ಯಲ್ಲಮ್ಮಗುಡ್ಡದಲ್ಲಿ ಭಾರತ ಹುಣ್ಣಿಮೆ ಜಾತ್ರೆ ಅದ್ದೂರಿ

ಉಗರಗೋಳ: ಸಮೀಪದ ಯಲ್ಲಮ್ಮನಗುಡ್ಡದಲ್ಲಿ ಭಾರತ ಹುಣ್ಣಿಮೆಯಂದು ರೇಣುಕಾ ಯಲ್ಲಮ್ಮದೇವಿ ಜಾತ್ರೆ ಭಾನುವಾರ ಅದ್ದೂರಿಯಾಗಿ ಜರುಗಿತು.

ಸಂಭ್ರಮ ಹೆಚ್ಚಿಸಿದ ಹಸಿರುಬಳೆ: ಈ ಹುಣ್ಣಿಮೆಯಲ್ಲಿ ದೇವಿ ಮುತ್ತೈದೆಯಾಗುತ್ತಾಳೆ ಎಂಬ ಪ್ರತೀತಿ ಇದೆ. ಹೀಗಾಗಿ, ಇಲ್ಲಿಗೆ ಬರುವ ಮಹಿಳೆಯರು ಕನಿಷ್ಠ 11 ಹಸಿರು ಬಳೆ ಧರಿಸಬೇಕೆಂಬ ನಂಬಿಕೆ ಇದೆ. ಗುಡ್ಡಕ್ಕೆ ಬಂದ ಮಹಿಳೆಯರು ಮುತ್ತೈದೆತನದ ಸಂಕೇತವಾಗಿರುವ ಹಸಿರುಬಳೆ ಧರಿಸಿ ಸಂಭ್ರಮಿಸಿದರು.

ಶಾಸಕ ವಿಶ್ವಾಸ ವೈದ್ಯ, ಜಿಲ್ಲಾಡಳಿತ, ದೇವಸ್ಥಾನ ಅಧಿಕಾರಿಗಳು ಮತ್ತು ವ್ಯವಸ್ಥಾಪನಾ ಸಮಿತಿ ಭಕ್ತರಿಗೆ ಅಗತ್ಯ ಮೂಲ ಸೌಕರ್ಯ ಒದಗಿಸಿದ್ದರು. ಜಾತ್ರೆಯಲ್ಲಿ ಕಳೆದುಕೊಂಡ ಮಕ್ಕಳು, ಹಿರಿಯರನ್ನು ಪೊಲೀಸ್ ಇಲಾಖೆಯ ಸಹಾಯವಾಣಿ ಕೇಂದ್ರದ ಮೂಲಕ ಮರಳಿ ತಮ್ಮವರನ್ನು ಸೇರಿ ನಿರಾಳವಾದರು.

"