ಸಂಜೆ ಸಮಯದಲ್ಲಿ ವಿಮಾನಗಳು ರನ್ವೇದಲ್ಲಿ ಇಳಿಯುವಾಗ ಲೇಜರ್ ಲೈಟ್ ಮತ್ತು ಸರ್ಚ್ ಲೈಟ್ ಕಿರಣಗಳ ಪ್ರಖರತೆ ಪೈಲಟ್ ಗಳ ಕಣ್ಣಿಗೆ ತಾಗಿ ಅರೆಕ್ಷಣ (ಫ್ಲಾೃಷ್ ಬ್ಲೈಂಡನೆಸ್) ಏನೂ ಕಾಣದಂತೆ ಮಾಡುತ್ತಿವೆ. ಇಂತಹ ತಾಂತ್ರಿಕ ದೋಷ ವಿಮಾನ ಸುಗಮ ಸಂಚಾರಕ್ಕೆ ಸವಾಲೆಸೆಯುತ್ತಿದೆ. ಕೋಲ್ಕತದಲ್ಲಿ ನಿರ್ಬಂಧ: ಕೋಲ್ಕತ ನಗರದಲ್ಲಿ ಎದುರಾಗುತ್ತಿದ್ದ, ಇಂತಹದ್ದೆ ಸಮಸ್ಯೆಯಿಂದ ಎಚ್ಚೆತ್ತು, ಸ್ಥಳೀಯ ವಿಮಾನ ಪ್ರಾಧಿಕಾರ, ಪೊಲೀಸರಿಗೆ ದೂರು ನೀಡಿದ್ದರು. ಈಗ ನಿಲ್ದಾಣದ ಸುತ್ತಮುತ್ತ 18.5 ಕಿಮೀ ವ್ಯಾಪ್ತಿಯಲ್ಲಿ ಲೇಜರ್ ಲೈಟ್ ಬಳಕೆ ನಿರ್ಬಂಧಿಸಲಾಗಿದೆ. ಇದನ್ನು ದೇಶದ ವಿವಿಧ ನಿಲ್ದಾಣಗಳ ವ್ಯಾಪ್ತಿಯಲ್ಲೂ ಜಾರಿಗೆ ತರಲು ಚಿಂತನೆ ನಡೆದಿಯಾದರೂ, ನಿರ್ಬಂಧ ತುರ್ತು ಜಾರಿಯ ಅವಶ್ಯತೆ ಹೆಚ್ಚಿದೆ ಎನ್ನುತ್ತಿದ್ದಾರೆ ಪ್ರಾಧಿಕಾರ ಅಧಿಕಾರಿಗಳು.
