ಮರಿಯಾನೆ ಬೆಳಗ್ಗೆ ಸಿಕ್ಕಿದ ಕೂಡಲೇ ಅದನ್ನು ತಾಯಿ ಜತೆ ಸೇರಿಸುವ ಕಾರ್ಯಾಚರಣೆ ನಡೆಸಲಾಗಿತ್ತು. ಬೆಳಗ್ಗೆ ಕನ್ಯಾನದ ಮೇಲ್ಭಾಗದ ಕಾಡಿನಲ್ಲಿ ಹಿಂಡಾನೆಗಳನ್ನು ಪತ್ತೆ ಹಚ್ಚಿ ಅವುಗಳ ಜತೆ ಬಿಡುವ ಪ್ರಯತ್ನ ನಡೆಸಲಾಗಿತ್ತು. ಆದರೆ ಮರಿಯಾನೆ ಹಿಂಡಾನೆಗಳ ಜತೆ ಸಾಗದೆ, ಅರಣ್ಯ ಸಿಬ್ಬಂದಿ ಹಾಗೂ ವೈದ್ಯರ ತಂಡದ ಜತೆಗೆ ಮರಳಿದೆ. ಸಂಜೆ ಬೇಂಗತ್ತಮಲೆಯಲ್ಲಿ ಕಾಣಸಿಕ್ಕಿದ ಹಿಂಡಾನೆಗಳ ಜತೆ ಮರಿಯಾನೆಯನ್ನು ಮತ್ತೆ ಬಿಡಲಾಗಿದೆ. ಕಾರ್ಯಾಚರಣೆಯಲ್ಲಿ ಸಹಾಯಕ ವಲಯ ಸಂರಕ್ಷಣಾಧಿಕಾರಿ ಪ್ರವೀಣ್ ಶೆಟ್ಟಿ, ಸುಳ್ಯ ವಲಯ ಅರಣ್ಯಾಧಿಕಾರಿ ಮಂಜುನಾಥ್ ಹಾಗೂ ಅರಣ್ಯ ಸಿಬ್ಬಂದಿ ಭಾಗವಹಿಸಿದ್ದರು. ಸುಳ್ಯ ಪಶು ವೈದ್ಯಾಧಿಕಾರಿ ಡಾ.ನಿತಿನ್ ಪ್ರಭು ಹಾಗೂ ವನ್ಯಜೀವಿ ಚಿಕಿತ್ಸಾ ತಜ್ಞ ಡಾ.ಯಶಸ್ವಿ ಮರಿಯಾನೆಯ ಆರೈಕೆ ಮಾಡಿದರು.
