ಇ-ಫಾರ್ಮಾಸಿ ಕಾರ್ಯಾಚರಣೆ ತಡೆಗೆ ಆಗ್ರಹ

ಆಕರ್ಷಕ ರಿಯಾಯಿತಿ ನೀಡುವ ಆನ್‌ಲೈನ್ ಏಜೆನ್ಸಿಗಳ ಮೂಲಕ ಔಷಧ ಪೂರೈಸಲಾಗುತ್ತಿದೆ. ಇದು ಔಷಧಗಳ ಕಾನೂನುಬದ್ಧತೆ ಮತ್ತು ನೈಜತೆ ಬಗ್ಗೆ ಕಳವಳ ಹುಟ್ಟುಹಾಕುತ್ತದೆ. ಅಸೋಸಿಯೇಷನ್ ಸದಸ್ಯ ಔಷಧ ವ್ಯಾಪಾರಸ್ಥರು ಶಾಸನಬದ್ಧ ನಿಯಮ ಪಾಲನೆಯೊಂದಿಗೆ ವೈದ್ಯರ ಸಲಹೆ ಮೇರೆಗೆ ಸಮರ್ಪಕ ಔಷಧ ವಿತರಿಸುತ್ತಾರೆ. ಆದರೆ, ಆನ್‌ಲೈನ್ ಮಾರಾಟದಲ್ಲಿ ನಿಯಮ ಪಾಲಿಸದೆ ಮಾರಾಟ ಮಾಡುವ ಸಾಧ್ಯತೆ ಹೆಚ್ಚಿದೆ ಎಂದು ಔಷಧ ವ್ಯಾಪಾರಸ್ಥರು ಅಸಮಾಧಾನ ವ್ಯಕ್ತಪಡಿಸಿದರು.

ಆನ್‌ಲೈನ್ ಔಷಧದಿಂದ ಯುವಕರು ಮತ್ತು ವ್ಯಸನಿಗಳಿಗೆ ನಿಷೇಧಿತ ನಿದ್ರಾಜನಕ ಮತ್ತಿತರ ಅಪಾಯಕಾರಿ ಔಷಧಗಳು ಸುಲಭವಾಗಿ ಸಿಗುವಂತಾಗಿದೆ. ಇ-ಫಾರ್ಮಾಸಿ ಕಾನೂನುಬಾಹಿರ ಕಾರ್ಯಾಚರಣೆ ನಿಲ್ಲಿಸುವವ ಜತೆಗೆ ಅಧಿಸೂಚನೆ ಹಿಂಪಡೆಯಲು ಅಗತ್ಯ ಕ್ರಮ ಕೈಗೊಳ್ಳಬೇಕೆಂದು ಮನವಿಯಲ್ಲಿ ತಿಳಿಸಿದ್ದಾರೆ.

ವೀರಭದ್ರಪ್ಪ ಮಲ್ನಾಕರ, ರವಿ ಮದ್ದಾನಿ, ಹೇಮಂತ ಮಳಗಲಿ, ಸಾಗರ ಹೊಸಕೋಟೆ, ಅಭಿಷೇಕ ಕೊಪ್ಪದ, ಶಶಿಕಾಂತ ತೊಡಕರ ಇತರರಿದ್ದರು.