ಆಡಿಯೋ ನಂದೇ ಎಂದ ಸುರೇಶಗೌಡ !

ತುಮಕೂರು: ಭಾನುವಾರ ಬೆಳಗ್ಗೆ 11ಕ್ಕೆ ಮಾಜಿ ಶಾಸಕ ಡಿ.ಸಿ.ಗೌರಿಶಂಕರ್​ ತುಮಕೂರು ಗ್ರಾಮಾಂತರ ಕಾಂಗ್ರೆಸ್​ ಕಚೇರಿಯಲ್ಲಿ ಸಿಎಂ ವಿರುದ್ಧ ಕಪು$್ಪಬಾವುಟ ಪ್ರದರ್ಶಿಸಿದರೆ 1 ಲಕ್ಷ ರೂ., ಕೊಡುವ ಸುರೇಶಗೌಡರದ್ದು ಎನ್ನಲಾದ ಆಡಿಯೋ ರಿಲೀಸ್​ ಮಾಡುತ್ತಿದ್ದಂತೆ ಜಿಲ್ಲಾ ರಾಜಕೀಯ ವಲಯದಲ್ಲಿ ಸಂಚಲನ ಸೃಷ್ಟಿಯಾಯಿತು.

ಈ ಸ್ಫೋಟಕ ಆಡಿಯೋ ಬಾಂಬ್​ ಸುದ್ದಿವಾಹಿನಿ, ಜಾಲತಾಣಗಳಲ್ಲಿಯು ಕಾಡ್ಗಿಚ್ಚಿನಂತೆ ಹರಡಿತು. ಇದರ ಬೆನ್ನಲ್ಲೇ ಮಧ್ಯಾಹ್ನ 1.30ಕ್ಕೆ ಪ್ರವಾಸಿಮಂದಿರಕ್ಕೆ ದೌಡಾಯಿಸಿದ ಬಿಜೆಪಿ ಶಾಸಕ ಬಿ.ಸುರೇಶಗೌಡ ತರಾತುರಿಯಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವರು ಆದ ಗೃಹ ಸಚಿವ ಡಾ.ಜಿ.ಪರಮೇಶ್ವರ್​ರನ್ನು ಭೇಟಿ ಮಾಡಿ, ಸೋಮವಾರದ ಪ್ರತಿಭಟನೆ ಹಿಂಪಡೆಯುವುದಾಗಿ ಪ್ರಕಟಿಸಿದರು. ಆಡಿಯೋ ನಂದೆ ಎಂದು ಒಪ್ಪಿಕೊಂಡ ಸುರೇಶಗೌಡರು, ಸಚಿವ ಪರಮೇಶ್ವರ್​ ಅವರು ಅನುದಾನ ಕೊಡಿಸುವ ಆಶ್ವಾಸನೆ ಕೊಟ್ಟಿರುವ ಹಿನ್ನೆಲೆ ಸಿಎಂ ವಿರುದ್ಧದ ಕಪು$್ಪಪಟ್ಟಿ ಪ್ರದರ್ಶನದ ಪ್ರತಿಭಟನೆ ಕೈಬಿಡಲಾಗಿದೆ. ಸರ್ಕಾರಿ ಕಾರ್ಯಕ್ರಮವಾಗಿರುವುದರಿಂದ ನಾನು ಭಾಗಿಯಾಗುತ್ತಿದ್ದು ನಮ್ಮ ಕಾರ್ಯಕರ್ತರಿಗೆ ಯಾರು ಕಪು$್ಪಪಟ್ಟಿ ಪ್ರದರ್ಶಿಸಿ, ಪ್ರತಿಭಟಿಸಿದಂತೆ ಕರೆಕೊಡುವುದಾಗಿ ಹೇಳಿ, ಆ ಮೂಲಕ ಸಿಎಂ ವಿರುದ್ಧ ಹೋರಾಟಕ್ಕೆ ಇತಿಶ್ರೀ ಹಾಡಿದರು.