ಪಾಲಿಕೆಗೆ ವಾರ್ಷಿಕ 20ಲಕ್ಷ ರೂ.ಪಂಗನಾಮ!

ಬೆಳಗಾವಿ :ಮಹಾನಗರ ಪಾಲಿಕೆಗೆ ಆದಾಯ ಮೂಲಗಳಲ್ಲಿ ಒಂದಾಗಿರುವ ಟ್ರೇಡ್ ಲೈಸೆನ್ಸ್ (ವ್ಯಾಪಾರ ಪರವಾನಗಿ)ನಿಂದ ವಾರ್ಷಿಕ ಲಕ್ಷಾಂತರ ರೂ. ತೆರಿಗೆ ವಂಚನೆ ಆಗುತ್ತಿರುವುದು ತನಿಖೆ ವೇಳೆ ಬೆಳಕಿಗೆ ಬಂದಿದೆ!

ಹೌದು. ಪಾಲಿಕೆಯ 58 ವಾರ್ಡ್‌ಗಳ ವ್ಯಾಪ್ತಿಯ ಗಣಪತಿ, ಬಾಪಟ್ ಗಲ್ಲಿ, ಖಡೇಬಜಾರ, ಶನಿವಾರ ಕೂಟ, ದರ್ಬಾರ,ಖಂಜರ ಗಲ್ಲಿ ಸೇರಿ ವಿವಿಧ ಭಾಗಗಳಲ್ಲಿ ಹೋಟೆಲ್, ಬಟ್ಟೆ, ಮೊಬೈಲ್, ಕಿರಾಣಿ, ವಾಹನಗಳ ದುರಸ್ತಿ, ಆಟೋಮೊಬೈಲ್ ಬಿಡಿಭಾಗಗಳ, ಎಲೆಕ್ಟ್ರಿಕಲ್, ಹಾರ್ಡ್‌ವೇರ್, ಸಿಮೆಂಟ್, ಕಬ್ಬಿನ ಮಾರಾಟ ಹೀಗೆ 12ಸಾವಿರ ಕಾರ್ಯನಿರ್ವಹಿಸುತ್ತಿವೆ. ಆದರೆ, 4 ಸಾವಿರಕ್ಕೂ ಅಧಿಕ ಅಂಗಡಿಕಾರರು ಅತಿಸಣ್ಣ, ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ಯಮ ( ಎಂಎಸ್‌ಎಂಇ) ಹೆಸರಿನಲ್ಲಿ ಪಾಲಿಕೆಗೆ ವಾರ್ಷಿಕ 20ಲಕ್ಷ ರೂ. ತೆರಿಗೆ ಕಟ್ಟದೆ ವ್ಯಾಪಾರಿಗಳು ವಂಚಿಸುತ್ತಿದ್ದಾರೆ.

ಕಳೆದ ಹತ್ತು ವರ್ಷದಿಂದ ಪಾಲಿಕೆ ವತಿಯಿಂದ ಕುಡಿಯುವ ನೀರು, ವಿದ್ಯುತ್ ಸೇರಿ ಎಲ್ಲ ರೀತಿಯ ಸೌಲಭ್ಯ ಪಡೆದುಕೊಳ್ಳುತ್ತಿದ್ದಾರೆ. ಆದರೆ, ಇಲ್ಲಿಯವರೆಗೆ ಪಾಲಿಕೆಗೆ ಯಾವುದೇ ರೀತಿಯ ತೆರಿಗೆ ಕಟ್ಟಿಲ್ಲ.ಮಾಸಿಕ ಲಕ್ಷಾಂತರೂ ವ್ಯಾಪಾರ ವಹಿವಾಟು ನಡೆಸುತ್ತಿರುವ ವ್ಯಾಪಾರಿಗಳು, ಉದ್ದಮಿದಾರರು ಅಧಿಕೃತವಾಗಿ ಟ್ರೇಡ್ ಲೈಸೆನ್ಸ್ ಪಡೆದುಕೊಂಡಿಲ್ಲ. ಕೆಲ ವ್ಯಾಪಾರಿಗಳು ಒಂದೇ ಲೈಸೆನ್ಸ್‌ನಲ್ಲಿ 2 ರಿಂದ 3 ಮೂರು ಅಂಗಡಿಗಳನ್ನು ನಡೆಸುತ್ತಿದ್ದಾರೆ. ಕೆಲ ವ್ಯಾಪಾರಿಗಳು ಎಂಇಎಸ್‌ಎಂಇ ಹೆಸರಿನಲ್ಲಿ ಲೈಸೆನ್ಸ್ ಪಡೆದುಕೊಳ್ಳುತ್ತಿಲ್ಲ. ಅಲ್ಲಿಯೂ ತೆರಿಗೆ ಕಟ್ಟುತ್ತಿಲ್ಲ. ಇವದರಿಂದ ತೆರಿಗೆ ಪಡೆಯುವುದು ದೊಡ್ಡ ಸಾವಾಲಗಿಯೇ ಉಳಿದಿದೆ. ಮತ್ತೊಂದೆಡೆ ಹೊಸದಾಗಿ ಟ್ರೇಡ್ ಲೈಸೆನ್ಸ್ ತೆಗೆದುಕೊಂಡು ವ್ಯಾಪಾರ ವಹಿವಾಟ ಆರಂಭಿಸಿರುವ ಉದ್ಯಮಿದಾರರು ಒಂದೇ ವರ್ಷದಲ್ಲಿ ವ್ಯಾಪಾರ ಸ್ಥಗೀತಗೊಳಿಸಿದ್ದಾರೆ. ಇವರೆಲ್ಲರೂ ಲೈಸೆನ್ಸ್ ರದ್ದುಪಡಿಸಿಕೊಂಡಿಲ್ಲ ಜತೆಗೆ ತೆರಿಗೆ ಕೂಡ ಕಟ್ಟಿಲ್ಲ.

ಟ್ರೇಡ್ ಲೈಸೆನ್ಸ್‌ನಿಂದ ವಾರ್ಷಿಕ 2ಕೋಟಿ ರೂ. ವರೆಗೆ ಗುರಿ ಹಾಕಿಕೊಳ್ಳಲಾಗುತ್ತಿದೆ. ಆದರೆ, ಶೇ.60ರಷ್ಟು ವ್ಯಾಪಾರಿಗಳು ಸರಿಯಾಗಿ ತೆರಿಗೆ ಕಟ್ಟುತ್ತಿಲ್ಲ.ನಿಯಮ ಪ್ರಕಾರ ಎಲ್ಲ ಲೈಸೆನ್ಸ್‌ದಾರರು ತೆರಿಗೆ ಕಟ್ಟಿದರೆ ವಾರ್ಷಿಕ ಕೋಟ್ಯಂತರ ವರೆಗೆ ತೆರಿಗೆ ಬರುತ್ತದೆ. ಆದರೆ, ವಾಸ್ತವದಲ್ಲಿ ಪಾಲಿಕೆಗೆ ತೆರಿಗೆ ಕಟ್ಟುತ್ತಿಲ್ಲ. ಹೀಗಾಗಿ ಪರವಾನಗಿ ಇಲ್ಲದ ಅಂಗಡಿಗಳಿಗೆ ಕುಡಿಯುವ ನೀರು, ವಿದ್ಯುತ್, ಒಳಚರಂಡಿ ಸೌಲಭ್ಯ ಬಂದ್ ಮಾಡಲು ಕ್ರಮ ವಹಿಸಲಾಗಿದೆ ಎಂದು ಪಾಲಿಕೆ ಆರೋಗ್ಯ ವಿಭಾಗದ ಅಧಿಕಾರಿ ಹಣಮಂತ ಕಲಾದಗಿ ತಿಳಿಸಿದ್ದಾರೆ.

..........

"

...........