ಚಿನ್ನಸ್ವಾಮಿ ಮೈದಾನ ಮರು ಅಭಿವೃದ್ಧಿಗೆ ಚಿಂತನೆ

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನರೇಂದ್ರ ಮೋದಿ ಮೈದಾನದಲ್ಲಿ 80 ಸಾವಿರ ಜನರ ಸಾಮರ್ಥ್ಯವಿದೆ. ಇದು ಸೇರಿದಂತೆ ಇತರೆ ಮೈದಾನಗಳಿಗೆ ಹೋಲಿಸಿದಾಗ ಚಿನ್ನಸ್ವಾಮಿಯಲ್ಲಿ ಸಾಕಷ್ಟು ಕೊರತೆಗಳಿವೆ. 360 ಡಿಗ್ರಿ ವ್ಹೀವ್ ಇಲ್ಲ. ಹಲವು ಕಡೆ ಕುಳಿತವರಿಗೆ ಅರ್ಧ ಮೈದಾನವೇ ಕಾಣುವುದಿಲ್ಲ. ಆಟಗಾರರು, ಗಣ್ಯರು ಮತ್ತಿತರೆ ವಿಭಾಗಗಳಿಗೆ ಆಸನಗಳನ್ನು ಮೀಸಲಿಟ್ಟು, ಜನರಿಗೆ ಕೇವಲ 18ರಿಂದ 20 ಸಾವಿರ ಆಸನಗಳನ್ನು ಮಾತ್ರ ಸಿಗುತ್ತವೆ. ಇದನ್ನೆಲ್ಲ ಸುಧಾರಿಸಬೇಕಾಗಿದ್ದು ಮತ್ತೊಮ್ಮೆ ಅಭಿವೃದ್ಧಿ ಮಾಡುವುದಕ್ಕೆ ಮುಂದಾಗಿದ್ದೇವೆ ಎಂದು ಹೇಳಿದರು.

ಈ ವರ್ಷ ಐಪಿಎಲ್ ಮ್ಯಾಚ್ ಬೆಂಗಳೂರಿಗೆ ತರುವುದಕ್ಕೆ ಸಾಕಷ್ಟು ಹರಸಾಹಸ ಮಾಡಬೇಕಾಯಿತು. ಇದಕ್ಕೆ ಸರ್ಕಾರವೂ ಸಾಕಷ್ಟು ಸಹಕಾರ ನೀಡಿದೆ. ಭವಿಷ್ಯದಲ್ಲಿ ಈ ರೀತಿ ಆಗಬಾರದೆಂಬ ಕಾರಣಕ್ಕೆ ಇಡೀ ಮೈದಾನವನ್ನೇ ವಿಶ್ವದರ್ಜೆ ಮಟ್ಟಕ್ಕೆ ಅಭಿವೃದ್ಧಿ ಮಾಡುತ್ತಿದ್ದೇವೆ. ಸದ್ಯ ಮಹಾರಾಜ ಟ್ರೋಪಿಯಲ್ಲಿ ಆರು ತಂಡಗಳಿವೆ. ಮುಂದೆ ಎರಡ್ಮೂರು ವರ್ಷದಲ್ಲಿ ಬೆಳಗಾವಿ ಸೇರಿದಂತೆ ಇನ್ನೂ ಅನೇಕ ತಂಡಗಳು ಇದಕ್ಕೆ ಸೇರ್ಪಡೆಯಾಗುತ್ತವೆ. ರಾಜ್ಯದ ವಿವಿಧೆಡೆ ನಡೆಯಲಿರುವ ಮಹಾರಾಜ ಟ್ರೋಪಿ ಆಟಗಳಿಗೆ ಒಂದೊಂದು ಕಡೆ ಒಬ್ಬೊಬ್ಬರು ಕ್ರಿಕೆಟ್ ದಿಗ್ಗಜರು ಪಾಲ್ಗೊಳ್ಳುತ್ತಿದ್ದಾರೆ ಎಂದು ಮಾಹಿತಿ ನೀಡಿದರು.

ಸದ್ಯ ಹುಬ್ಭಳ್ಳಿಯ ಮಣ್ಣಿನ ಮಗ ಅವಿನಾಶ ವೈದ್ಯ ಭಾರತೀಯ ಕ್ರಿಕೆಟ್ ತಂಡಕ್ಕೆ ಮ್ಯಾನೇಜರ್ ಆಗಿದ್ದಾರೆ. ಓರ್ವ ಕ್ರಿಕೆಟ್‌ರ ಆ ಮಟ್ಟಕ್ಕೆ ಬೆಳೆಯುವುದು ಸಣ್ಣ ಮಾತಲ್ಲ. ಹೀಗಾಗಿ, ಇದು ಕರ್ನಾಟಕಕ್ಕೆ ದೊಡ್ಡ ಹೆಮ್ಮೆಯ ಸಂಗತಿ. ಭಾರತೀಯ ತಂಡಕ್ಕೆ ಸೇರುವುದು ಸುಲಭವಿಲ್ಲ. ಇಷ್ಟು ಕೋಟಿ ಜನಸಂಖ್ಯೆಯಲ್ಲಿ 310 ರಿಂದ 330 ಜನ ರಾಷ್ಟ್ರಮಟ್ಟದ ಆಟಗಾರರಿದ್ದಾರೆ. ಆದರೆ ಭಾರತದ ತಂಡದಲ್ಲಿ ಟೆಸ್ಟ್ ಮ್ಯಾಚ್ ಆಡುವುದೇ ದೊಡ್ಡ ಸಾಧನೆ. ಅದಕ್ಕೆ ಅಷ್ಟು ಸಲೀಸಾಗಿ ಅವಕಾಶ ಸಿಗುವುದಿಲ್ಲ. ಒನ್ ಡೇ, ಟಿ-20 ಯಾರಾದರೂ ಆಡಬಹುದು. ಆದರೆ ಟೆಸ್ಟ್ ಮ್ಯಾಚ್ ದೊಡ್ಡ ಸ್ಥಾನದಲ್ಲಿದೆ. ಬೆಳಗಾವಿ ಸೇರಿದಂತೆ ರಾಜ್ಯದ ಇತರೆಡೆ ಇರುವ ಕೆಎಸ್‌ಸಿಎ ಮೈದಾನಗಳನ್ನು ಸಕ್ರಿಯವಾಗಿಡಲು ಬಿಸಿಸಿಐ ಡೊಮೆಸ್ಟಿಕ್ ಮ್ಯಾಚ್, ಹಲವು ಅಭ್ಯಾಸಿಕ ಪಂದ್ಯಗಳನ್ನು ಇತರೆ ಭಾಗದಲ್ಲಿ ಆಡಿಸಲು ಚಿಂತನೆ ನಡೆದಿದೆ. ಎಂದು ಹೇಳಿದರು.