ಅಪರಾಧ ಚಟುವಟಿಕೆಯ ಹಳ್ಳಿಗಳ ಮೇಲೆ ಕ್ಯಾಮರಾ ಕಣ್ಗಾವಲು

ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಭೂವಿವಾದಕ್ಕೆ ಸಂಬಂಧಿಸಿ ಮನೆಯಲ್ಲಿ ಮಲಗಿಕೊಂಡಿದ್ದ ಇಬ್ಬರು ಮೈದುನರನ್ನು ಹಿರಿಯ ಸೊಸೆಯೇ ಕೊಲೆ ಮಾಡಿಸಿದ್ದಾಳೆ. ಈ ಗ್ರಾಮದಲ್ಲಿ ಹಿಂದೆಯೂ ಅನೇಕ ಅಪರಾಧ ಚಟುವಟಿಕೆ ಆಗಿವೆ. ಹಲವರು ಗಡಿಪಾರಾಗಿದ್ದರು. ಅನೇಕರು ಬಾಂಡ್ ಓವರ್‌ನಲ್ಲಿದ್ದಾರೆ. ಆದರೂ ಅಪರಾಧ ಚಟುವಟಿಕೆ ನಿಲ್ಲುತ್ತಿಲ್ಲ. ಹೀಗಾಗಿ, ಮೊದಲು ನುಗ್ಗಾನಟ್ಟಿಯಲ್ಲೇ ಕ್ಯಾಮರಾ ಅಳವಡಿಸುತ್ತೇವೆ. ಬಳಿಕ ಬೇರೆ ಗ್ರಾಮಗಳಿಗೂ ವಿಸ್ತರಿಸುವ ಚಿಂತನೆ ಇದೆ ಎಂದರು.

ನುಗ್ಗಾನಟ್ಟಿಯ ಲಗಮಪ್ಪ ಮತ್ತು ಬಸಪ್ಪ ರಾಮಣ್ಣವರ ಕೊಲೆಯಲ್ಲಿ ಅತ್ತಿಗೆ ಅಣ್ಣವ್ವ ರಾಮಣ್ಣವರ ಸೇರಿ ಮನೆಗೆ ನುಗ್ಗಿ ಕೊಲೆ ಮಾಡಿರುವ ಸಣ್ಣಮ್ಮನವರ ಕುಟುಂಬದ ಮಹಾದೇವಪ್ಪ, ದೇವಪ್ಪ, ಶಿವಲಿಂಗಪ್ಪ, ಶಿವಾನಂದ, ಲಗಮಪ್ಪ, ಶಿವಲಿಂಗಪ್ಪ ಬಂಧಿಸಲಾಗಿದೆ. ಇನ್ನಿಬ್ಬರು ಪರಾರಿಯಾಗಿದ್ದಾರೆ. ಅವರ ಪತ್ತೆ ಕಾರ್ಯ ಪ್ರಗತಿಯಲ್ಲಿದೆ ಎಂದು ಮಾಹಿತಿ ನೀಡಿದರು.

ಅಣ್ಣವ್ವ ಪತಿ ಯಲ್ಲಪ್ಪನ ಜತೆ ಹೊಂದಾಣಿಕೆ ಮಾಡಿಕೊಳ್ಳದೇ ಹತ್ತು ವರ್ಷದಿಂದ ತವರು ಮನೆಯಲ್ಲಿದ್ದಳು. ಆದರೆ ಪತಿ ಹೆಸರಿನಲ್ಲಿದ್ದ 2 ಎಕರೆ ಜಮೀನಿನಲ್ಲಿ ಮಗ ನಿಲಕಂಠನಿಗೆ 1 ಎಕರೆ ಕೊಡುವ ಮಾತುಕತೆಯಾಗಿತ್ತು. ಈ ಸಂಬಂಧ ಜು.15ರಂದು ಜಮೀನಿನ ಸರ್ವೆ ಮಾಡಿಸಲು ಭೂಮಾಪಕರನ್ನು ಕರೆಸಿದ್ದಾಗ ಮನೆಯವರೆಲ್ಲ ಬೇರೆ ಕೆಲಸಗಳಲ್ಲಿದ್ದ ಕಾರಣ ಹಾಜರಾಗಿರಲಿಲ್ಲ. ಇದೇ ಸಿಟ್ಟಿನಿಂದ ಗುರುವಾರ ಮಧ್ಯರಾತ್ರಿ ಮನೆಗೆ ನುಗ್ಗಿ ಕೊಲೆ ಮಾಡಿದ್ದಾರೆ ಎಂದು ತಿಳಿಸಿದರು.

ಮೊಬೈಲ್ ವಾಪಸ್ಸು ಕೊಡದ ಗೆಳೆಯನನ್ನು ಸಿಟ್ಟಿನಿಂದ ದೇವಸ್ಥಾನದಲ್ಲಿ ಅಂಗಾರ ಇಡುವ ಕಲ್ಲಿನಿಂದ ಹೊಡೆದು ಕೊಲೆ ಮಾಡಿರುವ ಘಟನೆ ಸವದತ್ತಿ ತಾಲೂಕಿನ ಚಿಕ್ಕಬೂದನೂರ ಗ್ರಾಮದಲ್ಲಿ ಶುಕ್ರವಾರ ನಡೆದಿದೆ.

ಕೀರಪ್ಪ ಪಿಡ್ಡೆನ್ನವರ(40) ಮೃತ ವ್ಯಕ್ತಿ. ಗೆಳೆಯ ಮಲ್ಲಿಕಾರ್ಜುನ ಪೂಜೇರಿ(25) ಕೊಲೆ ಆರೋಪಿ. ಮಲ್ಲಿಕಾರ್ಜುನನ ಮೊಬೈಲ್ ತೆಗೆದುಕೊಂಡಿದ್ದ ಕೀರಪ್ಪ ಮರಳಿ ಕೊಟ್ಟಿರಲಿಲ್ಲ. ಶುಕ್ರವಾರ ಲಕ್ಷ್ಮೀದೇವರ ಗುಡಿಯ ಛಾವಣಿಯಲ್ಲಿ ಕೀರಪ್ಪ ಮಲಗಿಕೊಂಡಾಗ, ಮೊಬೈಲ್ ಕೊ ಮಲ್ಲಿಕಾರ್ಜುನುವಂತೆ ಕೇಳಿದ್ದಾನೆ. ಇದಕ್ಕೆ ರಾತ್ರಿ ಕೊಡುವುದಾಗಿ ಪ್ರತಿಕ್ರಿಯೆಸಿದಾಗ, ಮಾತಿಗೆ ಮಾತು ಬೆಳೆದು ಜಗಳದಲ್ಲಿ ಅಲ್ಲೇ ಇದ್ದ ಅಂಗಾರ ಇಡುವ ಕಲ್ಲನ್ನು ಎತಿ ತಲೆ ಮೇಲೆ ಹಾಕಿ ಕೊಲೆ ಮಾಡಿದ್ದಾನೆ. ಆರೋಪಿಯನ್ನು ವಶಕ್ಕೆ ಪಡೆಯಲಾಗಿದೆ ಎಂದು ವಿವರಿಸಿದರು.