ಪಾಲಕರು ಮಕ್ಕಳ ಆರೋಗ್ಯದತ್ತ ಕಾಳಜಿ ವಹಿಸಲಿ

ತಾಲೂಕಿನ ತಾರಿಹಾಳ ಗ್ರಾಮದ ಅಡವಿ ಸಿದ್ಧೇಶ್ವರ ಮಠದಲ್ಲಿ ಕೆಎಲ್‌ಇ ಶತಮಾನೋತ್ಸವ ಚಾರಿಟಬಲ್ ಆಸ್ಪತ್ರೆಯು ಜನಸೇವಾ ಫೌಂಡೇಷನ್ ಸಹಯೋಗದಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಆರೋಗ್ಯ ತಪಾಸಣೆ ಉಚಿತ ಶಿಬಿರದಲ್ಲಿ ಮಾತನಾಡಿದ ಅವರು, ಶೀತಗಾಳಿಯಿಂದ ಮಕ್ಕಳಿಗೆ ನೆಗಡಿ, ಕೆಮ್ಮು ಬರಬಹುದು. ಇವುಗಳ ಬಗ್ಗೆ ಅಲಕ್ಷಿಸದೆ ಸೂಕ್ತ ಉಪಚಾರ ಪಡೆಯಬೇಕು ಎಂದರು.

ಜನ ಸೇವಾ ಫೌಂಡೇಷನ್ ಅಧ್ಯಕ್ಷ ಅಡಿವೆಪ್ಪ ರಾಜಗೋಳಿ ಮಾತನಾಡಿ, ಆರೋಗ್ಯ ಸೇವೆಗಳು ನಗರ ಪ್ರದೇಶಕ್ಕೆ ಸೀಮಿತವಾಗದೆ ಹಳ್ಳಿಗೂ ತಲುಪಬೇಕೆಂಬ ಮಹಾತ್ವಾಕಾಂಕ್ಷೆಯಿಂದ ಕೆಎಲ್‌ಇ ಸಂಸ್ಥೆಯ ಚಾರಿಟಬಲ್ ಆಸ್ಪತ್ರೆ ಕಾರ್ಯನಿರ್ವಹಿಸುತ್ತಿದ್ದು, ನಾಗರಿಕರಿಗೆ ಆರೋಗ್ಯ ಸೇವೆ ನೀಡಿರುವುದಕ್ಕೆ ಅಭಿನಂದನೆ ಸಲ್ಲಿಸುವುದಾಗಿ ತಿಳಿಸಿದರು.

ಶಿಬಿರದಲ್ಲಿ 125 ಜನರ ಆರೋಗ್ಯ ತಪಾಸಿಸಲಾಯಿತು. 42 ಜನರಿಗೆ ಜನರಲ್ ಮೆಡಿಸಿನ ವಿಭಾಗದ ಡಾ.ದಿಶಾ ಭಾಕರ ತಪಾಸಿಸಿ, ಅದರಲ್ಲಿ 10 ಜನರಿಗೆ ರಕ್ತದೊತ್ತಡ ಹಾಗೂ ಮಧುಮೇಹದ ಸಮಸ್ಯೆಗಳಿರುವುದು ತಿಳಿದು ಬಂತು. ಎಲುಬು-ಕೀಲು ವೈದ್ಯ ಡಾ.ಸಿ.ವಿ.ಶೆಟ್ಟರ 30 ಜನರಿಗೆ ತಪಾಸಿಸಿದಾಗ, 7 ಜನರಿಗೆ ಸಂಧಿವಾತ ಹಾಗೂ ಮತ್ತಿತರ ಎಲುಬು-ಕೀಲು ಸಮಸ್ಯೆಗಳಿರುವುದು ಕಂಡು ಬಂತು. 28 ಮಕ್ಕಳನ್ನು ಡಾ.ಸಂತೋಷಕುಮಾರ ಕರಮಸಿ, ನೇತ್ರ ವೈದ್ಯೆ ಡಾ.ಸ್ಫೂರ್ತಿ ಮೊರಪ್ಪನವರ 36 ಜನರಿಗೆ ತಪಾಸಿಸಿದರು.

ಆಸ್ಪತ್ರೆ ವೈದ್ಯಕೀಯ ಅಧೀಕ್ಷಕ ಡಾ.ಸಂಜಯ ಕಂಬಾರ, ಮುಖ್ಯ ಕಾರ್ವನಿರ್ವಹಣಾಧಿಕಾರಿ ಪ್ರಶಾಂತ ದೇಸಾಯಿ, ಸಂತೋಷ ಇತಾಪೆ, ಸಾಗರ ಅಕನೋಜಿ, ಗಿರೀಶ ಇಟಗಿ ಇತರರಿದ್ದರು.