ಬೆಳಗಾವಿ ಡಿಜಿಟಲ್ ಡಿಟಾಕ್ಸ್ ಎಲ್ಲೆಡೆ ಸದ್ದು!

ಹೌದು. ಬೆಳಗಾವಿ ತಾಲೂಕಿನ ಹಲಗಾ, ಧಾಮಣೆ ಎಸ್.ಗ್ರಾಮದಲ್ಲಿ ಮಕ್ಕಳನ್ನು ಮೊಬೈಲ್‌ಗಿಳಿನಿಂದ ಹೊರತಂದು ಓದಿನತ್ತ ಸೆಳೆಯಲು ಮತ್ತು ಮನೆಗಳಲ್ಲಿ ಕೌಟುಂಬಿಕ ಸಂವಹನ ವೃದ್ಧಿಸಲು ನಿತ್ಯ ಸಂಜೆ 7 ರಿಂದ ರಾತ್ರಿ 9 ಗಂಟೆಯವರೆಗೆ ಮೊಬೈಲ್, ಟಿವಿ ಬಂದ್ ಮಾಡಲು ಗ್ರಾಮಸ್ಥರೆಲ್ಲರೂ ಸ್ವಯಂ ನಿರ್ಣಯ ತೆಗೆದುಕೊಂಡ ನಿರ್ಣಯ ಯಶಸ್ವಿಯಾಗಿದೆ. ಇದರ ಬೆನ್ನಲ್ಲೆ ನೆರೆಯ ಮಹಾರಾಷ್ಟ್ರ ಸರ್ಕಾರದ ಶಿಕ್ಷಣ ಇಲಾಖೆಯು ಡಿಜಿಟಲ್ ಡಿಟಾಕ್ಸ್ ಅಧ್ಯಯನಕ್ಕಾಗಿ ವಿಶೇಷ ತಂಡ ರಚನೆ ಮಾಡಿ ಕರ್ನಾಟಕ ಸೇರಿ ವಿವಿಧ ರಾಜ್ಯಗಳ ಪ್ರವಾಸ ಕೈಗೊಂಡು ವರಿ ಸಿದ್ದಪಡಿಸಲು ನಿರ್ಧರಿಸಿದೆ.

ರಾಜ್ಯದಲ್ಲಿ ಎಸ್‌ಎಸ್‌ಎಲ್‌ಸಿ, ದ್ವೀತಿಯ ಪಿಯುಸಿ, ಪದವಿ ಹಾಗೂ ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗಳು ಬರುತ್ತಿರುವ ಹಿನ್ನೆಲೆ ಬೆಳಗಾವಿ,ರಾಯಬಾಗ ಸೇರಿ ವಿವಿಧ ತಾಲೂಕಿನ ಹಳ್ಳಿಗಳಲ್ಲಿ ಡಿಜಿಟಲ್ ಡಿಟಾಕ್ಸ್ ಅಭಿಯಾನ ರೂಪದಲ್ಲಿ ನಡೆಯುತ್ತಿದೆ.ಈ ಕಾರ್ಯಕ್ಕೆ ವಿದ್ಯಾರ್ಥಿಗಳು, ಪೋಷಕರು ಹಾಗೂ ಗ್ರಾಪಂ, ತಾಪಂ ಆಡಳಿತ ಸಂಪೂರ್ಣವಾಗಿ ಕೈ ಜೋಡಿಸುತ್ತಿರುವುದಕ್ಕೆ ಹೆಚ್ಚಿನ ಮಹತ್ವ ಪಡೆದುಕೊಂಡಿದೆ.

ಈಗಾಗಲೇ ರಾಜ್ಯ ಸರ್ಕಾರವು ಆಲ್ ಇಂಡಿಯಾ ಗೇಮ್ ಡೆವಲಪರ್ಸ್ ಫೋರಂ (ಎಐಜಿಡಿಎಫ್) ಜತೆಗೆ ಡಿಜಿಟಲ್ ಡಿಟಾಕ್ಸ್ ಎಂಬ ಉಪಕ್ರವ ಪ್ರಾರಂಭಿಸುವುದಾಗಿ ಘೋಷಣೆ ಮಾಡಿದೆ. ಡಿಜಿಟಲ್ ಡಿಟಾಕ್ಸ್ ಕೇಂದ್ರಗಳನ್ನು ಕರ್ನಾಟಕದಾದ್ಯಂತ ಆನ್‌ಲೈನ್ ಮತ್ತು ಆಫ್‌ಲೈನ್‌ನಲ್ಲಿ ಸ್ಥಾಪಿಸಲು ಕ್ರಮ ವಹಿಸಿದೆ. ಈ ಕೇಂದ್ರಗಳು ತಂತ್ರಜ್ಞಾನದ ಬಳಕೆಯನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಸಹಾಯ ಮಾಡಲಿದೆ. ಇದೀಗ ಮಹಾರಾಷ್ಟ್ರ ಸರ್ಕಾರ ಕೂಡ ಡಿಜಿಟಲ್ ಡಿಟಾಕ್ಸ್ ಅಭಿಯಾನ ಕುರಿತು ಆಯಾ ಗ್ರಾಮಸ್ಥರಿಂದ ಮಾಹಿತಿ ಪಡೆದುಕೊಳ್ಳುತ್ತಿದೆ ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.

...................

ಬಾಕ್ಸ್

2ಸಾವಿರ ಮಕ್ಕಳಿಗೆ ಪ್ರೇರಣೆ

ಈಗಾಗಲೇ ಜಿಲ್ಲೆಯ್ಯದ್ಯಂತ ಬೆಳಗಾವಿ ತಾಲೂಕಿನ ಹಲಗಾ, ಧಾಮಣೆ.ಎಸ್., ರಾಯಬಾಗ ತಾಲೂಕಿನ ಕಪ್ಪಲಗುದ್ದಿ ಗ್ರಾಮದಲ್ಲಿ ಡಿಜಿಟಲ್ ಡಿಟಾಕ್ಸ್ ಜಾರಿಗೊಳಿಸಲು ಆಯಾ ಗ್ರಾಪಂ ಆಡಳಿತ ಮಂಡಳಿ ಠರಾವು ಕೈಗೊಂಡು ಜಾರಿಗೊಳಿಸಿವೆ. ಇದಕ್ಕೆ ಸರ್ಕಾರಿ ಶಾಲೆಗಳ ಎಸ್‌ಡಿಎಂಸಿ, ಖಾಸಗಿ ಶಾಲೆಗಳ ಆಡಳಿತ ಮಂಡಳಿ ಸಹ ಕೈಜೋಡಿಸಿವೆ. ಹೀಗಾಗಿ 2 ಸಾವಿರಕ್ಕೂ ಅಧಿಕ ಮಕ್ಕಳಲ್ಲಿ ಕಲಿಕಾ ಆಸಕ್ತಿ ಹೆಚ್ಚಿಸುವುದರ ಜತೆಗೆ ಪಠ್ಯೇತರ ಚಟುವಟಿಕೆಗಳಾದ ಕ್ರೀಡೆ, ಕೃಷಿ, ಪರಿಸರ ಸಂರಕ್ಷಣೆ, ಗಿಡಗಳ ಬೆಳೆಸುವುದರ ಕಡೆ ಆಸಕ್ತಿ ವಹಿಸುತ್ತಿದ್ದಾರೆ. ಹೀಗಾಗಿ ಡಿಜಿಟಲ್ ಡಿಟಾಕ್ಸ್ ಮಕ್ಕಳ ಮೇಲೆ ಪರಿಣಾಮ ಬೀರಿದೆ ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ

.....................

ಕೋಟ್ಸ್

ಡಿಜಿಟಲ್ ಡಿಟಾಕ್ಸ್ ಬೆಳಗಾವಿ ತಾಲ್ಲೂಕಿನ 57 ಗ್ರಾಪ ಪಂಚಾಯತಿಗಳಲ್ಲಿ ಜಾರಿಗೆ ತರುವ ಉದ್ದೇಶವಿಟ್ಟುಕೊಂಡು ಅಭಿಯಾನಕ್ಕೆ ಗ್ರಾಮಸ್ಥರು, ಶಿಕ್ಷಣ ಸಂಸ್ಥೆಗಳು ಕೈ ಜೋಡಿಸಿದ್ದಾರೆ. ಈ ಡಿಜಿಟಲ್ ಡಿಟಾಕ್ಸ್ ಜಾರಿಯಿಂದ ಗ್ರಾಮೀಣ ಪ್ರದೇಶದ ಮಕ್ಕಳಲ್ಲಿ ಮತ್ತು ಸಾರ್ವಜನಿಕರಲ್ಲಿ ಹೊಸ ಚೈತನ್ಯ ಮೂಡುತ್ತಿದೆ.

-ಯಶಂತಕುಮಾರ, ಬೆಳಗಾವಿ ತಾಪಂ ಇಒ

.....................

ಕೋಟ್ಸ್

ನಮ್ಮ ಗ್ರಾಮದಲ್ಲಿ ಡಿಜಿಟಲ್ ಡಿಟಾಕ್ಸ್ ಜಾರಿ ಮಾಡಿದ್ದರಿಂದ ಗ್ರಾಮದ ವಾತಾವರ್ಣಬದಲಾಗಿದ್ದು, ಪ್ರತಿ ದಿನ 2ಗಂಟೆ ಮಕ್ಕಳ ವಿಧ್ಯಾಭ್ಯಸಕ್ಕೆ ಹೆಚ್ಚು ಒತ್ತು ನೀಡುತಿದ್ದಾರೆ. ಹಿರಿಯರು ಮತ್ತು ಕಿರಯರು ಪರಸ್ಪರ ಚರ್ಚೆಯಲ್ಲಿ ತೊಡಗುತಿದ್ದಾರೆ. ಇದರಿಂದಾಗಿ ಮನೆಗಳಲ್ಲಿ ಕೌಟುಂಬಿಕ ಸಂವಹನ ಹೆಚ್ಚಾಗುತ್ತಿದೆ.

-ಪಂಡಿತ್ ಬಾಳಾಗೌಡ ಪಾಟೀಲ್, ಅಧ್ಯಕ್ಷ, ಧಾಮಣೆ ಎಸ್., ಗ್ರಾಪಂ

...................