ಡ್ರೀಮ್ ಹೌಸ್ (ಕನಸಿನ ಮನೆ) ಸ್ಪರ್ಧೆ: ಅಚ್ಚುಕಟ್ಟಾದ, ಸೊಗಸಾದ ಮನೆ ನಿರ್ಮಾಣ ಮಹಿಳೆಯರಿಗೆ ಅತಿ ದೊಡ್ಡ ಕನಸು. ಮನೆಯ ಒಪ್ಪ ಓರಣ, ಅಂದ ಚಂದದ ನಿರ್ವಹಣೆಯಲ್ಲಿ ಮಹಿಳೆಯರೇ ಮುಂಚೂಣಿಯಲ್ಲಿರುತ್ತಾರೆ. ಈ ಹಿನ್ನೆಲೆಯಲ್ಲಿ ಕನಸಿನ ಮನೆಯ ಮಾದರಿ ನಿರ್ಮಿಸುವ ಸ್ಪರ್ಧೆಯನ್ನು ಮಹಿಳೆಯರಿಗೆ ಆಯೋಜಿಸಲಾಗಿದೆ. ಈ ಸ್ಪರ್ಧೆಯಲ್ಲಿ 2*2 ಚದರ ಅಡಿ ಮನೆ ನಿರ್ಮಿಸಬೇಕು. ಕಾರ್ಡ್ಬೋರ್ಡ್, ಫೋಮ್, ಥರ್ಮಾಕೋಲ್, ಕಾಟನ್ ಬಾಕ್ಸ್, ಪ್ಲಾಸ್ಟಿಕ್ ಸಹಾಯದಿಂದ ಸ್ಥಳದಲ್ಲಿಯೇ ತಯಾರಿಸಬೇಕು. ಈ ವಸ್ತುಗಳನ್ನು ಸ್ಪರ್ಧಾಳುಗಳೇ ತರಬೇಕು. ಸ್ಪರ್ಧೆಯಲ್ಲಿ ಗರಿಷ್ಠ 50 ಜನರಿಗೆ ಪ್ರವೇಶ ಅವಕಾಶವಿದೆ. ಮಾ. 7ರಂದು ಬೆಳಗ್ಗೆ 10 ಗಂಟೆಗೆ ಈ ಸ್ಪರ್ಧೆ ನಡೆಯಲಿದೆ.
