ಜಯಕರ್ನಾಟಕ ಜನಪರ ವೇದಿಕೆ ರಾಜ್ಯ ಸಲಹೆಗಾರ ಕುಮಾರಸ್ವಾಮಿ ಮಾತನಾಡಿ, ಮೈಕ್ರೋ ಫೈನಾನ್ಸ್ ಸಂಸ್ಥೆಗಳು ಆರ್.ಬಿ.ಐ ನೀತಿ ನಿಯಮಗಳನ್ನು ಗಾಳಿಗೆ ತೂರಿ ವಸೂಲಾತಿ ಮಾಡುತ್ತಿದ್ದಾರೆ, ಅನೇಕ ಕುಟುಂಬಗಳ ಮೇಲೆ ಇವರಿಂದ ಅನೇಕ ಕಿರುಕುಳದ ದೂರುಗಳು ಬಂದಿವೆ, ಸರ್ಕಾರ ಮೈಕ್ರೋ ಪೈನಾನ್ಸ್ನ ಕಾನೂನಿಗೆ ಅಗತ್ಯ ತಿದ್ದುಪಡಿ ತರಬೇಕಿದೆ. ತಾಲೂಕಿನಲ್ಲಿ ಕೆಲಸ ನಿರ್ವಹಿಸುತ್ತಿರುವ ಫೈನಾನ್ಸ್ಗಳ ದಾಖಲಾತಿ ಬೈಲಾಗಳನ್ನು ಪರಿಶೀಲಿಸಬೇಕು, ಬಹುತೇಕ ವಸತಿ ಬಡಾವಣೆಯಲ್ಲಿಯೇ ಇವರು ಕೆಲಸ ನಿರ್ವಹಿಸುತ್ತಿರುವುದು ನಾಗರಿಕರಿಗೆ ಕಿರಿಕಿರಿಯಾಗುತ್ತಿರುವುದರಿಂದ ಇವರ ಉಪಟಳಕ್ಕೆ ಕಡಿವಾಣ ಹಾಕಬೇಕೆಂದು ಮನವಿ ಮಾಡಿದರು. 35 ವಿವಿಧ ಮೈಕ್ರೋ ಫೈನಾನ್ಸ್ನ ಸಿಬ್ಬಂದಿ, ಸಂಘ ಸಂಸ್ಥೆಗಳ ಪದಾಧಿಕಾರಿಗಳು ಇದ್ದರು.
