ಮಾದಕ ವಸ್ತು ನಿಷ್ಕ್ರೀಯ

ಮಾದಕ ವಸ್ತು ಹಾಗೂ ನಿದ್ರಾಜನಕ ವಸ್ತುಗಳನ್ನು ಡ್ರಗ್ಸ್ ಡಿಸ್ಪೋಸಲ್ ಕಮಿಟಿ, ಅಪರಾಧ ಮತ್ತು ಸಂಚಾರ ವಿಭಾಗದ ಉಪ ಪೊಲೀಸ್ ಆಯುಕ್ತ, ಅಪರಾಧ ವಿಭಾಗದ ಎಸಿಪಿ, ಸಿಸಿಆರ್‌ಬಿ ವಿಭಾಗದ ಪಿಐ ಮತ್ತು ಪೊಲೀಸ್ ಸಿಬ್ಬಂದಿ ಒಳಗೊಂಡ ತಂಡವು, ಪರಿಸರ ಅಧಿಕಾರಿ, ಕರ್ನಾಟಕ ವಾಯು ಮಾಲಿನ್ಯ ನಿಯಂತ್ರಣ ಇಲಾಖೆ, ಉಪ ಔಷಧಿ ನಿಯಂತ್ರಕ, ಕಾರ್ಖಾನೆಗಳ ವಿಭಾಗದ ಪ್ರಾದೇಶಿಕ ಕಚೇರಿ ಉಪನಿರ್ದೇಶಕರ ಸಮ್ಮುಖದಲ್ಲಿ ಸವದತ್ತಿ ತಾಲೂಕಿನ ಹಾರೂಗೊಪ್ಪದ ಬೆಳಗಾಂ ಗ್ರೀನ್ ಎನ್ವಿರಾನ್‌ಮೆಂಟ್ ಮ್ಯಾನೇಜ್ ಮೆಂಟ್ ಪ್ರೈವೇಟ್ ಲಿಮಿಟೆಡ್ ಕಾರ್ಖಾನೆಯಲ್ಲಿ ವಿಲೇವಾರಿಗೊಳಿಸಿದೆ.

ವಿವಿಧ ಪೊಲೀಸ್ ಠಾಣೆಗಳಲ್ಲಿ ಅಕ್ರಮವಾಗಿ ಮಾದಕ ವಸ್ತುಗಳನ್ನು ಸಾಗಾಟ ಮತ್ತು ಮಾರಾಟ ಮಾಡುತ್ತಿದ್ದವರ ಮೇಲೆ ದಾಳಿಮಾಡಿ ಎನ್‌ಡಿಪಿಎಸ್ ಕಾಯ್ದೆಯಡಿ ಪ್ರಕರಣಗಳಲ್ಲಿ ಜಪ್ತಿ ಮಾಡಿಕೊಳ್ಳಲಾದ ವಸ್ತುಗಳು ಇವಾಗಿವೆ. ಇದರಲ್ಲಿ 15 ಪ್ರಕರಣಗಳಲ್ಲಿನ 10,76,500ರೂ. ಮೌಲ್ಯದ 24ಕೆಜಿ, 131ಗ್ರಾಂ, 45 ಮಿಲಿಗ್ರಾಂ ಗಾಂಜಾ; 8 ಪ್ರಕರಣಗಳಲ್ಲಿನ 8,02,400ರೂ. ಮೌಲ್ಯದ 120ಗ್ರಾಂ ಮತ್ತು 83ಮಿಲಿಗ್ರಾಂ ಹೆರಾಯಿನ್, ಒಂದು ಪ್ರಕರಣದ 39 ಲಕ್ಷ ರೂ. ಮೌಲ್ಯದ 13ಕೆಜಿ 945ಗ್ರಾಂ. ಹಶೀಶನ್ನು ನಿಷ್ಕ್ರಿಯಗೊಳಿಸಲಾಗಿದೆ ಎಂದು ಪೊಲೀಸ್ ಪ್ರಕಟಣೆ ತಿಳಿಸಿದೆ.