ಆರ್.ಆರ್.ವಲಯಕ್ಕೆ ನೋಡಲ್ ಅಧಿಕಾರಿಗಳ ನೇಮಕ: ನೀರಿನ ಸಮಸ್ಯೆ ಇದ್ದರೆ ಕರೆ ಮಾಡಿ

ಬೆಂಗಳೂರು:ನೀರಿನ ಸಮಸ್ಯೆ ಬಗೆಹರಿಸುವ ನಿಟ್ಟಿನಲ್ಲಿ ರಾಜರಾಜೇಶ್ವರಿ ವಲಯದ 14 ವಾರ್ಡ್‌ಗಳಿಗೆ ಪಾಲಿಕೆ ಮತ್ತು ಜಲ ಮಂಡಳಿಯಿಂದ ನೋಡಲ್ ಅಧಿಕಾರಿಗಳನ್ನು ನೇಮಿಸಿ ಬಿಬಿಎಂಪಿ ಆದೇಶಿಸಿದೆ.

ಜಾಲಹಳ್ಳಿ, ಜೆ.ಪಿ.ಪಾರ್ಕ್, ಯಶವಂತಪುರ, ಹೆಚ್‌ಎಂಟಿ, ಲಕ್ಷ್ಮೀದೇವಿನಗರ, ಕೊಟ್ಟಿಗೇಪಾಳ್ಯ, ಲಗ್ಗೆರೆ, ಜ್ಞಾನಭಾರತಿ, ಆರ್.ಆರ್.ನಗರ, ದೊಡ್ಡಬಿದರಕಲ್ಲು, ಹೇರೋಹಳ್ಳಿ, ಉಲ್ಲಾಳು, ಕೆಂಗೇರಿ, ಹೆಮ್ಮಿಗೇಪುರ ವಾರ್ಡ್‌ಗಳಿಗೆ ನೇಮಕವಾಗಿರುವ ನೋಡಲ್ ಅಧಿಕಾರಿಗಳು, ಸಾರ್ವಜನಿಕರು, ಸಂಘ-ಸಂಸ್ಥೆಗಳಿಂದ ದೂರು ಬಂದ ತಕ್ಷಣ ಜಲಮಂಡಳಿ ಅಭಿಯಂತರರೊಂದಿಗೆ ಸಮನ್ವಯ ಹೊಂದಿ ನೀರಿನ ಸಮಸ್ಯೆ ಬಗೆಹರಿಸಬೇಕು. ಬೋರ್‌ವೆಲ್‌ಗಳಲ್ಲಿ ನೀರಿಲ್ಲದ ಕಡೆ ನೀರಿನ ಟ್ಯಾಂಕರ್‌ಗಳ ಮೂಲಕ ಸರಬರಾಜು ಮಾಡಲು ಅಗತ್ಯ ಕ್ರಮ ಕೈಗೊಳ್ಳಬೇಕು. ನೋಡಲ್ ಅಧಿಕಾರಿಗಳ ಮೇಲುಸ್ತುವಾರಿ ನೋಡಿಕೊಳ್ಳಲು ಆರ್.ಆರ್.ನಗರದ ಮುಖ್ಯ ಅಭಿಯಂತರ ರಾಘವೇಂದ್ರ ಪ್ರಸಾದ್ ಅವರಿಗೆ ವಹಿಸಲಾಗಿದೆ ಎಂದು ಆರ್.ಆರ್.ನಗರ ವಲಯದ ಜಂಟಿ ಆಯುಕ್ತರು ತಿಳಿಸಿದ್ದಾರೆ.

ನಿಯಮ ಉಲ್ಲಂಘಿಸುತ್ತಿರುವ ಟ್ಯಾಂಕರ್‌ಗಳು:

ಪ್ರತ್ಯೇಕ ದರಪಟ್ಟಿ ನಿಗದಿಪಡಿಸಿ ರಾಜ್ಯ ಸರ್ಕಾರ ಹೊರಡಿಸಿರುವ ಆದೇಶವನ್ನು ನೀರು ಸರಬರಾಜು ಮಾಡುವ ಖಾಸಗಿ ವಾಟರ್ ಟ್ಯಾಂಕರ್‌ಗಳ ಮಾಲೀಕರು ಉಲ್ಲಂಸುತ್ತಿದ್ದಾರೆ. ರಾಜಧಾನಿಯಲ್ಲಿ ಜಲಕ್ಷಾಮವನ್ನೇ ಮುಂದಿಟ್ಟುಕೊಂಡು ಮಾಲೀಕರು, ಮನಬಂದಂತೆ ಹಣ ಸುಳಿಗೆ ಮಾಡುತ್ತಿದ್ದಾರೆ. 5 ಕಿ.ಮೀ.ವ್ಯಾಪ್ತಿಯಲ್ಲಿ ನೀರು ಸರಬರಾಜು ಮಾಡುವ 6 ಸಾವಿರ ಲೀ.ಸಾಮರ್ಥ್ಯದ ವಾಟರ್ ಟ್ಯಾಂಕರ್‌ಗೆ 600 ರೂ., 8 ಸಾವಿರ ಲೀ. ಸಾಮರ್ಥ್ಯದ ವಾಟರ್ ಟ್ಯಾಂಕರ್‌ಗೆ 700 ರೂ ಹಾಗೂ 12 ಸಾವಿರ ಲೀ.ಸಾಮರ್ಥ್ಯದ ವಾಟರ್ ಟ್ಯಾಂಕರ್‌ಗೆ ಒಂದು ಸಾವಿರ ರೂ.ನಿಗದಿಪಡಿಸಲಾಗಿದೆ. 5 ಕಿ.ಮೀ.ನಿಂದ 10 ಕಿ.ಮೀ.ವರೆಗೆ 6 ಸಾವಿರ ಲೀ.ಗೆ 750 ರೂ, 8 ಸಾವಿರ ಲೀ.ಗೆ 850 ರೂ ಹಾಗೂ 12 ಸಾವಿರ ಲೀ.ಗೆ 1,200 ರೂ.ನಿಗದಿಗೊಳಿಸಲಾಗಿದೆ. ಒಂದು ತಿಂಗಳವರೆಗೆ ಪ್ರತಿ ನಿತ್ಯ ಸರಬರಾಜು ಮಾಡುವ ವಾಟರ್ ಟ್ಯಾಂಕ್‌ಗೆ 510 ರೂ ಹಾಗೂ 5 ಕಿ.ಮೀ.ನಿಂದ 10 ಕಿ.ಮೀ.ವರೆಗೆ ನೀರು ಸರಬರಾಜು ಮಾಡುವ ಟ್ಯಾಂಕರ್‌ಗೆ 650 ರೂ.ನಿಗದಿಪಡಿಸಲಾಗಿದೆ. 8 ಸಾವಿರ ಲೀ.ನಿಂದ 12 ಸಾವಿರ ಲೀ.ವರೆಗಿನ ಪ್ರತಿ ಕಿಲೋ ಲೀಟರ್‌ಗೆ 50 ರೂ.ಪಾವತಿಸಬೇಕು ಬೆಂಗಳೂರು ನಗರ ಜಿಲ್ಲಾಧಿಕಾರಿ ಕೆ.ಎ. ದಯಾನಂದ ಗುರುವಾರ ಆದೇಶ ಹೊರಡಿಸಿದ್ದರು. ಆದರೆ, ಪ್ರತಿ ಟ್ಯಾಂಕ್‌ಗೆ ಕನಿಷ್ಠ 2 ಸಾವಿರ ರೂ.ನಿಂದ ಹಿಡಿದು ಗರಿಷ್ಠ 5 ಸಾವಿರ ರೂ.ವರೆಗೆ ವಸೂಲಿ ಮಾಡುತ್ತಿದ್ದಾರೆ. ಸರ್ಕಾರದ ಹೊರಡಿಸಿರುವ ದರಪಟ್ಟಿ ಬಗ್ಗೆ ಪ್ರಶ್ನಿಸಿದರೆ ಉಡಾಫೆ ಉತ್ತರ ನೀಡುತ್ತಾರೆ. ವಿಧಿಯಿಲ್ಲದೆ ನೀರಿಗಾಗಿ ಹೆಚ್ಚು ಹಣ ಕೊಡಬೇಕಿದೆ ಎಂದು ನಾಗರಬಾವಿ ನಿವಾಸಿಯೊಬ್ಬರು ಬೇಸರ ವ್ಯಕ್ತಪಡಿಸಿದರು.

ಜಿಲ್ಲೆಯಲ್ಲಿ ಅಪಘಾತಗಳ ಸಂಖ್ಯೆಗೆ ಕಡಿವಾಣ ಹಾಕಿ

ಸಹಾಯವಾಣಿ ಆರಂಭ:

ಬಿಬಿಎಂಪಿ ಹೊರ ವಲಯ ವ್ಯಾಪ್ತಿಯ 35 ವಾರ್ಡ್‌ಗಳಲ್ಲಿ ಬರುವ 110 ಹಳ್ಳಿಗಳಲ್ಲಿ ನೀರಿನ ಸಮಸ್ಯೆ ಬಗೆಹರಿಸುವ ಸಲುವಾಗಿ ಪಾಲಿಕೆ ಕೇಂದ್ರ ಕಚೇರಿಯಲ್ಲಿ ನಿಯಂತ್ರಣ ಕೊಠಡಿ ಸ್ಥಾಪಿಸಲಾಗಿದೆ. 1533 ಸಹಾಯವಾಣಿಗೆ ಕರೆ ಮಾಡಿ ಸಮಸ್ಯೆ ಕುರಿತು ಜನರು ಮಾಹಿತಿ ನೀಡಬಹುದು. ಈ ಸಮಸ್ಯೆ ಆಲಿಸಲು ಪ್ರತ್ಯೇಕ ಮೇಲುಸ್ತುವಾರಿಗಾಗಿ ದಾಸರಹಳ್ಳಿ ವಲಯದ ಕಾರ್ಯಪಾಲಕ ಅಭಿಯಂತರ ಧರಣೇಂದ್ರ ಕುಮಾರ್ ಅವರನ್ನು ನೋಡಲ್ ಅಧಿಕಾರಿಯಾಗಿ ನಿಯೋಜಿಸಲಾಗಿದೆ.ಬಿಬಿಎಂಪಿ ವ್ಯಾಪ್ತಿಯ ಇನ್ನುಳಿದ ವಾರ್ಡ್‌ಗಳಲ್ಲಿ ಕಂಡುಬರುವ ಕುಡಿಯುವ ನೀರಿನ ಸಮಸ್ಯೆ ಕುರಿತು ಬೆಂಗಳೂರು ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿಯ 1916 ಸಹಾಯವಾಣಿಗೆ ಕರೆ ಮಾಡಬಹುದು.

ವಾರ್ಡ್ ಪಾಲಿಕೆ ಅಧಿಕಾರಿ ಹೆಸರು ಜಲಮಂಡಳಿ ಅಧಿಕಾರಿ ಹೆಸರು

ಜಾಲಹಳ್ಳಿ     ಡಿ.ಹನುಮಂತರಾಯ,       ನಾಗರಾಜು

81050 05285       96864 48013

ಜೆ.ಪಿ.ಪಾರ್ಕ್    ವಿಘ್ನೇಶ್ವರ್,​             ಲಕ್ಷ್ಮೀನರಸಿಂಹಯ್ಯ

82770 32015                      98454 44495

ಯಶವಂತಪುರ ಅರುಣ್‌ಕುಮಾರ್,         ಕೆ.ಎಸ್.ಕಿಶೋರ್

94488 82642                     82172 96837

ಎಚ್‌ಎಂಟಿ        ರಮೇಶ್                  ಕಾರ್ತಿಕ್

94807 35211                     70263 28863

ಲಕ್ಷ್ಮೀದೇವಿನಗರ ವರನಾರಾಯಣ            ತೇಜಸ್

90667 45942                     97409 84166

ಲಗ್ಗೆರೆ        ಬಿ.ಕೆ.ದಿನೇಶ್‌ಕುಮಾರ್      ಎಸ್.ನಂದೀಶ್ ಕುಮಾರ್

94487 19897                    96324 35522

ಕೊಟ್ಟಿಗೇಪಾಳ್ಯ   ಆರೀಫ್​                   ವಿ.ಹರ್ಷ

99002 60607                    99865 55502

ಜ್ಞಾನಭಾರತಿ     ಮಧು                    ಎಂ.ಎಸ್.ವಿಶ್ವನಾಥ್

81473 51991                     99006 29915

ಆರ್.ಆರ್.ನಗರ   ದೀಪಕ್                    ವಿಶ್ವನಾಥ್

8147351991                      99006 29915

ಹೇರೋಹಳ್ಳಿ        ಬಿ.ರಮೇಶ್                 ಸುಧಾ

94806 88224                 95351 82299

ಉಲ್ಲಾಳ್         ಸಿದ್ದರಾಜೇಗೌಡ               ಚಂದನ

99808 06986                95352 52015

ಕೆಂಗೇರಿ         ಗುರುಪ್ರಸಾದ್             ರಾಹುಲ್ ರಥೋಡ್

99862 38606         70262 66677

ಹೆಮ್ಮಿಗೇಪುರ ಸಾಮಂದಯ್ಯ

99866 93857