ಆರೋಗ್ಯ ಕುರಿತು ತಪ್ಪುಮಾಹಿತಿ ನಂಬದಿರಿ

ಕೆಎಲ್‌ಇ ಫಾರ್ಮಸಿ ಮಹಾವಿದ್ಯಾಲಯದ ಔಷಧ ಗುಣಮಟ್ಟ ಭರವಸೆ ವಿಭಾಗ, ಡಿಪಾರ್ಟ್‌ಮೆಂಟ್ ಆಫ್ ಫಾರ್ಮಸಿ ಎಜುಕೇಶನ್ ಆಶ್ರಯದಲ್ಲಿ ‘ಯೋಚಿಸಿ ಚರ್ಚಿಸಿ ಹಂಚಿಕೊಳ್ಳಿ: ಸಾಮಾಜಿಕ ಮತ್ತು ನೆಟ್‌ವರ್ಕಿಂಕ್ ವೇದಿಕೆಗಳ ಪಾತ್ರ’ ಎಂಬ ವಿಷಯವಾಗಿ ಏರ್ಪಡಿಸಿದ್ದ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿ, ಪರಿಶೀಲಿಸದ ಆರೋಗ್ಯ ಹಕ್ಕುಗಳನ್ನು ಪ್ರಚಾರ ಮಾಡುವ ಸಾಮಾಜಿಕ ಮಾಧ್ಯಮ ವ್ಯಕ್ತಿಗಳ ಪ್ರಭಾವ ಹೆಚ್ಚುತ್ತಿರುವ ಈ ದಿನಗಳಲ್ಲಿ ವೈದ್ಯಕೀಯ ಮತ್ತು ಫಾರ್ಮಸಿ ವಿದ್ಯಾರ್ಥಿಗಳು ತುಂಬಾ ಎಚ್ಚರಿಕೆ ವಹಿಸಬೇಕಿದೆ. ಆರೋಗ್ಯ ಸಂಬಂಧಿತ ಮಾಹಿತಿ ಸ್ವೀಕರಿಸುವ ಅಥವಾ ಹಂಚಿಕೊಳ್ಳುವ ಮೊದಲು ಅಧಿಕೃತ, ಪುರಾವೆ, ಮೂಲಗಳನ್ನು ಪರಿಶೀಲಿಸಬೇಕು ಎಂದು ಸಲಹೆ ನೀಡಿದರು.

ಪ್ರಾಂಶುಪಾಲ ಡಾ.ಸುನೀಲ ಜಲಾಲಪುರೆ ಮಾತನಾಡಿ, ಸಾಮಾಜಿಕ ಜಾಲತಾಣಗಳನ್ನು ಜವಾಬ್ದಾರಿಯುತವಾಗಿ ಬಳಸಿದಾಗ ಕಲಿಕೆ, ವೃತ್ತಿಪರ ಬೆಳವಣಿಗೆ ಮತ್ತು ಸಂವಹನಕ್ಕೆ ಶಕ್ತಿಶಾಲಿ ಸಾಧನಗಳಾಗಬಹುದು. ವಿದ್ಯಾರ್ಥಿಗಳು ಆನ್‌ಲೈನ್‌ನಲ್ಲಿ ಹಂಚಿಕೊಳ್ಳುವ ಮಾಹಿತಿ ಬಗ್ಗೆ ಜಾಗರೂಕರಾಗಿರಬೇಕು. ಅವರ ಶೈಕ್ಷಣಿಕ ಮತ್ತು ವೃತ್ತಿ ಅಭಿವೃದ್ಧಿಗಾಗಿ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳನ್ನು ನೈತಿಕವಾಗಿ ಬಳಸಬೇಕು ಎಂದರು.

ಪರಿಣಿತರಾದ ಸೈಬರ್ ಅಪರಾಧ ಠಾಣೆ ಪಿಎಸ್‌ಐ ಸುಮನ ಪವಾರ, ಡಾ.ಸುರೇಶ ಶೆಣವಿ ಹಾಗೂ ಸುಹಾಸ ರಜಪೂತ ಉಪನ್ಯಾಸ ನೀಡಿದರು. ಫಾರ್ಮಸಿ ವಿಭಾಗದ ಡೀನ್ ಡಾ.ವಿ.ಎಸ್.ಮಾಸ್ತಿಹೊಳಿಮಠ, ಉಪಪ್ರಾಂಶುಪಾಲ ಡಾ.ಎಂ.ಬಿ.ಪಾಟೀಲ, ಡಾ.ಗೀತಾಂಜಲಿ ಸಾಲಿಮಠ, ಡಾ.ಅಂಜನಾ ಅಧ್ಯಾಪಕ ಹಾಗೂ ವಿವಿಧ ಫಾರ್ಮಸಿ ಶಿಕ್ಷಣ ಸಂಸ್ಥೆಗಳ ಸುಮಾರು 70ಕ್ಕೂ ಹೆಚ್ಚು ಅಧ್ಯಾಪಕರು ಪಾಲ್ಗೊಂಡಿದ್ದರು.

ಔಷಧ ಗುಣಮಟ್ಟ ಭರವಸೆ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ.ನಿಶಾ ಶಿರ್ಕೋಳಿ ಸ್ವಾಗತಿಸಿದರು. ಸಹ ಪ್ರಾಧ್ಯಾಪಕಿ ಡಾ.ಭುವನೇಶ್ವರಿ ಶರಣ್ಣವರ ವಂದಿಸಿದರು.