ಗ್ರಾಮೀಣ ಕ್ರೀಡೆಗಳನ್ನು ಬೆಳೆಸುವುದು ಎಲ್ಲರ ಕರ್ತವ್ಯ

ನಂದೇಶ್ವರ: ಗ್ರಾಮೀಣ ಕ್ರೀಡೆಗಳು ಎಲ್ಲರನ್ನೂ ಒಗ್ಗೂಡಿಸುವ ಕೊಂಡಿಗಳಾಗಿವೆ ಎಂದು ತಾಪಂ ಮಾಜಿ ಸದಸ್ಯ ಬಾಳಾಸಾಹೇಬ ಪಾಟೀಲ ಹೇಳಿದರು.

ಗ್ರಾಮದ ಹನುಮಾನ ದೇವರ ರಥೋತ್ಸವ ಅಂಗವಾಗಿ ಸೋಮವಾರ ಹಮ್ಮಿಕೊಂಡಿದ್ದ ಕುಸ್ತಿ ಪಂದ್ಯಾವಳಿಗೆ ಚಾಲನೆ ನೀಡಿ ಮಾತನಾಡಿ, ಕ್ರೀಡೆಗಳು ದೈಹಿಕ ಹಾಗೂ ಮಾನಸಿಕವಾಗಿ ಸದೃಢಗೊಳಿಸುತ್ತವೆ. ಆಧುನಿಕ ಭರಾಟೆಯಲ್ಲಿ ಗ್ರಾಮೀಣ ಕ್ರೀಡೆ ಉಳಿಸಿ ಬೆಳೆಸುವುದು ಎಲ್ಲರ ಕರ್ತವ್ಯ ಎಂದರು.

ಶಿಕ್ಷಕ ಎಸ್.ಬಿ.ಲಾಲಸಿಂಗಿ ಮಾತನಾಡಿ, ಹಿರಿಯ ಕ್ರೀಡಾಪಟುಗಳು ಯುವಕರಿಗೆ ಕ್ರೀಡಾ ತರಬೇತಿ ನೀಡಬೇಕು ಎಂದು ತಿಳಿಸಿದರು.

ರಮೇಶಗೌಡ ಪಾಟೀಲ, ಬಾಳಪ್ಪ ಯಲ್ಲಟ್ಟಿ, ಗುರು ಜನವಾಡ, ಅಧೃಶಿ ಪಾಟೀಲ, ರಾಮಪ್ಪ ಪರಟಿ, ಗುರುಲಿಂಗ ತೇಲಿ, ಬಸಪ್ಪ ಮುಧೋಳ, ಸತ್ಯಪ್ಪ ಬಳವಾಡ, ನಿಂಗಪ್ಪ ಜನವಾಡ, ಎಸ್.ಬಿ.ಲಾಲಸಿಂಗಿ, ಕಲ್ಲಪ್ಪ ಜನವಾಡ, ಧರೆಪ್ಪ ಮಗದುಮ್ಮ, ಸದಾಶಿವ ಲಾಲಸಿಂಗಿ, ಶ್ರೀಶೈಲ ಪೂಜಾರಿ, ಅಣ್ಣಪ್ಪ ಸತ್ತಿ, ಆನಂದ ಶಿರಗುಪ್ಪಿ, ಮುಕ್ಕುಂದ ಭೋಜನ್ನವರ, ಶಂಕರ ಪೂಜಾರಿ ಇತರರಿದ್ದರು.