ಜೋಡಿ ಕೊಲೆ ಅಪರಾಧಿಗೆ ಜೀವಾವಧಿ ಶಿಕ್ಷೆ, 5.50 ಲಕ್ಷ ರೂ. ದಂಡ

ಧಾರವಾಡ ತಾಲೂಕಿನ ಕಲ್ಲಾಪುರದ ಭೀಮಪ್ಪ ಮಲ್ಲಪ್ಪ ಪೀರತಪ್ಪನವರ (27) ಜೀವಾವಧಿ ಶಿಕ್ಷೆಗೊಳಗಾದ ಅಪರಾಧಿ. 2018ರ ಮೇ 15ರಂದು ಭೀಮಪ್ಪ, ಚನ್ನಮ್ಮನ ಕಿತ್ತೂರು ಹೊರವಲಯದ ಧಾರವಾಡ&ಬೆಳಗಾವಿ ರಸ್ತೆಯಲ್ಲಿನ ಶಿವಾ ಪೆಟ್ರೋಲ್​ ಬಂಕ್​ಗೆ ನುಗ್ಗಿ, ಹೊರಗಡೆ ಮಲಗಿದ್ದ ಲಿಂಗದಳ್ಳಿಯ ಮಂಜುನಾಥ ಪಟ್ಟಣಶೆಟ್ಟಿ (23) ಹಾಗೂ ಕಚೇರಿಯಲ್ಲಿ ಮಲಗಿದ್ದ ತಿಗಡೊಳ್ಳಿಯ ಮುಸ್ತಾಕ್​ ಬೀಡಿ(35) ಯನ್ನು ಕೊಡಲಿಯಿಂದ ಹೊಡೆದು ಕೊಲೆ ಮಾಡಿ, ಕೌಂಟರ್​ ಡ್ರಾ ಒಡೆದು ಹಣ ದೋಚಿಕೊಂಡು ಹೋದ ಬಗ್ಗೆ ಚನ್ನಮ್ಮನ ಕಿತ್ತೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ನ್ಯಾಯಾಧೀಶ ಸುಭಾಷ ಸಂಕದ ಶನಿವಾರ ತೀರ್ಪು ನೀಡಿದ್ದಾರೆ.