ನೀರು ಹರಿಸಲು ಒತ್ತಾಯಿಸಿ ರೈತರ ಮನವಿ

ಮುರಗೋಡ: ಮಾರ್ಕಂಡೇಯ ಬಲದಂಡೆ ಕಾಲುವೆ ಎಂಆರ್ ಬಿಸಿ ಗೇಟ್ 28 ಮತ್ತು 29 ಮೂಲಕ ಹಳ್ಳಕ್ಕೆ ನೀರು ಹರಿಸುವಂತೆ ಸಮೀಪದ ಹಿರೇಬುದನೂರ, ಓಬಲದಿನ್ನಿ ಸುತ್ತಲಿನ ಗ್ರಾಮಸ್ಥರು ಬೈಲಹೊಂಗಲ ಉಪವಿಭಾಗಾಧಿಕಾರಿಗಳ ಮುಖಾಂತರ ಸಂಬಂಧಪಟ್ಟ ಅಧಿಕಾರಿಗಳಿಗೆ ಶುಕ್ರವಾರ ಮನವಿ ಸಲ್ಲಿಸಿದರು.

ಜೆಡಿಎಸ್ ಜಿಲ್ಲಾ ಅಧ್ಯಕ್ಷ ಶಂಕರ ಮಾಡಲಗಿ ಮಾತನಾಡಿ, ಕಳೆದ ಮೂರು ದಿನಗಳ ಹಿಂದೆ ಬತ್ತಿದ ಕಾಲುವೆಗೆ ಇಳಿದು ಪ್ರತಿಭಟನೆ ನಡೆಸಿದರೂ ಯಾವ ಅಧಿಕಾರಿಯು ಸ್ಪಂದಿಸಿಲ್ಲ. ಕಳೆದ 1 ವರ್ಷದಿಂದ ಹಳ್ಳಕ್ಕೆ ನೀರು ಬಿಡದ ಕಾರಣ ಅಂತರ್ಜಲ ಮಟ್ಟ ಕುಸಿದು ಗ್ರಾಮದ ಜನರಿಗೆ, ಜಾನುವಾರುಗಳಿಗೆ ಕುಡಿಯುವ ನೀರಿನ ಅಭಾವ ಸೃಷ್ಟಿಯಾಗಿದೆ. ಹೊಲಗಳಿಗೆ ನೀರು ಹರಿಸದೆ ಕಬ್ಬು, ಗೋವಿನ ಜೋಳ ಸೇರಿ ವಿವಿಧ ಬೆಳೆಗಳು ಒಣಗಿ ಹೋಗುತ್ತಿವೆ. ತಕ್ಷಣ ಅಧಿಕಾರಿಗಳು ನೀರು ಹರಿಸಬೇಕು. ಇಲ್ಲವೇ ಬೆಳಗಾವಿ- ಬಾಗಲಕೋಟೆ ರಾಜ್ಯ ಹೆದ್ದಾರಿ ತಡೆದು ಪ್ರತಿಭಟಿಸಲಾಗುವುದು ಎಂದು ಎಚ್ಚರಿಕೆ ನೀಡಿದ್ದಾರೆ.

ರೈತರಾದ ಗುರುಲಿಂಗಪ್ಪ ಅಂಗಡಿ, ಹಣಮಂತ ತಳವಾರ, ಅನಿಲಕುಮಾರ ಸೂಪ್ಪಡಲ, ಚಂದ್ರಪ್ಪ ನಾಯ್ಕರ, ಉಳವೇಶ ಶಿನೋಬಿ, ಲಕ್ಕಪ್ಪ ನಾಯ್ಕಪ್ಪಗೊಳ, ನೀಲಪ್ಪ ನಾಯ್ಕಪ್ಪಗೋಳ, ಹಣಮಂತ ಶಿವರಾಗೋಳ, ಸಿದ್ಧಪ್ಪ ಮರಗಾಲ, ನೀಲಪ್ಪ ಶಿನೋಬಿ ಇತರರು ಇದ್ದರು.