ಹಣ ಡಬ್ಲಿಂಗ್ ಆಮಿಷ

ಜಿಲ್ಲಾ ಪೊಲೀಸ್ ಕಚೇರಿಯಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ ಅವರು, ಗೋಕಾಕ ನಗರದ ಶ್ರೀನಗದಲ್ಲಿರುವ ಮನೆಯೊಂದರಲ್ಲಿ ತಾವು ಕೊಡುವ ಹಣಕ್ಕೆ ನಾಲ್ಕು ಪಟ್ಟು ಹಣ ಮೂಡುವ ನೋಟು ನೀಡುತ್ತೇವೆ ಎಂದು ಆಸೆ ತೋರಿಸಿ, ಕಪ್ಪು ಬಣ್ಣದ ಖಾಲಿ ಹಾಳೆ, ಒಂದಷ್ಟು ಕೆಮಿಕಲ್ ಹಾಗೂ ಯಂತ್ರಗಳನ್ನು ನೀಡಿ ವಂಚಿಸಿದ್ದರು. ಇದಕ್ಕೆ ಮಹಾರಾಷ್ಟ್ರ ಪೊಲೀಸ್ ಇಲಾಖೆಯ ಇಬ್ಬರು ಕಾನ್ಸ್‌ಟೇಬಲ್‌ಗಳು ಸಹಾಯ ಮಾಡುತ್ತಿದ್ದರು. ಖಚಿತ ಮಾಹಿತಿ ಮೇರೆಗೆ ದಾಳಿ ಮಾಡಿ ಈ ಜಾಲ ಬಯಲಿಗೆಳದಿದ್ದಾರೆ ಎಂದರು.

ಗೋಕಾಕದ ಪರಶುರಾಮ ಬಡಕರಿ, ಇಮ್ರಾನ್ ಜುನೇದಿ, ಮೆಹಬೂಬ ದೇಸಾಯಿ, ಮಹಾರಾಷ್ಟ್ರದ ಜಯಶ್ರೀ ಕಾಂಬಳೆ, ಮನಿಷಾ ಗಾಯಕವಾಡ, ಉಜ್ವಲಾ ಬಿಲಾನೆ, ಪೊಲೀಸ್ ಕಾನ್ಸಟೇಬಲ್‌ಗಳಾದ ಅನಂತ ನರವಾಡೆ ಮತ್ತು ದಿಲದಾರ್ ಶೇಖ್ ಆರೋಪಿಗಳು. ಈ ಪೈಕಿ ಮೆಹಬೂಬ್ ಹೊರತುಪಡಿಸಿ ಉಳಿದ 7 ಜನರನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.