ಬಾಗಲಕೋಟೆ-ಕುಡಚಿ ೨೦೨೯ಕ್ಕೆ ಪೂರ್ಣ

ಬಾಗಲಕೋಟೆ: ಉತ್ತರ ಕರ್ನಾಟಕರ ಬಹುವರ್ಷಗಳ ಕನಸಾಗಿರುವ ಬಾಗಲಕೋಟೆ-ಕುಡಚಿ ರೈಲು ಮಾರ್ಗ ಕಾಮಗಾರಿಯನ್ನು ೨೦೨೯ಕ್ಕೆ ಯೋಜನೆ ಪೂರ್ಣಗೊಳಿಸುವುದಾಗಿ ಕೇಂದ್ರ ರೈಲ್ವೆ ಇಲಾಖೆಯ ರಾಜ್ಯ ಸಚಿವ ವಿ.ಸೋಮಣ್ಣ ಭರವಸೆ ನೀಡಿದರು.

ಜಿಲ್ಲೆಯ ಬಾದಾಮಿಯಲ್ಲಿ ರೂ. ೧೫.೧೦ ಕೋಟಿಯಲ್ಲಿ ಪುನರಾಭಿವೃದ್ಧಿಗೊಂಡಿರುವ ರೈಲ್ವೆ ನಿಲ್ದಾಣವನ್ನು ಶುಕ್ರವಾರ ವಿಡಿಯೋ ಕಾನರೆನ್ಸ್ ಮೂಲಕ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಉದ್ಘಾಟಿಸಿದ ಕಾರ್ಯಕ್ರಮದಲ್ಲಿ ಬಾದಾಮಿಯಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.

ರೂ. ೧೩೭೮ ಕೋಟಿ ವೆಚ್ಚದ ೧೪೨ ಕಿ.ಮೀ. ಉದ್ದದ ಹೊಸ ರೈಲು ಮಾರ್ಗಕ್ಕೆ ೨೦೧೦-೧೧ರಲ್ಲಿ ಮಂಜೂರಾಗಿದ್ದು, ಕೇಂದ್ರ ಮತ್ತು ರಾಜ್ಯ ಸರ್ಕಾರ ೫೦:೫೦ ವೆಚ್ಚದ ಹಂಚಿಕೆ ಮತ್ತು ರಾಜ್ಯ ಸರ್ಕಾರ ಉಚಿತವಾಗಿ ಭೂಮಿ ಹಸ್ತಾಂತರ ಮಾಡಬೇಕು. ಈಗ ೩೭ ಕಿ.ಮೀ. ಪೂರ್ಣಗೊಂಡಿದೆ. ಪ್ರಸ್ತುತ ಲೋಕಾಪುರ-ಯಾದವಾಡ ೨೩ ಕಿ.ಮೀ ಮಾರ್ಗ ಮಾರ್ಚ್ ೨೦೨೭, ಯಾದವಾಡ-ಜಮಖಂಡಿ ರಸ್ತೆ ೨೫ ಕಿ.ಮೀ. ಮಾರ್ಚ್ ೨೦೨೮ಕ್ಕೆ ಹಾಗೂ ಸಂಪೂರ್ಣ ಯೋಜನೆಯನ್ನು ೨೦೨೯ಕ್ಕೆ ಪೂರ್ಣಗೊಳಿಸುವ ಗುರಿ ಇದೆ. ರಾಜ್ಯ ಸರ್ಕಾರ ಅಗತ್ಯ ಜಮೀನು ಹಸ್ತಾಂತರ ಮಾಡಬೇಕು. ಕೇಂದ್ರದಲ್ಲಿ ಹಣಕಾಸಿನ ತೊಂದರೆ ಇಲ್ಲ. ಸಾಕಷ್ಟು ಅನುದಾನ ಲಭ್ಯ ಇದೆ ಎಂದು ಹೇಳಿದರು.

ಉತ್ತರ ಕರ್ನಾಟಕದಲ್ಲಿ ರೈಲ್ವೆ ಕಾಮಗಾರಿಗಳಿಗೆ ವಿಶೇಷ ಆದ್ಯತೆ ನೀಡಲಾಗಿದೆ. ನಾನು ಸಚಿವನಾಗಿ ಈ ಎರಡು ವರ್ಷಗಳಲ್ಲಿ ಹೊಸ ಮಾರ್ಗ, ಡಬ್ಲಿಂಗ್ ಮಾರ್ಗಕ್ಕೆ ವೇಗ ನೀಡಿದ್ದೇನೆ ಎಂದ ಅವರು ರಾಜ್ಯದಲ್ಲಿ ಪ್ರಗತಿಯಲ್ಲಿ ಇರುವ ವಿವಿಧ ರೈಲ್ವೆ ಯೋಜನೆಗಳನ್ನು ಮೆಲಕು ಹಾಕಿದರು.

ದಕ್ಷಿಣ ಭಾರತದಲ್ಲಿ ಅದರಲ್ಲೂ ಕರ್ನಾಟಕದಲ್ಲಿ ಹಲವು ದೀರ್ಘ ವರ್ಷಗಳ ಬೇಡಿಕೆಯಾಗಿದ್ದ ೨೨ ಹೊಸ ರೈಲು ಸೇವೆಗಳು ೭೩ ನಿಲುಗಡೆಗಳು ಮತ್ತು ೩೨ ರೈಲುಗಳ ವಿಸ್ತರಣೆ ಮಾಡಲಾಗಿದೆ ಎಂದರು.

ಸAಸದ ಪಿ.ಸಿ.ಗದ್ದಿಗೌಡರ ಮಾತನಾಡಿ, ಬಾಗಲಕೋಟೆ-ಕುಡಚಿ ರೈಲು ಮಾರ್ಗ ಕುಂಠಿತಕ್ಕೆ ಮುಖ್ಯವಾಗಿ ರಾಜ್ಯ ಸರ್ಕಾರ ನಮಗೆ ಅಗತ್ಯ ಜಮೀನು ಹಸ್ತಾಂತರ ಕಾಲಕಾಲಕ್ಕೆ ಮಾಡಿಲ್ಲ. ಕೆಲ ರೈತರು ಭೂಸ್ವಾಽÃನದ ಬಗ್ಗೆ ನ್ಯಾಯಾಲಯಕ್ಕೆ ಹೋಗಿದ್ದು, ವಿಳಂಬವಾಗಿದೆ. ಅದಾಗ್ಯ ನಿರಂತರ ಒತ್ತಡ ಹಾಕುತ್ತ ಬಂದಿದ್ದೇವೆ. ಮೋದಿ ಸರ್ಕಾರ ರೈಲ್ವೆ, ವಿಮಾನ, ಹೆದ್ದಾರಿಗಳ ನಿರ್ಮಾಣ, ಮೂಲ ಸೌಕರ್ಯಕ್ಕೆ ಹೆಚ್ಚಿನ ಒತ್ತು ನೀಡಿದ್ದು, ಈ ಭಾಗಕ್ಕೆ ಹೆಚ್ಚಿನ ಅನುದಾನ ಸಿಗುತ್ತಿದೆ. ವಿಕಸಿತ ಭಾರತ ಕನಸು ನನಸಾಗುವ ಈ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಕೈಬಲಪಡಿಸಬೇಕು ಎಂದು ತಿಳಿಸಿದರು.

ರಾಜ್ಯಸಭಾ ಸದಸ್ಯ ನಾರಾಯಣಸಾ ಭಾಂಡಗೆ, ಹಿಂದೆ ಗೋದಾಮುಗಳಂತೆ ಇದ್ದ ದೇಶದ ರೈಲು ನಿಲ್ದಾಣಗಳು ಮೋದಿ ಆಡಳಿತದಲ್ಲಿ ನಿಲ್ದಾಣಗಳು ಚಿತ್ರಣವೇ ಬದಲಾಗಿವೆ. ಬಾಗಲಕೋಟೆ-ಕುಡಚಿ ಹೊಸ ರೈಲು ಮಾರ್ಗ ವಿಳಂಬಕ್ಕೆ ರಾಜ್ಯ ಸರ್ಕಾರ ಕಾರಣ. ಇವತ್ತೆ ಅವರು ಜಮೀನು ಕೊಟ್ಟರೆ ಕೇಂದ್ರ ಸರ್ಕಾರ ಇದೇ ವರ್ಷ ಕಾಮಗಾರಿ ಆರಂಭಿಸುತ್ತದೆ ಎಂದ ಅವರು, ವಿಜಯಪುರ-ತಿರುಪತಿ ರೈಲು ಆರಂಭಿಸುವAತೆ ಸಚಿವ ವಿ.ಸೋಮಣ್ಣ ಅವರಿಗೆ ಮನವಿ ಮಾಡಿದರು.

ಮಾಜಿ ಸಚಿವ ಮುರುಗೇಶ ನಿರಾಣಿ ಮಾತನಾಡಿ, ಸುಸಜ್ಜಿತ ರೈಲು, ವಿಮಾನ, ಹೆದ್ದಾರಿಗಳ ಸಂಪರ್ಕ ಇದ್ದರೆ ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತಾರೆ. ಇದೇ ಕಾರಣಕ್ಕೆ ನಾನು ಹಿಂದೆ ಬಾದಾಮಿ ತಾಲೂಕಿನ ಹಲಕುರ್ಕಿಯಲ್ಲಿ ವಿಮಾನ ನಿಲ್ದಾಣ ನಿರ್ಮಾಣಕ್ಕೆ ಮುಂದಾಗಿದ್ದೆ. ಕೆಲವರು ಅದಕ್ಕೆ ವಿರೋಧ ಮಾಡಿ, ತಡೆದರು. ಈಗ ರಾಜ್ಯ ಸರ್ಕಾರ ಗ್ಯಾರಂಟಿ ಗ್ಯಾರಂಟಿ ಎಂದು ಗೋರಂಟಿಯಾಗಿದೆ ಎಂದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ ಹೇಳಿದ್ದಾರೆಂದು ಸಭೆಯಲ್ಲಿ ಹೇಳಿದರು.

ಜಮಖಂಡಿ ಶಾಸಕ ಜಗದೀಶ ಗುಡಗುಂಟಿ, ಪರಿಷತ್ ಸದಸ್ಯ ಹನಮಂತ ನಿರಾಣಿ, ಮಾಜಿ ಶಾಸಕರಾದ ಎಂ.ಕೆ.ಪಟ್ಟಣಶೆಟ್ಟಿ, ದೊಡ್ಡನಗೌಡ ಪಾಟೀಲ, ಪರಿಷತ್ ಮಾಜಿ ಸದಸ್ಯ ಅರುಣ ಶಹಾಪುರ, ಪದ್ಮಶ್ರೀ ಡಾ.ವೆಂಕಪ್ಪ ಸುಗತೇಕರ, ಜಿಲ್ಲಾಽಕಾರಿ ಸಂಗಪ್ಪ, ಜಿಪಂ ಸಿಇಒ ಗಜಾನನ ಬಾಲೆ, ರೈಲ್ವೆ ಇಲಾಖೆ ಹಿರಿಯ ಅಽಕಾರಿಗಳು ವೇದಿಕೆಯಲ್ಲಿ ಇದ್ದರು.