ಬೆಡಿ ಉತ್ಸವ, ನಾಲ್ವರ ವಿರುದ್ಧ ಕೇಸ್​

ಕಾಸರಗೋಡು: ಕುಂಬಳೆ ಕಣಿಪುರ ಶ್ರೀ ಗೋಪಾಲಕೃಷ್ಣ ದೇವಸ್ಥಾನದ ವಾರ್ಷಿಕ ಜಾತ್ರಾಮಹೋತ್ಸವದ 'ಬೆಡಿ ಉತ್ಸವ' ಅಂಗವಾಗಿ ಸುಡುಮದ್ದು ಸಿಡಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಉತ್ಸವ ಸಮಿತಿ ಪದಾಧಿಕಾರಿಗಳ ವಿರುದ್ಧ ಕುಂಬಳೆ ಠಾಣೆ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದಾರೆ. ಕೆ.ಸದಾನಂದ ಕಾಮತ್​, ಮಧುಸೂದನ ಕಾಮತ್​, ಲಕ್ಷ$್ಮಣ ಪ್ರಭು, ಸುಧಾಕರ ಕಾಮತ್​ ಎಂಬುವವರ ವಿರುದ್ಧ ಕೇಸ್​ ದಾಖಲಾಗಿದೆ.

ಜಿಲ್ಲಾ ಫೋರೆನ್ಸಿಕ್​ ಸಯನ್ಸ್​ ಲ್ಯಾಬರಾಟರಿಯ ಪಶ್ಚಿಮ ಭಾಗದಲ್ಲಿರುವ ಖಾಲಿ ಜಾಗದಲ್ಲಿ ದೇವಸ್ಥಾನ ಉತ್ಸವ ಸಮಿತಿ ಪದಾಧಿಕಾರಿಗಳ ನೇತೃತ್ವದಲ್ಲಿ, ಅಪಾಯಕಾರಿ ಸ್ಥಿತಿಯಲ್ಲಿ ಪಟಾಕಿ ಸಿಡಿಸಿರುವ ಬಗ್ಗೆ ಪೊಲೀಸರು ಕೇಸ್​ ದಾಖಲಿಸಿಕೊಂಡಿದ್ದಾರೆ. ಉತ್ಸವ ಸಂದರ್ಭ ಆಚಾರಾನುಷ್ಠಾನ ಪ್ರಕಾರ ದೇವಾಲಯಗಳಲ್ಲಿ ಪಟಾಕಿ ಸಿಡಿಸುವ ಸಂಪ್ರದಾಯ ಜಾರಿಯಲ್ಲಿದ್ದು, ಕೆಲವೊಂದು ದುರಂತಗಳು ನಡೆದಿರುವ ಹಿನ್ನೆಲೆಯಲ್ಲಿ ಸಂಪ್ರದಾಯಕ್ಕೂ ಮಾನ್ಯತೆ ನೀಡದೆ ಸುಡುಮದ್ದು ಪ್ರದರ್ಶನವನ್ನು ಕೈಬಿಡುವಂತೆ ಸರ್ಕಾರ ಹೇಳುತ್ತಿದೆ.

https://www.vijayavani.net/case-against-the-driver

https://www.vijayavani.net/land-for-the-poor-in-preference