ಈ ಭಾಗದ ಕಥೆಗಳು ಸಿನಿಮಾಗಳಾಗಲಿ

ಹೊಸಪೇಟೆ: ಯಾರು ಕೈಬಿಟ್ಟರೂ ಹೊಸಪೇಟೆ ಜನ ಕೈಬಿಡೋದಿಲ್ಲ ಎಂದು ಅಪ್ಪು ಹೇಳುತ್ತಿದ್ದರು. ಅದರಂತೆ ಟೋಬಿ ಚಿತ್ರವನ್ನೂ ಕೈಹಿಡಿಯುವಂತೆ ನಟ-ನಿರ್ದೇಶಕ ರಾಜ್ ಬಿ.ಶೆಟ್ಟಿ ಮನವಿ ಮಾಡಿದರು.

ನಗರದಲ್ಲಿ ಅಪ್ಪು ಪುತ್ಥಳಿಗೆ ಮಾಲಾರ್ಪಣೆ ಮಾಡಿ, ಮಾತನಾಡಿದರು. ಅಪ್ಪು ಅವರಿಗೆ ಹೊಸಪೇಟೆ ಎಂದರೆ ಎಲ್ಲಿಲ್ಲದ ಪ್ರೀತಿ. ಇದೇ 25 ರಂದು ತೆರೆ ಕಾಣಲಿರುವ ಟೋಬಿ ಅತ್ಯುತ್ತಮ ಕಥೆಯಿದ್ದು, ವಿಶೇಷ ಸಂದೇಶ ನೀಡಲಿದೆ. ಹೊಸಪೇಟೆ-ಬಳ್ಳಾರಿಯವರೂ ಸಿನಿಮಾ ರಂಗಕ್ಕೆ ಬರಬೇಕು. ಈ ಭಾಗದ ಕಥೆಗಳು ಸಿನಿಮಾಗಳಾಗಬೇಕು ಎಂದರು.

ಇದನ್ನೂ ಓದಿ: ಕುತೂಹಲ ಕೆರಳಿಸುತ್ತಿದೆ ರಾಜ್ ಬಿ.ಶೆಟ್ಟಿ ಮುಂದಿನ ಚಿತ್ರ; ಟೈಟಲ್ ಹೇಳದೆ ಸುಳಿವು ಕೊಟ್ಟ ನಟ-ನಿರ್ದೇಶಕ!

ದೀಪಕ್ ರಾಜ್ ಶೆಟ್ಟಿ, ಗೋಪಾಲ್, ಕೃಷ್ಣ ದೇಶಪಾಂಡೆ ಮತ್ತಿತರರು ಇದ್ದರು. ಸಿನಿಮಾ ಪ್ರಚಾರಕ್ಕೆಂದು ಆಗಮಿಸಿದ ರಾಜ್ ಬಿ.ಶೆಟ್ಟಿಯನ್ನು ಸ್ಥಳೀಯ ಅಭಿಮಾನಿಗಳು ಕಾಲೇಜು ರಸ್ತೆಯಿಂದ ಪುನೀತ್ ಸರ್ಕಲ್‌ವರೆಗೆ ಬೈಕ್ ರ‌್ಯಾಲಿ ಮೂಲಕ ಅದ್ದೂರಿಯಾಗಿ ಬರಮಾಡಿಕೊಂಡರು.