ಮೇಲ್ಸೇತುವೆ ನಿರ್ಮಾಣಕ್ಕೆ ಸ್ಥಳ ನಿಗದಿ

ಪ್ರಾಥಮಿಕ, ಪ್ರೌಢಶಾಲೆ, ಕಾಲೇಜು, ಸರ್ಕಾರಿ ಆಸ್ಪತ್ರೆ, ಪೊಲೀಸ್ ಠಾಣೆ ಮತ್ತು ಬಸ್ ನಿಲುಗಡೆ ಇರುವುದರಿಂದ ಸಂಚಾರಸಿಕ್ಕು ಹೆಚ್ಚುತ್ತಿದೆ. ಹೀಗಾಗಿ, ಅಗತ್ಯ ಕೆಲಸಗಳಿಗಾಗಿ ರಸ್ತೆ ದಾಟುವ ಸಂದರ್ಭದಲ್ಲಿ ಬಹಳಷ್ಟು ಜನರು ಅವಘಡಕ್ಕೀಡಾಗಿದ್ದಾರೆ. ಈ ಕುರಿತಾಗಿ ಗ್ರಾಮಸ್ಥರು ಹೆದ್ದಾರಿ ಪ್ರಾಧಿಕಾರ ಹಾಗೂ ಸಂಸದ ಜಗದೀಶ ಶೆಟ್ಟರ ಅವರಿಗೆ ಸಮಸ್ಯೆ ಕುರಿತಾಗಿ ತಿಳಿಸಿ ಪರ್ಯಾಯ ವ್ಯವಸ್ಥೆಗೆ ಮನವಿ ಮಾಡಿದ್ದರು.

ಜನರ ಮನವಿ ಲವಾಗಿ ಮೇಲ್ಸೇತುವೆ ನಿರ್ಮಾಣಕ್ಕೆ ಮಂಜೂರಾತಿ ದೊರೆತಿದ್ದು, ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ ನೀಡಿ ಬಸವೇಶ್ವರ ವೃತ್ತದಲ್ಲಿ ಸ್ಥಳ ಗೊತ್ತುಪಡಿಸಿದ್ದಾರೆ. ಇದರಿಂದ ಸಾರ್ವಜನಿಕರು ಹಾಗೂ ವಾಹನ ಸವಾರರು ಸೇರಿ ಎಲ್ಲರಿಗೂ ಅನುಕೂಲವಾಗಲಿದೆ.ಮುಂದಿನ ವಾರದಲ್ಲಿ ಕಾಮಗಾರಿ ಪ್ರಾರಂಭವಾಗಲಿದೆ ಎಂದು ಸ್ಥಳ ಪರಿಶೀಲಿಸಿದ ಹೆದ್ದಾರಿ ಪ್ರಾಧಿಕಾರದ ಅಭಿಯಂತ ವಿಜಯಕುಮಾರ ಚಿಟಗುಪ್ಪ ತಿಳಿಸಿದರು.

ಸುರೇಶ ಇಟಗಿ, ಆನಂದ ನಂದಿ, ರಾಜಶೇಖರ ಪಾಟೀಲ, ಅಭಿಯಂತ ರತೀಶ ಬಿರಾದಾರ, ಹೆದ್ದಾರಿ ವ್ಯವಸ್ಥಾಪಕ ರವಿಕುಮಾರ, ಸಲೀಂ ಸತ್ತಿಗೇರಿ, ತಮ್ಮಣ್ಣ ಗಾಣಿಗೇರ, ಬಸವರಾಜ ತೋಟಗಿ, ಮಲ್ಲಪ್ಪ ನಂದಿ ಇತರರಿದ್ದರು.