ನ್ಯಾಷನಲ್​ ಕಾಲೇಜು ಮೈದಾನದ ತಾತ್ಕಾಲಿಕ ಮಾರುಕಟ್ಟೆಯೂ ಬಂದ್​: ಸಾಮಾಜಿಕ ಅಂತರ ಕಾಯ್ದುಕೊಳ್ಳದ ಸಾರ್ವಜನಿಕರು

ಬೆಂಗಳೂರು: ಸುರಕ್ಷತೆ ಇಲ್ಲದ ಹಿನ್ನೆಲೆಯಲ್ಲಿ ನ್ಯಾಷನಲ್​ ಕಾಲೇಜು ಆವರಣದಲ್ಲಿದ್ದ ಮಾರುಕಟ್ಟೆಯನ್ನು ಪೊಲೀಸರು ಬಂದ್​ ಮಾಡಿದ್ದಾರೆ.

ವಿಪರೀತ ಜನಜಂಗುಳಿ ಹಿನ್ನೆಲೆಯಲ್ಲಿ ಕೆಆರ್​ ಮಾರುಕಟ್ಟೆಯನ್ನು ನ್ಯಾಷನಲ್​ ಕಾಲೇಜು ಮೈದಾನಕ್ಕೆ ವರ್ಗಾಯಿಸಲಾಗಿತ್ತು. ಇಲ್ಲೂ ಕೂಡ ಸಾರ್ವಜನಿಕರು ಸಮಾಜಿಕ ಅಂತರ ಕಾಯ್ದುಕೊಳ್ಳದೆ ಖರೀದಿಗೆ ಮುಂದಾದರು. ಅಲ್ಲದೆ ಮಾರುಕಟ್ಟೆಯಲ್ಲಿ ಸೋಂಕು ತಡೆಯುವ ಯಾವುದೇ ಮುಂಜಾಗ್ರತೆ ಕ್ರಮ ಅನುಸರಿಸದ ಹಿನ್ನೆಲೆಯಲ್ಲಿ ಪೊಲೀಸರು ಮಾರುಕಟ್ಟೆ ಬಂದ್​ ಮಾಡಿಸಿದರು.

ಲಘು ಲಾಠಿ ಪ್ರಹಾರ: ನ್ಯಾಷನಲ್​ ಕಾಲೇಜು ಆವರಣದಲ್ಲಿ ತರಕಾರಿ ಹಾಗೂ ದಿನಸಿ ಖರೀದಿಸಲು ಸಾರ್ವಜನಿಕರು ಮುಂದಾದರು. ಈ ವೇಳೆ ಪೊಲೀಸರು ಸಾಮಾಜಿ ಅಂತರ ಕಾಯ್ದುಕೊಳ್ಳುವಂತೆ ಸೂಚಿಸಿದರು. ಹೀಗಿದ್ದರೂ ಸಾರ್ವಜನಿಕರು ಅಂತರ ಕಾಯ್ದುಕೊಳ್ಳದ ಹಿನ್ನೆಲೆಯಲ್ಲಿ ಲಘು ಲಾಠಿ ಪ್ರಹಾರ ನಡೆಸಿ ಅವರನ್ನು ಚದುರಿಸಿದರು.

ಸಂಸದ ತೇಜಸ್ವಿ ಸೂರ್ಯ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ನ್ಯಾಷನಲ್​ ಕಾಲೇಜು ಆವರಣದಿಂದ ವ್ಯಾಪಾರಿಗಳನ್ನು ತೆರವುಗೊಳಿಸುವಂತೆ ಪೊಲೀಸರಿಗೆ ಸೂಚಿಸಿದರು.

https://www.vijayavani.net/5-people-in-chikkaballapur-confirmed-coronavirus-infection/