ಸಿಗರೇಟ್​ ಖರೀದಿಗೆ ಬಂದು ಮನೆಗೆ ಕನ್ನ ಹಾಕಿ ಸೆರೆಸಿಕ್ಕ!

ಬೆಂಗಳೂರು: ದಿನಸಿ ಅಂಗಡಿ ಮಾಲೀಕ ಊರಿಗೆ ಹೋಗುವ ವಿಷಯ ತಿಳಿದು ಅವರ ಮನೆ ಬೀಗ ಒಡೆದು ಚಿನ್ನಾಭರಣ ದೋಚಿದ್ದ ಆರೋಪಿಯನ್ನು ನಂದಿನಿ ಲೇಔಟ್​ ಪೊಲೀಸರು ಬಂಧಿಸಿದ್ದಾರೆ.

ಲಕ್ಷ್ಮಿದೇವಿನಗರದ ದಿಲೀಪ್​ ಅಲಿಯಾಸ್​ ಕುಟ್ಟಿ (21) ಬಂಧಿತ. 8.5 ಲಕ್ಷ ರೂ. ಮೌಲ್ಯದ 194 ಗ್ರಾಂ ಚಿನ್ನಾಭರಣ ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಲಗ್ಗೆರೆಯ ಪ್ರೀತಿನಗರದ ಭಾರತಿ ಎಂಬಾಕೆ ದಿನಸಿ ಅಂಗಡಿ ಇಟ್ಟುಕೊಂಡಿದ್ದರು. ಇವರ ಅಂಗಡಿಗೆ ದಿಲೀಪ್​, ಬಂದು ಹೋಗುತ್ತಿದ್ದ. ಸಿಗರೇಟ್​ ಸೇದುವ ಚಟವಿದ್ದ ಕಾರಣಕ್ಕೆ ದಿಲೀಪ್​ಗೆ ಅಂಗಡಿ ಮಾಲೀಕರು, ಊರಿಗೆ ಹೋಗುತ್ತಿದ್ದೆವೆ. ಅಗತ್ಯ ಇದ್ದರೇ ಹೆಚ್ಚಿನ ಸಿಗರೇಟ್​ ಖರೀದಿಸುವಂತೆ ಹೇಳಿದ್ದರು. ಆನಂತರ ಮೇ 23ರಂದು ಬೆಳಗ್ಗೆ ಭಾರತಿ ಕುಟುಂಬ ಸಮೇತ ಕನಕಪುರದ ಕೆರೆ ಮೇಗಲದೊಡ್ಡಿಗೆ ಹೋಗಿದ್ದರು.

ಇದನ್ನೂ ಓದಿ: ಕ್ಲೋಸ್ ಡೋರ್​ ಮೀಟಿಂಗ್​ನಲ್ಲಿ ರೋಹಿಣಿ ಸಿಂಧೂರಿಗೆ ಹಿಗ್ಗಾಮುಗ್ಗಾ ತರಾಟೆ! ಮೌನವಾಗಿಯೇ ಹೊರಟ ಡಿಸಿ

ಈ ಮೊದಲೆ ತಿಳಿದಿದ್ದ ದಿಲೀಪ್​, ರಾತ್ರಿಯೇ ಬಂದು ಪಿಕಾಶಿಯಿಂದ ಡೋರ್​ ಲಾಕ್​ ಒಡೆದು ಮನೆಗೆ ನುಗ್ಗಿ ಚಿನ್ನಾಭರಣ ದೋಚಿದ್ದ. ಮಾರನೇ ದಿನ ಬೆಳಗ್ಗೆ ಅಕ್ಕಪಕ್ಕದ ಮನೆಯವರು ಬಾಗಿಲು ಓಪನ್​ ಆಗಿರುವುದು ನೋಡಿ ಭಾರತಿಗೆ ವಿಷಯ ಮುಟ್ಟಿಸಿದ್ದರು. ಊರಿನಿಂದ ಬಂದು ನೋಡಿದಾಗ ಆಭರಣ ಕಳವವಾಗಿತ್ತು.

ಈ ಕುರಿತು ಭಾರತಿ ನೀಡಿದ ದೂರಿನ ಮೇರೆಗೆ ಪೊಲೀಸರು, ತನಿಖೆ ಕೈಗೊಂಡು ಅಕ್ಕಪಕ್ಕದಲ್ಲಿದ್ದ ಸಿಸಿ ಕ್ಯಾಮರಾ ದೃಶ್ಯಾವಳಿ ಪರಿಶೀಲನೆ ನಡೆಸಿದಾಗ ದಿಲೀಪ್​ ಮುಖಚಹರೆ ಸೆರೆಯಾಗಿತ್ತು. ಇದನ್ನು ಭಾರತಿ ನೋಡಿ, ಆರೋಪಿ ಗುರುತು ಪತ್ತೆಹಚ್ಚಿದ್ದರು. ಕೊನೆಗೆ ಆರೋಪಿಯನ್ನು ಬೆನ್ನತ್ತಿ ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಸತ್ಯಾಂಶ ಹೊರಬಂದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

https://www.vijayavani.net/bbmp-bengaluru-fungus-covid-care-center-chapati-coronavirus/

https://www.vijayavani.net/a-chikkaballapur-lady-archana-rice-pulling-cheating-case/