ಮನೆಯಲ್ಲಿ ಕಳವು ಮಾಡಿದ್ದ ಇಬ್ಬರು ಗಾರೆ ಕೆಲಸದವರ ಬಂಧನ

ಕನಕಪುರ: ನಗರದ ಬಸವೇಶ್ವರ ಬಡಾವಣೆಯಲ್ಲಿ ಶನಿವಾರ ಇಬ್ಬರು ಕಳ್ಳರನ್ನು ಬಂಧಿಸಿರುವ ಪೊಲೀಸರು 17 ಲಕ್ಷ ರೂ. ಮೌಲ್ಯದ ಚಿನ್ನದ ಒಡವೆ, ಬೆಳ್ಳಿ ವಸ್ತುಗಳು ಹಾಗೂ ಒಂದು ಬೈಕ್​ ವಶಪಡಿಸಿಕೊಂಡಿದ್ದಾರೆ.

ಶಿವಮೊಗ್ಗ ಮೆಹೆಂದಿ ನಗರದ ಗಾರೆ ಕೆಲಸದ ಮಹಮ್ಮದ್​ ಅಲೀ (30), ಬೆಂಗಳೂರಿನ ನೀಲಸಂದ್ರದ ಮುನಿಸ್ವಾಮಿ ಲೇಔಟ್​ನ ಮಜಾದ್​ ಅಲೀ (44) ಬಂಧಿತರು.

ಬಸವೇಶ್ವರ ಬಡಾವಣೆಯಲ್ಲಿ ಮೇ 15ರಂದು ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಆರೋಪಿಗಳು 4 ಕಡೆ ಕಳ್ಳತನ ಮಾಡಿ ತಲೆಮರೆಸಿಕೊಂಡಿದ್ದರು. ಪ್ರಕರಣ ದಾಖಲಿಸಿಕೊಂಡಿದ್ದ ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆಬೀಸಿದರು.

ಎಸ್​ಪಿ ಕಾರ್ತಿಕ್​ ರೆಡ್ಡಿ ಹಾಗೂ ಎಎಸ್​ಪಿ ಸುರೇಶ್​ ಮಾರ್ಗದರ್ಶನದಲ್ಲಿ ಡಿವೈಎಸ್​ಪಿ ಓಂ ಪ್ರಕಾಶ್​, ಸರ್ಕಲ್​ ಇನ್​ಸ್ಪೆಕ್ಟರ್​ ಮಿನೂನ್​ ಶಿಲ್ಪಿ ನೇತೃತ್ವದಲ್ಲಿ ಎಸ್​ಐಗಳಾದ ಬೇಬಿ ಉಷಾ ಕುಮಾರಿ, ರತ್ನಮ್ಮ, ಸಿಬ್ಬಂದಿ ಶಿವಶಂಕರ, ರಮೇಶ್​, ರವಿ, ವಿಶ್ವಾಸ್​, ಅನಂತ್​ ಕುಮಾರ್​, ಮನು, ಶಿವರಾಜು, ಮೊನೀಷ, ಜೀಪ್​ ಚಾಲಕ ಶಂಕರಲಿಂಗಯ್ಯ ಭಾಗವಹಿಸಿದ್ದರು.