ದೇಶದ ಸಂಪತ್ತು ಹೇಗೆ ಸಂರಕ್ಷಣೆ ಮಾಡಿಕೊಳ್ಳಬೇಕು ಹಾಗೂ ನದಿಗಳ ನೀರನ್ನು ಹೇಗೆ ಬಳಕೆ ಮಾಡಿಕೊಳ್ಳಬೇಕು ಎನ್ನುವ ಜ್ಞಾನವು ಅವರಲ್ಲಿತ್ತು. ಆ ಕಾರಣಕ್ಕಾಗಿಯೇ ಅವರು ನದಿ ಜೋಡಣೆ ಮತ್ತು ಡ್ಯಾಂಗಳಿಗೆ ಆಧ್ಯತೆ ನೀಡಿದ್ದರು. ಅಂತಹ ಜ್ಞಾನಿಯ ಮಕ್ಕಳಾದ ನಾವುಗಳು ಒಳ್ಳೆಯ ಓದಿಗೆ ಹೆಚ್ಚಿನ ಗಮನ ಹರಿಸಬೇಕು. ಡಾ.ಬಾಬಾ ಸಾಹೇಬರ ವಿಚಾರಗಳು ಮರೆಮಾಚಲಾಗುತ್ತಿದೆ. ದೇಶ ಯಾವ ಕಡೆಗೆ ಸಾಗುತ್ತಿದೆ ಎನ್ನುವುದನ್ನು ಅರ್ಥ ಮಾಡಿಕೊಂಡು ಯುವ ಪೀಳಿಗೆ ಹೆಜ್ಜೆ ಇಡಬೇಕಾಗಿದೆ. ದೇಶದ ಸಂವಿಧಾನ ರಚಿಸುವುದರ ಮೂಲಕ ದೇಶದ ಎಲ್ಲ ಜಾತಿ ಧರ್ಮ ವರ್ಗದ ಜನರಿಗೆ ನ್ಯಾಯ ಒದಗಿಸಿದ್ದಾರೆ. ಬಾಬಾ ಸಾಹೇಬರ ಹಾದಿಯಲ್ಲಿ ನಡೆಯುತ್ತಿರುವ ನಾವುಗಳು ಮೌಢ್ಯತೆಯಿಂದ ಹೊರಬರಬೇಕು ಎಂದರು.
