ತಾಲೂಕಿನ ಚಿಕ್ಕಬಾಸೂರು, ಘಾಳಪೂಜಿ, ಸೂಡಂಬಿ, ಹಿರೇಅಣಜಿ, ಕುಮ್ಮೂರು, ಮುತ್ತೂರು, ಕಾಗಿನೆಲೆ, ಕಲ್ಲೇದೇವರು, ತಡಸ ಸೇರಿದಂತೆ ವಿವಿಧ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಸುಮಾರು 500 ಹೆಕ್ಟೇರ್ ಪ್ರದೇಶದಲ್ಲಿ ಶುಂಠಿ ಬೆಳೆಯಲಾಗುತ್ತಿದೆ. ಶುಂಠಿ ಕೃಷಿಯಲ್ಲಿ ಹೊಲ ಸಮಗೊಳಿಸಲು, ಒಡ್ಡು ಹಾಕಲು, ನಾಟಿ ಮಾಡಲು ಹಾಗೂ ಇತ್ಯಾದಿ ನಿರ್ವಹಣೆಯ ಕೆಲಸಕ್ಕೆ ಕೂಲಿಗಾಗಿ ಹಣ ಹೆಚ್ಚು ವ್ಯಯವಾಗುತ್ತಿದೆ. ರೈತರಿಗೆ ಶುಂಠಿ ವಾಣಿಜ್ಯ ಬೆಳೆಯಾಗಿದೆ. ಕೂಡಲೆ ಜಿಲ್ಲಾ ಪಂಚಾಯಿತಿ ಸಿಇಒ ಹಾಗೂ ತೋಟಗಾರಿಕೆ ಜಿಲ್ಲಾ ನಿರ್ದೇಶಕರು ಶುಂಠಿಯ ಬೆಳೆ ಕಾಮಗಾರಿಯನ್ನು ಎನ್ಆರ್ಇಜಿಗೆ ಸೇರ್ಪಡೆಗೊಳಿಸಬೇಕು. ಈ ಕುರಿತು ಸರ್ಕಾರಕ್ಕೆ ಠರಾವು ಮಾಡಿ ಕಳುಹಿಸುವಂತೆ ಸೂಚಿಸಿದರು.
