ಹಫ್ತಾ ನೀಡದ ಬಾರ್ ಮ್ಯಾನೇಜರ್ ಮೇಲೆ ಹಲ್ಲೆ; ತಪ್ಪಿಸಲು ಬಂದವರಿಗೂ ಥಳಿತ..

ಉಡುಪಿ: ದೊಡ್ಡ ನಗರಗಳಲ್ಲಿ ನಡೆಯುವಂಥ ಹಫ್ತಾ ವಸೂಲಿ ಇದೀಗ ಸಣ್ಣ ಪಟ್ಟಣಗಳಿಗೂ ಕಾಲಿಟ್ಟಿದ್ದು, ಬಾರ್​ವೊಂದರಲ್ಲಿ ಹಫ್ತಾ ನೀಡದ್ದಕ್ಕೆ ಮ್ಯಾನೇಜರ್ ಮೇಲೆ ಗಂಭೀರವಾಗಿ ಹಲ್ಲೆ ಮಾಡಲಾಗಿದೆ. ಉಡುಪಿ ಜಿಲ್ಲೆಯ ಬೈಂದೂರು ತಾಲೂಕಿನಲ್ಲಿ ಇಂಥದ್ದೊಂದು ಪ್ರಕರಣ ನಡೆದಿದೆ.

ಬೈಂದೂರು ಸಮೀಪದ ಶಿರೂರಿನ ನೀರ್ಗದ್ದೆಯ ಸಿಲ್ವರ್ ಆರ್ಚ್​ ಫ್ಯಾಮಿಲಿ ಬಾರ್ ಆ್ಯಂಡ್​ ರೆಸ್ಟೋರೆಂಟ್​​ನ ಮ್ಯಾನೇಜರ್ ಅಶ್ವಿಜ್ ಶೆಟ್ಟಿ ಹಲ್ಲೆಗೀಡಾದ ವ್ಯಕ್ತಿ. ಇವರ ಮೇಲೆ ಸ್ಥಳೀಯರಾದ ಕಿರಣ್ ಪೂಜಾರಿ ಮತ್ತು ಅಶೋಕ್ ಹಲ್ಲೆ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.

ಇದನ್ನೂ ಓದಿ: ಯೂಟ್ಯೂಬ್ ವಿಡಿಯೋ ನೋಡಿ ಚಿನ್ನದಂಗಡಿಗೆ ಕನ್ನ; ಆಭರಣ ಮಳಿಗೆಯಲ್ಲಿ 1.315 ಕೆಜಿ ಚಿನ್ನ ಕದ್ದಿದ್ದ ಮೂವರ ಬಂಧನ

ಹಫ್ತಾ ನೀಡುವಂತೆ ಬಾರ್ ಮ್ಯಾನೇಜರ್​ಗೆ ಬೆದರಿಕೆ ಒಡ್ಡಿದ ಆರೋಪಿಗಳು ಬಳಿಕ ಗಂಭೀರವಾಗಿ ಹಲ್ಲೆ ನಡೆಸಿದ್ದಾರೆ. ಈ ಸಂದರ್ಭದಲ್ಲಿ ಮ್ಯಾನೇಜರ್ ರಕ್ಷಣೆಗೆ ಧಾವಿಸಿದ ಅಣ್ಣಪ್ಪ ಶೆಟ್ಟಿ, ರವಿ ಶೆಟ್ಟಿ, ಪ್ರಶಾಂತ್ ಶೆಟ್ಟಿ, ಅಕ್ಷಯ ಆಚಾರ್ಯ ಅವರಿಗೂ ಗಾಯಗಳಾಗಿವೆ. ಗಾಯಾಳುಗಳನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಬೈಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/devotee-died-in-the-premise-of-temple-after-fulfilling-offerings/

https://www.vijayavani.net/vittal-malekudiya-and-his-father-is-innocent-told-court-judgement/

https://www.vijayavani.net/youth-fought-for-a-girl-and-stabbed-a-student-police-arrested-2-accused/