ಅಂಗನವಾಡಿ ಮಕ್ಕಳಿಗೆ ಎಳೆ ಬಿಸಿಲಿನ ಆಟ

ಮಕ್ಕಳ ಸರ್ವಾಂಗೀಣ ವಿಕಾಸ ಅಂಗನವಾಡಿ ಕೇಂದ್ರಗಳ ಮೂಲ ಧ್ಯೇಯ. ಬಹಳಷ್ಟು ಅಂಗನವಾಡಿಗಳಲ್ಲಿ ಉತ್ತಮ ಶಿಕ್ಷಣ ಹೊಂದಿರುವ ಅತ್ಯಂತ ಕ್ರಿಯಾಶೀಲ ಕಾರ್ಯಕರ್ತೆಯರಿದ್ದಾರೆ. ಮಕ್ಕಳ ಹಿತದೃಷ್ಟಿಯಿಂದ ಸಕಾರಾತ್ಮಕವಾದ ಚಟುವಟಿಕೆ ಹಮ್ಮಿಕೊಳ್ಳಲು ಮುಕ್ತ ಅವಕಾಶವಿದೆ. ಸದ್ಯ ಬೆಳಗಾವಿಯಲ್ಲಿ ನಡೆಯುತ್ತಿರುವ ಆದರ್ಶ ಕಾರ್ಯವನ್ನು ಇಲಾಖೆ ಬೆಂಬಲಿಸುತ್ತದೆ.

ಬೆಳೆಯುವ ಮಕ್ಕಳಿಗೆ ಚಳಿಗಾಲದಲ್ಲಿ ಬೆಳಗ್ಗೆ 9ರಿಂದ 11ರವರೆಗಿನ ಎರಡು ತಾಸಿನ ಅವಧಿಯ ಎಳೆ ಬಿಸಿಲು ಸ್ವಲ್ಪ ಕಾಯಿಸಿಕೊಳ್ಳುವುದು ಉತ್ತಮ ಎಂದು ವೈದ್ಯರೂ ಹೇಳುತ್ತಾರೆ. ಮಕ್ಕಳಿಗೆ ವಿಡಮಿನಟ್ ಡಿ ಲಭಿಸಿ, ಮಿದುಳಿನ ಬೆಳವಣಿಗೆಯಾಗುತ್ತದೆ. ಕಾಮಾಲೆ ಅಪಾಯ ತಪ್ಪುತ್ತದೆ. ಅನೇಕ ಸೋಂಕುಗಳಿಂದಲೂ ಮಕ್ಕಳು ರಕ್ಷಿಸಲ್ಪಡುತ್ತಾರೆ ಎಂದು ವೈದ್ಯಶಾಸ್ತ್ರ ಹೇಳುತ್ತದೆ.