ಪುರುಷರು ಧರಿಸುವ ಅರ್ಧ ಪ್ಯಾಂಟ್ (ಬರ್ಮೋಡಾ), ಮಹಿಳೆಯರು ಧರಿಸುವ ಗೌನ್ ಹಾಗೂ ಫ್ಯಾನ್ಸಿ ತುಂಡುಡುಗೆಗಳನ್ನು ನಿಷೇಧಿಸಲಾಗಿದೆ. ಮಹಿಳೆಯರು ಸೀರೆ ಹೊರತುಪಡಿಸಿ, ಬೇರಾವುದೇ ಉಡುಗೆ ಧರಿಸಿದ್ದರೂ ದುಪಟ್ಟಾ ಕಡ್ಡಾಯಗೊಳಿಸಲಾಗಿದೆ. ನಿತ್ಯವೂ ನೂರಾರು ಜನ ಭೇಟಿ ನೀಡುವ ದೇವಸ್ಥಾನಕ್ಕೆ ಪ್ರತಿ ಸೋಮವಾರ ಸಹಸ್ರಾರು ಸಂಖ್ಯೆಯಲ್ಲಿ ಭಕ್ತರು ಆಗಮಿಸುತ್ತಾರೆ. ಅಮಾವಾಸ್ಯೆಯಂದು ಜಾತ್ರೆ ಸ್ವರೂಪದಲ್ಲಿ ಜನಜಂಗುಳಿ ನೆರೆಯುತ್ತದೆ. ಆದರೆ, ಈಚೆಗೆ ಮುಜುಗರ ತರುವಂಥ ಬಟ್ಟೆ ಹಾಕಿಕೊಂಡು ದೇಗುಲಕ್ಕೆ ಬರುವವರ ಸಂಖ್ಯೆ ಹೆಚ್ಚಾಗಿದ್ದು, ಧಾರ್ಮಿಕ ಭಾವನೆಗೆ ಧಕ್ಕೆ ಬರದಂತೆ ತಡೆಯಲು ವಸಉಸಂಹಿತೆ ಜಾರಿಗೆ ತರಲು ದೇವಸ್ಥಾನ ಸಮಿತಿ ನಿರ್ಧರಿಸಿದೆ.
