ಭಕ್ತರೇ ಮಠದ ನಿಜವಾದ ಶಕ್ತಿ

ಮುನವಳ್ಳಿ: ಶರಣರ ತತ್ತ್ವಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡು ಸಮಾಜಕ್ಕೆ ಮಾದರಿಯಾಗಿ ಬದುಕುತ್ತಿರುವ ಮುನವಳ್ಳಿ ಸೋಮಶೇಖರಮಠದ ಮುರುಘೇಂದ್ರ ಸ್ವಾಮೀಜಿ ಬದುಕು 52 ವರ್ಷಗಳ ಸಾಧನೆಯ ಸಂಕೇತವಾಗಿದೆ ಎಂದು ಉಪ್ಪಿನಬೆಟಗೇರಿ ಕುಮಾರ ವಿರೂಪಾಕ್ಷ ಸ್ವಾಮೀಜಿ ಹೇಳಿದರು.

ಪಟ್ಟಣದ ಸೋಮಶೇಖರಮಠದ ಮುರುಘೇಂದ್ರ ಸ್ವಾಮೀಜಿ 52ನೇ ಜನ್ಮದಿನದ ಅಂಗವಾಗಿ ಬುಧವಾರ ಹಮ್ಮಿಕೊಂಡಿದ್ದ ಗುರುವಂದನಾ ಕಾರ್ಯಕ್ರಮದಲ್ಲಿ ಮಾತನಾಡಿ, ಮುರುಘೇಂದ್ರ ಸ್ವಾಮೀಜಿ ಕೇವಲ ಧಾರ್ಮಿಕ ಕೇಂದ್ರ ಮುನ್ನಡೆಸುತ್ತಿಲ್ಲ, ಬದಲಾಗಿ ಸಾವಿರಾರು ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ಮತ್ತು ಉತ್ತಮ ಸಂಸ್ಕಾರ ನೀಡುತ್ತಿದ್ದಾರೆ ಎಂದರು.

ಸಹಕಾರಿ ಧುರೀಣ ಉಮೇಶ ಬಾಳಿ ಮಾತನಾಡಿ, ಸೋಮಶೇಖರಮಠ ಆಧ್ಯಾತ್ಮಿಕ, ಶೈಕ್ಷಣಿಕ, ಸಾಮಾಜಿಕ, ಸಾಂಸ್ಕೃತಿಕವಾಗಿ ಬೆಳೆಸಲು ಮುಂದಾಗಿರುವ ಮುರುಘೇಂದ್ರ ಸ್ವಾಮೀಜಿ ಮಾರ್ಗದರ್ಶನದಲ್ಲಿ ಎಲ್ಲರೂ ಮುನ್ನಡೆಯಬೇಕು ಎಂದರು.

ಮುರುಘೇಂದ್ರ ಸ್ವಾಮೀಜಿ ಮಾತನಾಡಿ, ಭಕ್ತರ ನಿಸ್ವಾರ್ಥ ಸೇವೆ ಮಠದ ಕೀರ್ತಿ ಹೆಚ್ಚಿಸಿದೆ. ಭಕ್ತರೇ ನಮ್ಮ ಶ್ರೀಮಠದ ಶಕ್ತಿ ಎಂದರು. ಜಂಬಗಿ ಹಿರೇಮಠದ ಅಡವಿಸಿದ್ಧೇಶ್ವರ ಸ್ವಾಮೀಜಿ, ಅಮೀನಗಡದ ಶಂಕರರಾಜೇಂದ್ರ ಸ್ವಾಮೀಜಿ, ಕಮತಗಿ ಹುಚ್ಚೇಶ್ವರ ಸ್ವಾಮೀಜಿ, ಅಂಕಲಗಿ ಡಾ.ಅಮರಸಿದ್ಧೇಶ್ವರ ಸ್ವಾಮೀಜಿ, ಶಿಂಧೋಗಿ ಮುಕ್ತಾನಂದ ಸ್ವಾಮೀಜಿ, ಬಿದರಿಕಲ್ಮಠದ ಬಸವಲಿಂಗದೇವರು, ಪುರಸಭೆ ಅಧ್ಯಕ್ಷ ಈಶ್ವರ ಕರೀಕಟ್ಟಿ, ಸದಾಶಿವ ಕೌಜಲಗಿ, ಎಂ.ಎಂ.ತಿಮ್ಮಾಣಿ, ಅರುಣಗೌಡ ಪಾಟೀಲ, ಶಂಕರ ಗಯ್ಯಳಿ, ಗಂಗಾಧರ ಗೋರಬಾಳ, ಬಿ.ಬಿ.ಹುಲಿಗೊಪ್ಪ, ಶ್ರೀಶೈಲ ಗೋಪಶೆಟ್ಟಿ, ಶೇಖರ ಮುಪ್ಪಿನವರಮಠ, ಶಿವು ಕಾಟಿ ಇದ್ದರು.

ಮುರುಘರಾಜೇಂದ್ರ ಯೋಗ ವಿದ್ಯಾ ಕೇಂದ್ರದ ಅಂಗ ಸಂಸ್ಥೆಗಳು, ಸಹಜ ಸ್ಥಿತಿಯೋಗದ ಸತ್ಸಂಗ ಬಳಗ, ಜಂಗಮ ಸಮಾಜ, ಕಲಾ ಬಳಗ, ಅಕ್ಕನ ಬಳಗ, ವಿವಿಧ ಸಂಘ-ಸಂಸ್ಥೆಗಳ ಹಾಗೂ ಸದ್ಭಕ್ತರು ಶ್ರೀಗಳಿಗೆ ಲಪುಷ್ಪ ನೀಡಿ ಗುರುವಂದನೆ ಹಾಗೂ ತುಲಾಭಾರ ಸೇವೆ ನೆರವೇರಿಸಿದರು.