ಸೈಬರ್​ ಜಾಲಕ್ಕೆ ಸಿಲುಕಿದಾತ ಆತ್ಮಹತ್ಯೆ

ಚನ್ನಪಟ್ಟಣ: ತಾಲೂಕಿನ ಕೆಲಗೆರೆ ಗ್ರಾಮದಲ್ಲಿ ಡಿಜಿಟಲ್​ ಅರೆಸ್ಟ್​ ಎಂಬ ಸೈಬರ್​ ವಂಚನೆ ಜಾಲಕ್ಕೆ ಸಿಲುಕಿದ ವ್ಯಕ್ತಿಯೊಬ್ಬ ವಂಚಕರ ಕಾಟ ತಡೆಯಲಾರದೆ ಸೋಮವಾರ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಗ್ರಾಮದ ಕಾಡೇಗೌಡ ಅವರ ಪುತ್ರ ಕೆ.ಕುಮಾರ್​ (48) ಮೃತ. ವಂಚನೆಯ ಬಗ್ಗೆ ಡೆತ್​ ನೋಟ್​ ಬರೆದಿಟ್ಟು, ಮನೆಯಲ್ಲೇ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.ಈ ಸಂಬಂಧ ಎಂ.ಕೆ.ದೊಡ್ಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ನಗರದ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀೆ ನಡೆಸಿ, ಕುಟುಂಬಸ್ಥರಿಗೆ ಶವ ಹಸ್ತಾಂತರಿಸಲಾಗಿದೆ. ಮಂಗಳವಾರ ಗ್ರಾಮದಲ್ಲಿ ಅಂತ್ಯಕ್ರಿಯೆ ನಡೆಯಿತು.

ಏನಿದು ವಂಚನೆ?: ಕೆ.ಕುಮಾರ್​ ಬೆಸ್ಕಾಂನಲ್ಲಿ ಹೊರಗುತ್ತಿಗೆ ಆಧಾರದಲ್ಲಿ ಸೇವೆ ಸಲ್ಲಿಸುತ್ತಿದ್ದರು. ಪತ್ನಿ ಹಾಗೂ ಗಂಡುಮಗುವಿನೊಂದಿಗೆಬೆಂಗಳೂರಿನ ಎಚ್​ಎಸ್​ಆರ್​ ಲೇಔಟ್​ನಲ್ಲಿ ವಾಸವಾಗಿದ್ದರು.

"ವಿಕ್ರಮ್​ ಗೋಸ್ವಾಮಿ ಹೆಸರಿನ ವ್ಯಕ್ತಿ ಸಿಬಿಐ ಅಧಿಕಾರಿ ಎಂದು ಕರೆಮಾಡಿ, ನಿನ್ನ ಮೇಲೆ ಅರೆಸ್ಟ್​ ವಾರಂಟ್​ ಬಂದಿದೆ ಎಂದು ಹೆದರಿಸಿದ್ದ. ನಿನ್ನನ್ನು ಪ್ರಕರಣವೊಂದರಲ್ಲಿ ಬಂಧಿಸುತ್ತೇನೆ ಎಂಬ ಬೆದರಿಕೆ ಹಾಕಿದ. ತದನಂತರ, ಸಹಾಯ ಮಾಡುವುದಾಗಿ ಹೇಳಿ ಮೊದಲಿಗೆ 1.95 ಲ ರೂ. ಹಾಕಿಸಿಕೊಂಡ. ಬಳಿಕ ಇದನ್ನೇ ಮುಂದುವರಿಸಿ ವಿವಿಧ ಬ್ಯಾಂಕ್​ ಖಾತೆಗಳಿಗೆ ಸುಮಾರು 11 ಲ ರೂ. ವರೆಗೂ ಹಾಕಿಸಿಕೊಂಡಿದ್ದಾನೆ.ಇಷ್ಟಕ್ಕೆ ಸುಮ್ಮನಾಗದೆ ಮತ್ತೆ 2.75 ಲ ರೂ. ಹಾಕುವಂತೆ ಪೀಡಿಸುತ್ತಿದ್ದಾನೆ. ಈ ವಿಚಾರವಾಗಿ ಸಾಕಷ್ಟು ಹಿಂಸೆ ನೀಡಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ನನ್ನ ಸಾವನ್ನು ನಾನೇ ತಂದುಕೊಳ್ಳುತ್ತಿದ್ದೇನೆ' ಎಂದು ಡೆತ್​ನೋಟ್​ನಲ್ಲಿ ಉಲ್ಲೆಖಿಸಿದ್ದಾರೆ.

ಮಗನನ್ನು ನೋಡಿಕೊಳ್ಳಿ!!: ಪತ್ನಿ ಹಾಗೂ ಮಗನನ್ನು ಚನ್ನಾಗಿ ನೋಡಿಕೊಳ್ಳುವಂತೆ ಕುಮಾರ್​ ಸಂಬಂಧಿಕರನ್ನು ಡೆತ್​ನೋಟ್​ನಲ್ಲಿ ಕೋರಿದ್ದಾರೆ. ಸಂಬಂಧಿಕರ ಕೆಲ ಹೆಸರುಗಳನ್ನು ಉಲ್ಲೆಖಿಸಿ, ನನ್ನ ಮಗನಿಗೆ ತಂದೆ ಇಲ್ಲ ಎಂಬ ಕೊರತೆ ಬಾರದಂತೆ ನೋಡಿಕೊಳ್ಳಿ, ನಿಮ್ಮ ಕೈ ಮುಗಿದು ಬೇಡುತ್ತೇನೆ ಎಂದು ಅಲವತ್ತುಕೊಂಡಿದ್ದಾರೆ.