ಕೃಷಿಗೆ ವಿದ್ಯುತ್, ನೀರು ಬಹುಮುಖ್ಯ

ಅಥಣಿ ತಾಲೂಕಿನ ಸಂಕೋನಟ್ಟಿ ಗ್ರಾಮದಲ್ಲಿ ಸೋಮವಾರ ಕೆಪಿಟಿಸಿಎಲ್‌ದಿಂದ 21.52 ಕೋಟಿ ರೂ. ವೆಚ್ಚದ 110/11 ಕೆವಿ ಅಥಣಿ, ಹಲ್ಯಾಳ ವಿದ್ಯುತ್ ಮಾರ್ಗದಿಂದ ಜೋಡಿ ಗೋಪುರಗಳ ಮೇಲೆ 3.255 ಕಿಮೀ ಉದ್ದದ ಲಿಲೋ ವಿದ್ಯುತ್ ಪ್ರಸರಣ ಮಾರ್ಗ ಶಂಕುಸ್ಥಾಪನೆ ನೆರವೇರಿಸಿ ಮಾತನಾಡಿದರು.

ಕರಿಮಸೂತಿ, ತುಂಗಳ-ಸಾವಳಗಿ ಹಾಗೂ ಕೆರೆ ತುಂಬುವ ನೀರಾವರಿ ಯೋಜನೆಗಳ ಲವಾಗಿ ಅಥಣಿ ಕ್ಷೇತ್ರ ಹಸಿರಾಗಿದೆ. 1,486 ಕೋಟಿ ರೂ. ವೆಚ್ಚದ ಕೊಟ್ಟಲಗಿ ಅಮ್ಮಾಜೇಶ್ವರಿ ಏತ ನೀರಾವರಿ ಯೋಜನೆ ಕಾಮಗಾರಿ ಶೇ.90ರಷ್ಟು ಪೂರ್ಣಗೊಂಡಿದೆ. ಅಥಣಿ ಕ್ಷೇತ್ರ ಸಂಪೂರ್ಣ ನೀರಾವರಿಗೆ ಒಳಪಡಲಿದೆ. ಈ ಯೋಜನೆ ಉದ್ಘಾಟನೆಗೆ ಹಾಗೂ ಕೃಷಿ ಮಹಾವಿದ್ಯಾಲಯ ಶಿಲಾನ್ಯಾಸಕ್ಕೆ

ಆಗಸ್ಟ್‌ನಲ್ಲಿ ಸಿಎಂ ಡಿ.ಕೆ.ಶಿವಕುಮಾರ ಸೇರಿದಂತೆ ರಾಜ್ಯದ ಹಲವು ಸಚಿವರು ಆಗಮಿಸಲಿದ್ದಾರೆ. ಬಡಕಾರ್ಮಿಕ ಮಕ್ಕಳಿಗೆ ಅನುಕೂಲವಾಗುವಂತೆ ಶಾಲೆ ಪ್ರಾರಂಭಿಸಲಾಗುವುದು. ಕೊಕಟನೂರ, ಕೋಹಳ್ಳಿ ಹಾಗೂ ಸತ್ತಿಯಲ್ಲಿ ಕೆಪಿಎಸ್ ಆಂಗ್ಲ ಮಾಧ್ಯಮ ಶಾಲೆ ತೆರೆಯಲಾಗಿದೆ. ಕೃಷಿಕನ ಮಕ್ಕಳು ಕೃಷಿ ತರಬೇತಿ ಪಡೆಯಲು ಉತ್ಸುಕರಾಗಬೇಕು. ತಾಂತ್ರಿಕತೆ ಹನಿ ನೀರಾವರಿ, ಎಐ ಆಧರಿತ ಕೃಷಿ ಅಳವಡಿಸಿಕೊಂಡರೆ ನೆಮ್ಮದಿಯಾಗಿ ಬದುಕಲು ಸಾಧ್ಯ ಎಂದರು.

ಕೆಪಿಟಿಸಿಎಲ್ ಅಧೀಕ್ಷಕ ಇಂಜಿನಿಯರ್ ಕೃಷ್ಣಪ್ಪ ಹೆಂಡಗಾರ ಮಾತನಾಡಿ, ಈ ಭಾಗದಲ್ಲಿ 110/11 ಕೆವಿ ವಿದ್ಯುತ್ ಘಟಕ ಆಗುವದರಿಂದ 2/20=40 ಎಂ.ವಿ.ಎ ವರೆಗೆ ಸಾಮರ್ಥ್ಯ ಹೊಂದಿ ಒತ್ತಡ ಕಡಿಮೆಯಾಗಿ ನೀರಾವರಿ ಪಂಪಸೆಟ್‌ಗಳಿಗೆ ಹಗಲು ಹೊತ್ತಿನಲ್ಲಿ 7 ಗಂಟೆ ತ್ರೀೇಸ್ ವಿದ್ಯುತ್ ಸಿಗಲಿದೆ. ರೈತರು ವಿದ್ಯುತ್ ಬಳಸಿಕೊಂಡು ಹೆಚ್ಚಿನ ಇಳುವರಿ ಪಡೆಯಬೇಕು ಎಂದು ಹೇಳಿದರು.

ಮುಖಂಡ ದುಂಡಪ್ಪ ಗುಲಚಿ, ಅಶೋಕ ಕರಿಬಸಪ್ಪಗೋಳ, ರಾಯಪ್ಪ ಧರಿಗೌಡ, ಅಶೋಕ ಕೌಜಲಗಿ, ಬಸಯ್ಯ ಅವರವಾಡ, ಅಣ್ಣಾಸಾಹೇಬ ಪಡನಾಡ, ಅನಂತ ಬಸರಿಖೋಡಿ, ರಾಜೇಂದ್ರ ದೇಸಾಯಿ, ಅನಿಲ ದೇಶಪಾಂಡೆ, ಮಂಜುನಾಥ ಅಪ್ಪಣ್ಣವರ, ಎಸ್.ಜಿ.ಹಮ್ಮಣ್ಣವರ, ಸಂಜಯ ಗೋನ್ಸಾಲ್ವೀಸ್, ಎಂ.ಎ.ಕುಂದಗೋಳ, ಪ್ರದೀಪ ತಳವಾರ, ಗುರುರಾಜ ಸಂಪನ್ನವರ ಇತರರಿದ್ದರು.