................................

ಬಾಕ್ಸ್

ಮಹಾನಗರ ಪಾಲಿಕೆ ವ್ಯಾಪ್ತಿಯ ಅಂದಾಜು ಆಸ್ತಿ ವಿವರರ

ವರ್ಷ ಆಸ್ತಿಗಳು (ಲಕ್ಷ)

2021 1.38

2022 1.42

2023 1.48

2024 1.49

2025 1.50

............

ಕೋಟ್ಸ್

ಮಹಾನಗರ ಪಾಲಿಕೆ ವ್ಯಾಪ್ತಿಯ ಪ್ರತಿಯೊಂದು ಆಸ್ತಿಯ ರಜಿಸ್ಟರ್ ದಾಖಲೆ ಪರಿಶೀಲನೆ ನಡೆಸಲಾಗುತ್ತಿದೆ. ಗುತ್ತಿಗೆ ಅವಧಿ ಮುಗಿದಿರುವ, ಒತ್ತುವರಿ ಹಾಗೂ ಸಾರ್ವಜನಿಕ ಉದ್ದೇಶಕ್ಕೆ ಮೀಸಲಿಟ್ಟಿರುವ ಆಸ್ತಿ ಪತ್ತೆಗೆ ಕ್ರಮ ವಹಿಸಲಾಗಿದೆ.

-ಡಾ.ಸಿದ್ದು ಹುಳ್ಳೊಳಿ, ಆಯುಕ್ತ, ಪಾಲಿಕೆ ಕಂದಾಯ ವಿಭಾಗ