ಉಡುಪಿ ಜಿಲ್ಲೆಯಲ್ಲಿ 38 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಭತ್ತ ಉತ್ಪಾದನೆ ಗುರಿ ಇದ್ದು, ಕಳೆದ ಬಾರಿ ಕೂಡ ಇಷ್ಟೇ ಇತ್ತು. ಉಡುಪಿ 17,650, ಕುಂದಾಪುರ 13,250, ಕಾರ್ಕಳ 7,100 ಹೆಕ್ಟೇರ್ ಭತ್ತ ಕೃಷಿ ಗುರಿ ಹೊಂದಿದ್ದು, ಎಂ-4 ಹೆಚ್ಚು ವಿತರಣೆಯಾದ ಭತ್ತದ ಬೀಜ. ಜಿಲ್ಲೆಯಲ್ಲಿ 2,500 ಕ್ವಿಂಟಾಲ್ ಬಿತ್ತನೆ ಬೀಜಕ್ಕೆ ಬೇಡಿಕೆ ಇದ್ದು, 1,914 ಕ್ವಿಂಟಾಲ್ ಬಿತ್ತನೆ ಬೀಜ ವಿತರಿಸಲಾಗಿದೆ. 1,085 ಕ್ವಿಂಟಾಲ್ ಬಿತ್ತನೆ ಬೀಜ ದಾಸ್ತಾನು ಇದೆ. ಕೋಟ, ಬ್ರಹ್ಮಾವರ, ಉಡುಪಿ, ಕುಂದಾಪುರ, ಬೈಂದೂರು, ವಂಡ್ಸೆ ರೈತ ಸೇವಾ ಕೇಂದ್ರಗಳಲ್ಲಿ ಬಿತ್ತನೆ ಬೀಜ ಲಭ್ಯವಿದೆ. ಕೆ.ಜಿ.ಗೆ 45.75 ರೂ. ನಿಗದಿಪಡಿಸಲಾಗಿದೆ. ಸಾಮಾನ್ಯ 8 ರೂ. ಹಾಗೂ ಎಸ್ಸಿ-ಎಸ್ಟಿಗೆ 12 ರೂ. ಸಬ್ಸಿಡಿ ಇದೆ. ಹಸುರೆಲೆ ಗೊಬ್ಬರ, ಡಿಎಪಿ, ಎಂಒಪಿ, ಎನ್ಪಿಕೆ ಕಾಂಪ್ಲೆಕ್ಸ್ ಹಾಗೂ ಯೂರಿಯಾ ಸೇರಿ 1,380 ಟನ್ ವಿವಿಧ ರಸಗೊಬ್ಬರ ಇಲಾಖೆ ಬಳಿ ಸ್ಟಾಕ್ ಇದೆ. ಜ್ಯೋತಿ, ಜಯ ತಳಿ ಬೀಜಗಳು ಲಭ್ಯ ಎಂದು ಕೃಷಿ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.
