ಹಣ್ಣಿನ ಬುಟ್ಟಿಯಾದ ಹಳೇ ಪಡ್ಡಲಗಿ!

ಸವದತ್ತಿ ಯಲ್ಲಮ್ಮನಗುಡ್ಡದಲ್ಲಿ ದೇವಿ ಪೂಜೆಗೆ ಪಡ್ಡಲಗಿಗಳೇ ಪ್ರಧಾನ. ಪ್ರತಿವರ್ಷ ತಮ್ಮ ಮನೆಗಳಿಂದ ಪಡ್ಡಲಿಗೆ ತರುವ ಭಕ್ತರು, ಅವುಗಳಲ್ಲಿ ನೈವೇದ್ಯವಿಟ್ಟು ಪೂಜೆ ಮಾಡಿ, ಹಳೆಯದನ್ನು ಬಿಟ್ಟು, ಹೊಸದನ್ನು ಮನೆಗೆ ತೆಗೆದುಕೊಂಡು ಹೋಗುವ ಸಂಪ್ರದಾಯವಿದೆ. ಹೀಗೆ ಪ್ರತಿ ವರ್ಷ ಬಿಟ್ಟು ಹೋಗುವ ಹಳೇ ಪಡ್ಡಲಗಿ ಎಲ್ಲೆಂದರಲ್ಲಿ ಬಿಸಾಡುವುದರಿಂದ ಮಂದಿರದ ಪರಿಸರ ಮಾಲಿನ್ಯಕ್ಕೂ ಕಾರಣವಾಗಿತ್ತು. ಈಗ ಇವುಗಳನ್ನೇ ಸಂಗ್ರಹಿಸಿ, ಹೊಸ ರೂಪ ನೀಡಿ, ದೇವಿಗೆ ಸಮರ್ಪಿಸುವ ಹಣ್ಣು-ಕಾಯಿ ಬುಟ್ಟಿಗಳನ್ನಾಗಿ ಬಳಸುವ ಯೋಜನೆ ಭಾರತಹುಣ್ಣಿಮೆ ಜಾತ್ರೆಯಿಂದ ಜಾರಿಗೆ ಬರಲಿದೆ.

ಒಂದು ವರ್ಷದಿಂದ ರೇಣುಕಾ ಯಲ್ಲಮದೇವಿ ದೇವಸ್ಥಾನ ಅಭಿವೃದಿಟಛಿ ಪ್ರಾಧಿಕಾರದ ಜತೆಗೆ ಮಂದಿರದ ಸ್ವಚ್ಛತೆಗಾಗಿ ಕೈಜೋಡಿಸಿದ ಹಸಿರುದಳ ಸ್ವಯಂಸೇವಾ ಸಂಸ್ಥೆ, ಒಂದು ವರ್ಷದ ಶ್ರಮದ ಬಳಿಕ ಈಗ ಪಡ್ಡಲಗಿ ಮರುಬಳಕೆಯನ್ನು ಈ ಸಲದ ಭಾರತ ಹುಣ್ಣಿಮೆ ಜಾತ್ರೆಯಿಂದ ಜಾರಿಗೆೆ ತರಲಾಗುತ್ತಿದೆ. ಪ್ರಾಯೋಗಿಕವಾಗಿ ಈಗಾಗಲೇ ಕೆಲ ಅಂಗಡಿಗಳಿಗೆ ಹಣ್ಣಿನ ಬುಟ್ಟಿ ವಿತರಿಸಲಾಗಿದೆ. ತಮ್ಮಲ್ಲಿ ಖರೀದಿಗೆ ಬರುವ ಭಕ್ತರಿಗೆ ಪ್ಲಾೃಸ್ಟಿಕ್ ಬುಟ್ಟಿಗಳಲ್ಲಿ ಹಣ್ಣು-ಕಾಯಿ ಇಟ್ಟು ಕಳುಹಿಸುತ್ತಿದ್ದ ವ್ಯಾಪಾರಿಗಳು ಇನ್ನು ಮುಂದೆ ಹೊಸ ರೂಪ ಪಡೆದ ಪಡ್ಡಲಗಿಗಳಲ್ಲಿಟ್ಟು ಕೊಡಲಿದ್ದಾರೆ.

ಕಳೆದ ವರ್ಷದ ಜ.17ರಂದು ಸಾರ್ವಜನಿಕ ಜಾಗೃತಿ ಅಭಿಯಾನದ ಮೂಲಕ ಗುಡ್ಡದಲ್ಲಿ ಸ್ವಚ್ಛತಾ ಅಭಿಯಾನ ಆರಂಭಿಸಿದ ಹಸಿರುದಳದ ಸಿಬ್ಬಂದಿ ಹಾಗೂ ತ್ಯಾಜ್ಯ ನಿರ್ವಹಣಾ ಸಿಬ್ಬಂದಿ, ಸ್ವಯಂಸೇವಕರು, ಮೊದಲು ಭಂಡಾರದ ನಿರ್ವಹಣೆ ಕುರಿತು ಹಾಗೂ ಸ್ವಚ್ಛತೆ ಕಾಪಾಡಿಕೊಳ್ಳುವ ಕುರಿತು ಭಕ್ತರಿಗೆ ತಿಳಿವಳಿಕೆ ನೀಡಿ, ಸ್ವಚ್ಛತಾ ಕಾರ್ಯಕ್ಕಿಳಿದರು. ಈ ಸಂದರ್ಭದಲ್ಲಿ ಸಾಕಷ್ಟು ಕಡೆ ಪಡ್ಡಲಗಿ ಬಿದ್ದಿರುವುದೇ ಕಂಡುಬಂತು. ಚೆನ್ನಾಗಿದ್ದರೂ, ಪ್ರತಿ ವರ್ಷ ಬದಲಿಸಬೇಕೆಂಬ ಪದಟಛಿತಿಯಿಂದ ಹಳೆಯದನ್ನು ಎಸೆದು ಹೋಗಿರುವುದು ಗೊತ್ತಾಯಿತು. ನಂತರ ಕೇವಲ ಮೂರೇ ತಿಂಗಳಿನಲ್ಲಿ ಎಸೆದು ಹೋದ 7,000 ಪಡ್ಡಲಗಿಗಳನ್ನು ಸಂಗ್ರಹಿಸಲಾಯಿತು. ಇವುಗಳ ಸಂಗ್ರಹದ ರಾಶಿ ಬೆಳೆಯುತ್ತಲೇ ಹೋದಾಗ, ಏನಾದರೂ ಮಾಡಬೇಕೆಂದು ಚಿಂತಿಸಿ ಹಣ್ಣು-ಕಾಯಿ ಬುಟ್ಟಿಯಾಗಿ ಮರುಬಳಕೆ ಮಾಡುವ ಪರಿಕಲ್ಪನೆ ಬಂದಿದೆ.

ಇಲ್ಲಿರುವ ಅಂಗಡಿಗಳಲ್ಲಿ ಪ್ಲಾೃಸ್ಟಿಕ್ ಬ್ಯಾಗ್ ಬದಲಿಗೆ ಸಂಪೂರ್ಣ ಬಟ್ಟೆ ಬ್ಯಾಗ್ ಬಳಸುವಂತೆ ಮಾಡಲು ಯೋಜನೆ ರೂಪಿಸಲಾಗಿದೆ. ಎಣ್ಣೆಹೊಂಡ ಮತ್ತು ಜೋಗುಳಬಾವಿಯಲ್ಲಿ ಸ್ನಾನ ಮಾಡಿ ಹಾಗೂ ದೀರ್ಘದಂಡ ನಮಸ್ಕಾರದ ಬಳಿಕ ಎಸೆಯುವ ಒದ್ದೆ ಬಟ್ಟೆಗಳನ್ನು ಸಂಗ್ರಹಿಸಿ, ಅವುಗಳನ್ನು ಒಣಗಿಸುತ್ತಿದ್ದು, ಅದರಲ್ಲಿ ಉತ್ತಮವಾಗಿರುವ ಸೀರೆ, ಬಟ್ಟೆ, ಪ್ಯಾಂಟ್‌ಗಳನ್ನು ಮರುಬಳಕೆಗೆ ನೀಡುತ್ತಿದ್ದಾರೆ. ಉಳಿದ ಬಟ್ಟೆಗಳನ್ನು ಸಂಸ್ಕರಿಸಿ, ಅವುಗಳಿಂದಲೇ ಬ್ಯಾಗ್ ತಯಾರಿಸಿ, ಇಲ್ಲಿರುವ ಅಂಗಡಿಗಳಿಗೆ ನೀಡಲು ಯೋಜನೆ ರೂಪಿಸಿದ್ದು, ಜೋಗುಳಬಾವಿ ಪರಿಸರದಲ್ಲೇ ಬ್ಯಾಗ್ ತಯಾರಿಕಾ ಘಟಕ ಸ್ಥಾಪನೆಯಾಗಲಿದೆ.

"