ಹೇರೂರು ನಿವಾಸಿ ಸೈಫುದ್ದೀನ್ ಎಂಬುವರ ದೂರಿನ ಮೇರೆಗೆ ಅವರನ್ನು ಬಂಧಿಸಲಾಗಿದೆ. ಒಂದು ತಿಂಗಳ ಹಿಂದೆ ಇವರಿಬ್ಬರು ಸೈಫುದ್ದೀನ್ ಮನೆಗೆ ಕೆಲಸಕ್ಕೆ ಆಗಮಿಸಿದ್ದ ಸಂದರ್ಭ ಒಂದು ಮೊಬೈಲ್ ಕಳವಿಗೀಡಾಗಿದ್ದು, ಈ ಬಗ್ಗೆ ಯಾವುದೇ ದೂರು ನೀಡಿರಲಿಲ್ಲ. ನಂತರ ಇವರಿಬ್ಬರೂ ಆ.24ಹಾಗೂ 25ರಂದು ಕೆಲಸಕ್ಕೆ ಆಗಮಿಸಿದ್ದ ಸಂದರ್ಭ ಮನೆಯಿಂದ ಮೂರೂ ಮುಕ್ಕಾಲು ಪವನಿನ ಚಿನ್ನಾಭರಣ, ಬೆಲೆಬಾಳುವ ಮೊಬೈಲ್ ಹಾಗೂ ಸ್ಮಾರ್ಟ್ ವಾಚ್ ನಾಪತ್ತೆಯಾಗಿತ್ತು. ಎರಡನೇ ಬಾರಿಗೆ ಮನೆಕೆಲಸಕ್ಕೆ ಬಂದಿದ್ದಾಗ ಕಳವಾಗಿರುವುದರಿಂದ ಇಬ್ಬರು ಯುವತಿಯರ ಮೇಲೆ ಸಂಶಯ ಮೂಡಿದ್ದು, ಗುರುವಾರ ಮತ್ತೆ ಅವರನ್ನು ಕೆಲಸಕ್ಕೆಂದು ಕರೆಸಿ, ಮನೆಯವರು ವಿಚಾರಿಸಿದಾಗ ಕಳವುಗೈದಿರುವ ಬಗ್ಗೆ ಮಾಹಿತಿ ನೀಡಿದ್ದರು. ತಕ್ಷಣ ಕುಂಬಳೆ ಠಾಣೆ ಪೊಲೀಸರಿಗೆ ಮಾಹಿತಿ ನೀಡಿದ್ದರು.
