ರಾಯಣ್ಣ ಪ್ರತಿಮೆಗೆ ಮಸಿ?

ನಗರ ಪೊಲೀಸ್ ಆಯುಕ್ತ ಭೂಷಣ ಬೋರಸೆ, ಡಿಸಿಪಿ ನಾರಾಯಣ ಬರಮನಿ ಮತ್ತು ಅಧಿಕಾರಿಗಳು ಸ್ಥಳಕ್ಕಾಗಮಿಸಿ ಸ್ಥಳೀಯರಿಂದ ದೂರು ಪಡೆದು, ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುವ ಭರವಸೆ ನೀಡಿದರು. ರಾತ್ರಿಯೇ ಗ್ರಾಮಸ್ಥರು ಪ್ರತಿಮೆ ಸ್ವಚ್ಛಗೊಳಿಸಿದ್ದಾರೆ. ಮುಂಜಾಗ್ರತಾವಾಗಿ ಸ್ಥಳದಲ್ಲಿ ಪೊಲೀಸ್ ಬಂದೋಬಸ್ತ್ ನಿಯೋಜಿಸಲಾಗಿದೆ.

ತನಿಖೆ ನಡೆದಿದೆ: ಪರಿಸ್ಥಿತಿ ಹತೋಟಿಗೆ ತಂದಿದ್ದು, ಸಿಸಿಟಿವಿ ಕ್ಯಾಮರಾ ಪರಿಶೀಲಿಸಲಾಗುತ್ತಿದೆ ಎಂದು ಆಯುಕ್ತ ಭೂಷಣ ಬೋರಸೆ ತಿಳಿಸಿದ್ದಾರೆ. ಮೂರ್ತಿ ಮೇಲೆ ಬಿದ್ದಿರುವ ದ್ರವ್ಯದ ಮಾದರಿ ಸಂಗ್ರಹಿಸಿ ಎಫ್‌ಎಸ್‌ಎಲ್ ಕಳುಹಿಸಲಾಗಿದೆ. ಮೇಲ್ನೋಟಕ್ಕೆ ಇದು ಅಂಟು ಅಂಟಿನ ದ್ರವ್ಯದಂತಿದೆ. ಮೇಲ್ಗಡೆ ಮರವೂ ಇದೆ. ಮರದ ಎಲೆಗಳ ಮೇಲೂ ಈ ಅಂಟಿನ ರೀತಿಯ ದ್ರವ್ಯ ಅಲ್ಲಲ್ಲಿ ಚೆಲ್ಲಿದಂತಿದೆ. ಹೀಗಾಗಿ, ಅರಣ್ಯ ಇಲಾಖೆಯವರಿಗೂ ಪರಿಶೀಲಿಸಲು ಹೇಳಿದ್ದೇವೆ.

ಎಫ್‌ಎಸ್‌ಎಲ್ ವರದಿ ಬಂದ ಬಳಿಕ ಸತ್ಯಾಸತ್ಯತೆ ಗೊತ್ತಾಗಲಿದೆ ಎಂದು ತಿಳಿಸಿದ್ದಾರೆ..