ಸೆ.27ರಿಂದ ಶ್ರೀರಂಗಪಟ್ಟಣ ದಸರಾ ಕ್ರೀಡಾಕೂಟ: ಹಗ್ಗ ಜಗ್ಗಾಟ, ಕೆಸರುಗದ್ದೆ ಓಟ, ಕಬಡ್ಡಿ, ವಾಲಿಬಾಲ್​... ಸ್ಪರ್ಧಿಸಲು ಇಲ್ಲಿದೆ ಮಾಹಿತಿ

ಮಂಡ್ಯ: ಶ್ರೀರಂಗಪಟ್ಟಣದ ಪಾರಂಪರಿಕ ದಸರಾ ಅಂಗವಾಗಿ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯಿಂದ ಕ್ರೀಡಾಕೂಟ ಆಯೋಜಿಸಲಾಗಿದೆ.

ಸೆ.27ರಂದು ಬೆಳಗ್ಗೆ 9.30ಕ್ಕೆ ಕೆ.ಶೆಟ್ಟಹಳ್ಳಿ ಸಾಯಿ ಗಾರ್ಮೆಂಟ್ಸ್ ಎದುರು ಕೆಸರುಗದ್ದೆ ಓಟ, ಮಧ್ಯಾಹ್ನ 2.30ಕ್ಕೆ ಶ್ರೀರಂಗಪಟ್ಟಣ ತಾಲೂಕು ಕ್ರೀಡಾಂಗಣದಲ್ಲಿ ಹಗ್ಗ ಜಗ್ಗಾಟ (ನೋಂದಣಿಗೆ ಮೊ. 75021 26870), ಸೆ.28ರಂದು ಬೆಳಗ್ಗೆ 7 ಗಂಟೆಗೆ ಶ್ರೀರಂಗಪಟ್ಟಣ ತಾಲೂಕು ಕ್ರೀಡಾಂಗಣದಿಂದ ಕರೀಘಟ್ಟದ ದೇವಸ್ಥಾನದ ಪಾದದವರೆಗೆ ಮ್ಯಾರಥಾನ್(ನೋಂದಣಿಗೆ ಮೊ. 96205 57621) ಆಯೋಜಿಸಲಾಗಿದೆ. ಈ ಮೂರೂ ಸ್ಪರ್ಧೆ 29 ವರ್ಷದೊಳಗಿನ ಹಾಗೂ 30 ವರ್ಷ ಮೇಲ್ಪಟ್ಟವರಿಗೆ ಪ್ರತ್ಯೇಕವಾಗಿ ನಡೆಯಲಿದೆ.

ಸೆ.28ರಂದು ಸಂಜೆ 5ಕ್ಕೆ ಶ್ರೀರಂಗಪಟ್ಟಣ ತಾಲೂಕು ಕ್ರೀಡಾಂಗಣದಲ್ಲಿ ಹೊನಲು ಬೆಳಕಿನ ಕಬಡ್ಡಿ ಪಂದ್ಯಾವಳಿ(ಮೊ. 73530 97540), ಸೆ.29ರಂದು ಬೆಳಗ್ಗೆ 7ಕ್ಕೆ ಕರೀಘಟ್ಟ ದೇವಸ್ಥಾನದ ಪಾದದಿಂದ ಮೇಲ್ಭಾಗದವರೆಗೆ ಚಾರಣ(ಮೊ. 96205 57621), ಸೆ.9.30ಕ್ಕೆ ಶ್ರೀರಂಗಪಟ್ಟಣ ತಾಲೂಕು ಕ್ರೀಡಾಂಗಣದಲ್ಲಿ ವಾಲಿಬಾಲ್ ಮತ್ತು ಖೋ ಖೋ(ಮೊ.97408 96699 ಮತ್ತು 99166 44097), ಸೆ.30ರಂದು ಬೆಳಗ್ಗೆ 9.30ಕ್ಕೆ ಶ್ರೀರಂಗಪಟ್ಟಣದ ಮಂಜುನಾಥಸ್ವಾಮಿ ಕಲ್ಯಾಣ ಮಂಟಪದಲ್ಲಿ ಚೆಸ್ ಪಂದ್ಯಾವಳಿ(ಮೊ. 80502 44338), ಬೆಳಗ್ಗೆ 9.30ಕ್ಕೆ ಶ್ರೀರಂಗಪಟ್ಟಣ ತಾಲೂಕು ಕ್ರೀಡಾಂಗಣದಲ್ಲಿ ಗುಂಡು ಎಸೆತ(ಅಂಗವಿಕಲಕರಿಗೆ ಮಾತ್ರ)(ಮೊ.7502126870) ಸ್ಪರ್ಧೆ ನಡೆಯಲಿದೆ.

ಅ.1ರಂದು ಬೆಳಗ್ಗೆ 9.30ಕ್ಕೆ ಶ್ರೀರಂಗಪಟ್ಟಣ ತಾಲೂಕು ಕ್ರೀಡಾಂಗಣದಲ್ಲಿ ಕಬಡ್ಡಿ, ವಾಲಿಬಾಲ್ ಮತ್ತು ಖೋಖೋ ಫೈನಲ್ ಪಂದ್ಯಗಳು, ಮಧ್ಯಾಹ್ನ 3ಕ್ಕೆ ಸೇಂಥಿಲ್ ಕೋಟೆ ಆವರಣದಲ್ಲಿ ಕುಸ್ತಿ ಪಂದ್ಯಾವಳಿ ನಡೆಯಲಿದೆ. ಸ್ಪರ್ಧೆಗಳಲ್ಲಿ ಭಾಗವಹಿಸುವವರು ಸೆ.26ರಂದು ಸಂಜೆ 5 ಗಂಟೆಯೊಳಗೆ ನೋಂದಣಿ ಮಾಡಿಕೊಳ್ಳಬೇಕೆಂದು ಇಲಾಖೆಯ ಸಹಾಯಕ ನಿರ್ದೇಶಕ ಓಂಪ್ರಕಾಶ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

https://www.vijayavani.net/a-chikkamagalore-kaduru-rakshitabai-organ-donate/

https://www.vijayavani.net/a-haveri-grandmother-puttavvas-applied-euthanasia/

https://www.vijayavani.net/a-mallikarjuna-kharge-rahul-gandhi-aicc-president/