೬೫ ಲಕ್ಷ ರೂ. ದುರುಪಯೋಗ ಬೆಳಕಿಗೆ !

ಅಶೋಕ ಶೆಟ್ಟರ, ಬಾಗಲಕೋಟೆ: ಬಾಗಲಕೋಟೆ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ (ಬಿಡಿಸಿಸಿ)ನ ಲೋಕಾಪುರ ಶಾಖೆಯಲ್ಲಿ ಅಂದಾಜು ೬೫ ಲಕ್ಷ ರೂ. ದುರುಪಯೋಗ ಪಡಿಸಿಕೊಂಡಿರುವುದು ಪ್ರಾಥಮಿಕ ಪರಿಶೀಲನೆಯಲ್ಲಿ ದೃಢಪಟ್ಟಿದೆ.

ಲೋಕಾಪುರ ಶಾಖೆಯ ವ್ಯವಸ್ಥಾಪಕ ಗುರುರಾಜ್ ಎಸ್ ಎನ್ನುವವರು ಬ್ಯಾಂಕಿನ ಹಣವನ್ನು ಬೇರೆ ಬ್ಯಾಂಕಿನಲ್ಲಿ ಇರುವ ತಮ್ಮ ವೈಯಕ್ತಿಕ ಖಾತೆಗೆ ವರ್ಗಾವಣೆ ಮಾಡಿಕೊಂಡು ದುರ್ಬಳಿಕೆ ಮಾಡಿಕೊಂಡಿರುವುದು ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.

ಕಳೆದ ಏಪ್ರಿಲ್ ತಿಂಗಳಲ್ಲಿ ಹಣ ದುರ್ಬಳಿಕೆ ಮಾಡಿಕೊಂಡಿದ್ದು, ಹಣ ದುರುಪಯೋಗ ಮಾಡಿರುವ ಆರೋಪ ಹೊತ್ತಿರುವ ಮ್ಯಾನೇಜರ್ ತಾವು ಬೈಕ್‌ನಲ್ಲಿ ಹೋಗುವಾಗಿ ಅಪಘಾತವಾಗಿದೆ ಎಂದು ದೀರ್ಘ ರಜೆ ಪತ್ರ ನೀಡಿ ಹೋಗಿದ್ದಾರೆ ಎಂದು ತಿಳಿದು ಬಂದಿದೆ.

ಲೋಕಾಪುರ ಶಾಖೆಯಲ್ಲಿ ಹಂತ ಹಂತವಾಗಿ ೬೫ ಲಕ್ಷ ರೂ. ದುರ್ಬಳಿಕೆ ಮಾಡಿಕೊಂಡಿದ್ದರೂ ಈ ಬಗ್ಗೆ ಕೇಂದ್ರ ಕಚೇರಿಯ ಅದಕ್ಕೆ ಸಂಬAಽಸಿದ ವಿಭಾಗದ ಅಽಕಾರಿಗಳು ಮತ್ತು ಸಿಬ್ಬಂದಿಯ ಗಮನಕ್ಕೆ ಬಂದಿಲ್ಲವೇ ಎನ್ನುವುದು ಇದೀಗ ಕಾಡುತ್ತಿರುವ ಪ್ರಶ್ನೆಯಾಗಿದೆ. Ã ಹಿಂದೆ ಪ್ರವೀಣ ಪತ್ರಿ ಪ್ರಕರಣದಿಂದ ಕೇಂದ್ರ ಕಚೇರಿಯ ಹಿರಿಯ ಅಽಕಾರಿಗಳು ಎಚ್ಚೆತ್ತುಕೊಳ್ಳಬೇಕಿತ್ತು. ಆದರೆ, ಇದೀಗ ಮತ್ತೊಂದು ಹಣ ದುರುಪಯೋಗ ಪ್ರಕರಣ ನಡೆದಿದ್ದು, ಹಿರಿಯ ಅಽಕಾರಿಗಳ ನಿರ್ಲಕ್ಷ್ಯ ಎದ್ದು ಕಾಣಿಸುತ್ತಿದೆ ಎಂದು ಅಲ್ಲಿ ಏಕವ್ಯಕ್ತಿಯ ಸಹಿಗೆ ಅವಕಾಶ ಸಿಕ್ಕಿದ್ದೇಗೆ ಎನ್ನುವುದು ಅಚ್ಚರಿಗೆ ಕಾರಣ ಎಂದು ಹೆಸರು ಹೇಳಲು ಇಚ್ಛಿಸದ ಬ್ಯಾಂಕಿನ ಅಽಕಾರಿಯೊಬ್ಬರು ಹೇಳುತ್ತಾರೆ.

ಲೋಕಾಪುರ ಶಾಖೆಯಲ್ಲಿ ಹಣ ದುರುಪಯೋಗ ಆಗಿದೆ. ಅದಾಗಿ ಎರಡ್ಮೂರು ತಿಂಗಳು ಕಳೆದು ಹೋಗಿದೆ ಎಂದು ತಿಳಿದ ಬಳಿಕ ಡಿಸಿಸಿ ಬ್ಯಾಂಕಿನ ಕೇಂದ್ರ ಕಚೇರಿಯಿಂದ ಪ್ರಾಥಮಿಕ ತನಿಖೆಗೆ ಅಽಕಾರಿಗಳನ್ನು ನಿಯೋಜಿಸಿ ವರದಿ ನೀಡುವಂತೆ ಸೂಚಿಸಿತ್ತು.

ಅದರಂತೆ ಗುರುವಾರ ಮತ್ತು ಶುಕ್ರವಾರ ಲೋಕಾಪುರ ಶಾಖೆಗೆ ತೆರಳಿ, ಅನೇಕ ದಾಖಲೆಗಳನ್ನು ಸಂಗ್ರಹಿಸಿ ಕೇಂದ್ರ ಕಚೇರಿಗೆ ಸಲ್ಲಿಸಿದ್ದಾರೆ. ಸದ್ಯ ಎರಡು ಸಲ ಹಣ ವರ್ಗಾವಣೆ ಮೂಲಕ ಬ್ಯಾಂಕಿನ ಹಣವನ್ನು ತಮ್ಮ ವೈಯಕ್ತಿಕ ಖಾತೆಗೆ ಜಮಾ ಮಾಡಿಸಿದ್ದು, ಇನ್ನು ಹೆಚ್ಚೆಚ್ಚು ದಾಖಲೆಗಳ ಪರಿಶೀಲನೆ ನಡೆಸಿದ ಬಳಿಕ ಇನ್ನಷ್ಟು ಮಾಹಿತಿ ಲಭ್ಯವಾಗಲಿದೆ.

======

ರಕ್ಷಣೆಗೆ ಮುಂದಾಗುತ್ತಾರಾ...:?

ಈ ಹಿಂದೆ ಪ್ರವೀಣ ಪತ್ರಿ ಎನ್ನುವ ಸಿಪಾಯಿ ಬ್ಯಾಂಕಿನ ಕೋಟ್ಯಂತರ ರೂಪಾಯಿ ಹಣ ದುರುಪಯೋಗ ಪಡಿಸಿಕೊಂಡಿರುವುದು ಬೆಳಕಿಗೆ ಬಂದಿದ್ದರೂ ಆತನ ವಿರುದ್ಧ ದೂರು ಕೊಡದೇ ಕೇಂದ್ರ ಕಚೇರಿಗೆ ಕರೆಯಿಸಿ, ಆತ ತಪ್ಪಿಸಿಕೊಳ್ಳಲು ಕೆಲವರು ಸಹಾಯ ಮಾಡಿದ್ದರು ಎನ್ನುವ ಆರೋಪಗಳು ಇದ್ದವು. ಅಂದು ಆತನನ್ನು ಸೇವೆಯಿಂದ ಅಮಾನತು ಮಾಡಿ, ಪೊಲೀಸರಿಗೆ ದೂರು ಕೊಡುವಷ್ಟರಲ್ಲಿ ಪ್ರವೀಣ ತಲೆಮರೆಸಿಕೊಂಡಿದ್ದ. ಈಗಲೂ ಸಹ ಅಂತದ್ದೆ ಪ್ರಯತ್ನಗಳು ನಡೆದಿವೆಯಾ ಎನ್ನುವ ಗುಮಾನಿಯನ್ನು ಸಹ ಕೆಲವರು ವ್ಯಕ್ತಪಡಿಸುತ್ತಿದ್ದಾರೆ.

ಯಾವುದೇ ಶಾಖೆಯಲ್ಲಿ ಪ್ರತಿ ದಿನ ನಿಗದಿತ ಹಣಕ್ಕಿಂತ ಹೆಚ್ಚಿನ ಹಣ ಸಂಗ್ರಹ ಆಗಿದ್ದರೆ ಅದನ್ನು ರಾಷ್ಟಿçÃಯ ಬ್ಯಾಂಕಿಗೆ ಜಮಾ ಮಾಡಲಾಗುತ್ತದೆ. ಇದು ಕೇಂದ್ರ ಕಚೇರಿಗೆ ಮಾಹಿತಿಯೂ ಹೋಗುತ್ತದೆ. ಆದರೆ, ಲೋಕಾಪುರ ಶಾಖೆಯ ವಿಚಾರದಲ್ಲಿ ಅದು ಆಗಿಲ್ಲವೇ? ಅಥವಾ ಕೇಂದ್ರ ಕಚೇರಿಯ ಸಂಬAಽತ ವಿಭಾಗದವರು ನಿರ್ಲಕ್ಷ್ಯ ಮಾಡಿದರೆ ಎನ್ನುವುದು ಸಹ ತನಿಖೆ ಆಗಬೇಕಿದೆ ಎನ್ನುವುದು ಬ್ಯಾಂಕಿನ ಅಽಕಾರಿಯೊಬ್ಬರು ಹೇಳುವ ಮಾತು.