ಮುರುಘೇಂದ್ರ ಶ್ರೀ ಬದುಕು ದಾರಿದೀಪ

ಪಟ್ಟಣದ ಗಚ್ಚಿನಮಠದಲ್ಲಿ ಶಿವರಾತ್ರಿ ಅಂಗವಾಗಿ ಶನಿವಾರ ಹಮ್ಮಿಕೊಂಡಿದ್ದ ಜೀವನದರ್ಶನ ಪ್ರವಚನ ಉದ್ಘಾಟಿಸಿ ಮಾತನಾಡಿ, ಶ್ರೀಮಠಕ್ಕೆ ಆಗಮಿಸುವ ಭಕ್ತರಿಗೆ ಅರಿವು, ಆಚಾರ, ದಾಸೋಹದ ಮಹತ್ವ ತಿಳಿಸಿದರು. ಬಸವಣ್ಣನವರ ವಚನ ಬದುಕಿನಲ್ಲಿ ಅಳವಡಿಸಿಕೊಂಡು ಅದರಂತೆ ಸಾಗಿ ಮಹಾಶಿವಯೋಗಿಯಾದರು. ಅಸಂಖ್ಯಾತ ಭಕ್ತ ಸಮೂಹ ಹೊಂದಿರುವ ಗಚ್ಚಿನಮಠದ ಮಠಾಧಿಪತಿಯಾಗದೆ ಸೇವಕರಂತೆ ಕೆಲಸ ಮಾಡಿ, ಶಿಷ್ಯನನ್ನೇ ಮಠಾಧಿಪತಿಯನ್ನಾಗಿ ಮಾಡಿದ ಹಿರಿಮೆ ಅವರದು. ಅಂಥವರ ಆದರ್ಶದಿಂದ ಬದುಕನ್ನು ಹಸನಾಗಿಸಿಕೊಳ್ಳೋಣ ಎಂದರು.

ಮುಧೋಳ ಸಿದ್ಧಾರೂಢಮಠದ ಸಿದ್ಧರಾಮ ಸ್ವಾಮೀಜಿ ಮಾತನಾಡಿ, ಗಚ್ಚಿನ ಮಠದಲ್ಲಿ ಶಿವರಾತ್ರಿ ಅಂಗವಾಗಿ ಜರುಗುವ ಸಾಂಸ್ಕೃತಿಕ ಕಾರ್ಯಕ್ರಮಗಳು ಮಾದರಿಯಾಗಿದೆ. ಇಲ್ಲಿನ ಪ್ರವಚನಕ್ಕೆ ಆಗಮಿಸಿರುವುದು ಸಂತಸ ತಂದಿದೆ ಎಂದರು.

ಹಿರಿಯರಾದ ಪ್ರಕಾಶ ಮಹಾಜನ, ಶಿವಾನಂದ ದಿವಾನಮಳ, ಹನುಮಂತ ಕಾಲುವೆ, ಈರನಗೌಡ ಪಾಟೀಲ, ಬಸವರಾಜ ಕೋಟಿ, ಗಿರೀಶ ದಿವಾನಮಳ, ಸೋಮು ವಾಂಗಿ, ಅಶೋಕ ಹೊಸೂರ, ಚಿದಾನಂದ ನರಗಟ್ಟಿ ಇತರರಿದ್ದರು.