ದೇವರಾಯನದುರ್ಗದಲ್ಲಿ ಕಳೆಗಟ್ಟಿದ ಜಾತ್ರೆ ಸಡಗರ: ನಾಳೆ ಬ್ರಹ್ಮರಥೋತ್ಸವ

ತುಮಕೂರು: ಕರಿಗಿರಿ ಕ್ಷೇತ್ರ ದೇವರಾಯನದುರ್ಗದಲ್ಲಿ ಜಾತ್ರಾ ಮಹೋತ್ಸವ ಕಳೆಗಟ್ಟಿದ್ದು, ಲಕ್ಷ್ಮೀನರಸಿಂಹಸ್ವಾಮಿ ಬ್ರಹ್ಮರಥೋತ್ಸವ ಮಾ.17ರ ಮಧ್ಯಾಹ್ನ 1ಕ್ಕೆ ಜರುಗಲಿದೆ.

ಮಾ.16ರಂದು ಗರುಡವಾಹನ, ಗಜೇಂದ್ರ ಮೋಕ್ಷ, ನವಿಲುವಾಹನ ಹಾಗೂ ಮುತ್ತಿನ ಪಲ್ಲಕ್ಕಿ ಉತ್ಸವ, 17ರಂದು ಯಾತ್ರಾದಾನ ಹಾಗೂ ಬ್ರಹ್ಮರಥೋತ್ಸವ, 18ರಂದು ಸೂರ್ಯ ಮಂಡಲೋತ್ಸವ, ಬೆಳ್ಳಿ ಪಲ್ಲಕ್ಕಿ ಉತ್ಸವ ಹಾಗೂ ಅಶ್ವವಾಹನೋತ್ಸವ, 19ರಂದು ತೀರ್ಥಸ್ನಾನ, ಉಯ್ಯಾಲೋತ್ಸವ, ಧ್ವಜಾವರೋಹಣ, ಚಿತ್ರಗೋಪುರೋತ್ಸವ ಹಾಗೂ ಜಲಕ್ರೀಡೆ ಉತ್ಸವ, 20ರಂದು ದವನೋತ್ಸವ, 21ರಂದು ಉಯ್ಯಾಲೆ ಉತ್ಸವ, ಕುಂಭಿಬೆಟ್ಟದಲ್ಲಿ (ಪ್ರಾಕಾರೋತ್ಸವ) ಹಾಗೂ ಪ್ರಸಾದ ವಿನಿಯೋಗ, ಹನುಮಂತೋತ್ಸವ ಹಾಗೂ ಶಯನೋತ್ಸವ, 22ರಂದು ಮಹಾಭಿಷೇಕ ಹಾಗೂ ಗರುಡೋತ್ಸವ ನಡೆಯಲಿವೆ.

16, 17, 18ರಂದು ಬಾಲ ಸಂತರ್ಪಣೆ ನಡೆಯಲಿದೆ. ಸಮಸ್ತ ಕೋಮಿನವರಿಗೂ ಹರಿಸೇವೆ, ದಾಸೋಹ ಸಂತರ್ಪಣೆ ಏರ್ಪಡಿಸಲಾಗಿದ್ದು, ರಥೋತ್ಸವದ ದಿನ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಲಿವೆ. ಪ್ರತಿದಿನ ಸಂಜೆ 6 ರಿಂದ 8ರವರೆಗೆ ಉಯ್ಯಾಲೋತ್ಸವ ಸೇವೆ ನಡೆಯಲಿದೆ ಎಂದು ಲಕ್ಷ್ಮೀನರಸಿಂಹ ಸ್ವಾಮಿ ದೇವಸ್ಥಾನದ ಕಾರ್ಯನಿರ್ವಾಹಕ ಅಧಿಕಾರಿ ಎಸ್​.ಟಿ.ಸುನೀಲ್​ಕುಮಾರ್​ ತಿಳಿಸಿದ್ದಾರೆ.

https://www.vijayavani.net/a-sri-nanjanagudu-srikantheshwara-swamy-jatre/

https://www.vijayavani.net/a-pappa-im-very-fat-i-am-sorry-pappa/

https://www.vijayavani.net/a-hubli-love-jihad-case/

https://www.vijayavani.net/a-high-court-announces-historical-verdict-on-hijab-controversy/