ಎಂಬಿಎ ಪದವೀಧರ ಕಳ್ಳನಾದ! ವಿಚಾರಣೆ ವೇಳೆ ಬಾಯ್ಬಿಟ್ಟ ಸತ್ಯ ಕೇಳಿ ಪೊಲೀಸರೇ ಶಾಕ್​

ಬೆಂಗಳೂರು: ಓದಿದ್ದು ಎಂಬಿಎ. ಇಳಿದದ್ದು ಸರಗಳ್ಳತನಕ್ಕೆ! ಅರೆ, ಯಾವುದಾದರೂ ಕಂಪನಿಗೆ ಹೋಗಿ ಕೆಲಸ ಗಿಟ್ಟಿಸಿಕೊಂಡು ಜೀವನ ಮಾಡೋದನ್ನು ಬಿಟ್​ ಅದ್ಯಾಕೆ ಕಳ್ಳನಾದ? ಎಂಬ ಪ್ರಶ್ನೆ ಮೂಡದೆ ಇರದು.

ಹೌದು, ಆತ ಎಂಬಿಎ ಪದವೀಧರ. ಖಾಸಗಿ ಕಂಪನಿಯೊಂದರಲ್ಲಿ ಮ್ಯಾನೇಜರ್ ಆಗಿ ಕೆಲಸ ಕೂಡ ಮಾಡುತ್ತಿದ್ದ. ಆದರೀಗ ಸರಗಳ್ಳತನ ಕೇಸ್​ನಲ್ಲಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ! ಅವರ ಹೆಸರು ಶೇಖ್ ಗೌಸ್.

ಜಯನಗರದ ಪೂರ್ಣಿಮಾ ಕನ್ವೆನ್ಷನ್ ಹಾಲ್​ನಿಂದ ಬರುತ್ತಿದ್ದ ಮಹಿಳೆಯ ಸರ ಎಗರಿಸಿದ ಶೇಖ್​ ಗೌಸ್​ನನ್ನು ಪೊಲೀಸರು ಬಂಧಿಸಿದ್ದಾರೆ. ವಿಚಾರಣೆ ವೇಳೆ ಆರೋಪಿ ಬಾಯ್ಬಿಟ್ಟ ಸತ್ಯ ಕೇಳಿ ಪೊಲೀಸರೇ ಶಾಕ್​ ಆಗಿದ್ದಾರೆ.

"ಸರ್..ನಾನು ಎಂಬಿಎ ಪದವೀಧರ. ಕರೋನಾ ಲಾಕ್​ಡೌನ್​ ವೇಳೆ ನನ್ನನ್ನು ಕೆಲಸದಿಂದ ತೆಗೆದುಹಾಕಿದ್ರು. ನನಗೆ 35 ಸಾವಿರ ರೂಪಾಯಿ ಸಾಲ ಇದೆ. ಸಾಲಗಾರರ ಕಿರುಕುಳ ಹೆಚ್ಚಾಗಿತ್ತು. ಬೇರೆಡೆ‌‌ ಕೆಲಸಕ್ಕೆ ಟ್ರೈ ಮಾಡಿದರೂ ಸಿಗಲಿಲ್ಲ. ಕೊನೆಗೆ ಸರಗಳ್ಳತನಕ್ಕೆ ಮುಂದಾದೆ..." ಎಂದು ಆರೋಪಿ ಹೇಳಿದ್ದಾನೆ.

https://www.vijayavani.net/a-sisters-life-is-tragic-end-in-davanagere/

https://www.vijayavani.net/a-kerala-young-man-was-kidnapped-accusud-arrest-by-hassan-police/

https://www.vijayavani.net/a-dowry-casecomplaint-against-husband-and-father-in-law/