ರಾಜಧಾನಿಯಲ್ಲಿ ಬಿರುಗಾಳಿಗೆ ಬಿದ್ದ ಮರ:ಮೂವರು ಪಾರು

ಬೆಂಗಳೂರು: ನಗರದ ವಿವಿಧ ಕಡೆಗಳಲ್ಲಿ ಶನಿವಾರ ಬಿರುಗಾಳಿಗೆ 18 ಮರ, 56 ಕೊಂಬೆಗಳು ಮುರಿದು ಬಿದ್ದಿವೆ. ಮೂವರಿಗೆ ಗಾಯವಾಗಿದ್ದು, ಅದೃಷ್ಟವಶಾತ್​ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ದ್ವಿಚಕ್ರ ಸೇರಿ ಹಲವು ವಾಹನಗಳು ಜಖಂಗೊಂಡಿವೆ. ರಿಚ್​ಮಂಡ್​ ರಸ್ತೆಯ ಮೆಹಕ್​ ಪಫ್ಯೂರ್ಮ್ಸ್​ ಅಂಡ್​ ಅಕ್ಸೆಸರೀಸ್​ ಕಟ್ಟಡ ಒಳಭಾಗದಲ್ಲಿ ಬೆಳೆದಿದ್ದ ಗುಲ್ಮರ್​ ಮರವು ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಆಟೋದ ಮೇಲೆ ಬಿದ್ದಿದೆ. ಶಕ್ತಿ ಗಣಪತಿನಗರ ನಿವಾಸಿ, ಚಾಲಕ ದಿವಾಕರ್​, ಪ್ರಯಾಣಿಕ ಸ್ಟಾಲಿನ್​ಗೆ ಗಾಯವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಮನೆಗೆ ತೆರಳಿದ್ದಾರೆ.

ಸುಂಕೇನಹಳ್ಳಿ ಉದ್ಯಾನದಲ್ಲಿ ಗಾಳಿ ರಭಸಕ್ಕೆ ಮರದ ಕೊಂಬೆಗಳು ರಸ್ತೆಯಲ್ಲಿ ಸಂಚರಿಸುತ್ತಿದ್ದ ದ್ವಿಚಕ್ರ ವಾಹನದ ಮುಂಭಾಗದ ಮೇಲೆ ಮುರಿದು ಬಿದ್ದಿರುವ ಪರಿಣಾಮ ಗಗನ್​ ಮತ್ತು ಅವರ ಪುತ್ರ ಯುವಗೆ ಸಣ್ಣ ಗಾಯವಾಗಿದೆ. ಗಾಯಾಳುಗಳಿಗೆ ಪಾಲಿಕೆಯಿಂದ ಶೇಖರ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗಿದೆ. ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಬಿನ್ನಿಮಿಲ್​ ಎಂಪ್ಲಾಯಿಸ್​ ಕಾಲನಿ, ಟೆಲಿಕಾಂ ಲೇಔಟ್​ನ ಅಂಬಾಭವಾನಿ ದೇವಸ್ಥಾನದ ಬಳಿ ಹಾಗೂ ಬಸವನಗುಡಿಯ ಸೌತ್​ಎಂಡ್​ ಸರ್ಕಲ್​ ರಸ್ತೆಯಲ್ಲಿ ರೆಂಬೆ ಬಿದ್ದ ರಭಸಕ್ಕೆ ವಾಹನಗಳು ಜಖಂಗೊಂಡಿದೆ. ಸಂಚಾರಿ ಪೋಲಿಸರ ಸಹಯೋಗದಲ್ಲಿ ಪಾಲಿಕೆ ಅರಣ್ಯ ಟಕ ವಿಭಾಗದ ಅಧಿಕಾರಿಗಳು ಮರ, ಮರದ ಕೊಂಬೆ ತೆರವುಗೊಳಿಸಿ ಸುಗಮ ಸಂಚಾರಕ್ಕೆ ಅವಕಾಶ ಮಾಡಿಕೊಟ್ಟಿದ್ದಾರೆ.

ವಲಯವಾರು ಮರ ಬಿದ್ದಿರುವ ವಿವರ

ವಲಯ            ಮರ ಬಿದ್ದಿರುವುದು

ಪಶ್ಚಿಮ                     9

ದಕ್ಷಿಣ                       3

ಪೂರ್ವ                     3

ಮಹದೇವಪುರ           1

ಯಲಹಂಕ                 1

ದಾಸರಹಳ್ಳಿ              1