ಮಂಜೇಶ್ವರ ತಾಲೂಕಿನ ಕುಡಾಲ್ಮೇರ್ಕಳ ಗ್ರಾಮದ ಸರ್ವೇ ನಂಬರ್ 25/1ಎ2ಬಿಯಲ್ಲಿ ಒಳಗೊಂಡ 2.2 ಎಕರೆ ಜಾಗವನ್ನು ಕುಡಾಲುಮೇರ್ಕಳ ಚೇವಾರು ನಿವಾಸಿ ಮಹಮ್ಮದ್ಕುಞಿ ಎಂಬುವರಿಗೆ 1982ರಲ್ಲಿ ವಿಂಗಡಿಸಿ ನೀಡಿರುವ ಬಗ್ಗೆ ನಕಲಿ ದಾಖಲೆ ತಯಾರಿಸಿರುವುದಾಗಿ ವಿಜಿಲೆನ್ಸ್ ನಿರ್ದೇಶಕರಿಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿತ್ತು. ನಿವೃತ್ತ ಯೋಧರಿಗೆ ಮೀಸಲಿರಿಸಿದ ಜಾಗ ಇದಾಗಿದ್ದು, ಇಲ್ಲಿ ನಿವೃತ್ತ ಯೋಧರಿಗೆ ಜಾಗ ಮಂಜೂರಾಗಿಲ್ಲ ಎಂಬುದು ಖಚಿತವಾಗಿತ್ತು. ಆದರೆ ಈ ಜಾಗವನ್ನು ನಕಲಿ ದಾಖಲೆ ನಿರ್ಮಿಸಿ ತಮ್ಮದಾಗಿಸಿಕೊಂಡು, ಈ ಜಾಗವನ್ನು ಬೇರೆ ವ್ಯಕ್ತಿಗಳಿಗೆ ಮಾರಾಟ ಮಾಡುವುದನ್ನು ಪತ್ತೆಹಚ್ಚಲಾಗಿತ್ತು. ಈ ಬಗ್ಗೆ ನೀಡಿದ ದೂರನ್ನು ಅಧಿಕಾರಿ ವಲಯ ಕಡೆಗಣಿಸಿರುವುದಾಗಿಯೂ ದೂರಲಾಗುತ್ತಿದೆ. ಮಹಮ್ಮದ್ಕುಞಿ ಅವರನ್ನು ಕೊಲೆಗೆ ಯತ್ನಿಸಿದ ತಂಡದಲ್ಲಿ ಮರಳುಮಾಫಿಯಾಗೆ ಸೇರಿದ ವ್ಯಕ್ತಿಯೂ ಒಳಗೊಂಡಿದ್ದಾನೆನ್ನಲಾಗಿದೆ.
